УИХ таван зүйл, Засгийн газар дөрвөн зүйл амлав | News.MN

УИХ таван зүйл, Засгийн газар дөрвөн зүйл амлав

РЕДАКЦИЙН ЗУРВАС

УИХ таван зүйл, Засгийн газар дөрвөн зүйл амлав

УИХ таван зүйл, Засгийн газар дөрвөн зүйл амлав

Монгол улсын найм дахь парламент бүрэн эрхээ хэрэгжүүлж эхэллээ. Улс орны амьдралын нэгэн дөрвөн жилийн мөчлөг эхэллээ гэсэн үг. Гэхдээ энэ дөрвөн жилийн мөчлөгийн нэг онцлог нь удирдан залах хүмүүс нь өөрчлөгдөөгүй явдал. УИХ-ын дарга нь ч, Ерөнхий сайд нь ч сонгуулийн өмнөх албан тушаалдаа улирлаа. Эрх барьж байсан хүчин улиран эрх мэдлээ хэрэгжүүлэх нь юу чаддагаа харуулах ховор боломж. Тэд юу амлав?

УИХ-ЫН ДАРГА Г.ЗАНДАНШАТАР

2020-2024 онд дараах таван чиглэлд ажиллахаа мэдэгдлээ.

Нэг. Хуулийн реформ. Монгол Улсын Үндсэн хуульд оруулсан нэмэлт, өөрчлөлтийн хэрэгжилтийг хангах хуулиудыг амилуулна. Эхний ээлжинд 37 хуульд нэмэлт, өөрчлөлт оруулж, шинэчлэн найруулах шаардлагатай. Үүнд, Засаг захиргаа, нутаг дэвсгэрийн нэгж, түүний удирдлагын тухай, Нийслэлийн эрх зүйн байдлын тухай, Хот, тосгоны эрх зүйн байдлын тухай, Шүүхийн тухай, Үндэсний баялгийн сангийн тухай зэрэг олон хуулийн өөрчлөлтийг хийнэ.

Хоёр. Эдийн засгийн чиглэлээр. Эдийн засгаа эрсдэлээс хамгаалах, өсөлтийн суурийг бүрдүүлэх, МАН-ын мөрийн хөтөлбөрт багтсан амлалтаа хэрэгжүүлэх, коронавирусийн халдварт цар тахлын нөлөөллөөс эдийн засгаа, иргэдээ хамгаалах, ажлын байр, экспортыг нэмэгдүүлэх, нэгэнт авч хэрэгжүүлсэн арга хэмжээг үр дүнд хүргэх нь ойрын зорилт болохыг онцоллоо. Энэ хүрээнд юун түрүүн, банк санхүүгийн реформыг үргэлжлүүлэх, зээлийн хүүг бууруулж нэг оронтой тоонд хүргэх, ипотекийн зээлийн хүртээмжийг нэмэгдүүлж, хүүг багасгах зэрэг шийдвэрийг нэрлэлээ.

Гурав. Эдийн засгаа солонгоруулах. Энэ зорилт шинэ зүйл биш. Гэсэн ч солонгоруулах зорилт биелээгүй л байна. Уул уурхайгаас хэт хамааралтай байдлыг өөрчилж, хөдөө аж ахуйн үйлдвэрлэлийг дэмжинэ. Хүнс, хөдөө аж ахуйн үйлдвэрлэлийг санхүү, зээл, татварын бодлогоор дэмжих, мал аж ахуйн гаралтай түүхий эдийн үйлдвэрлэлийг эрчимжүүлэх, экспортын чиг баримжаатай хөгжүүлэх зарчмыг хангасан шийдвэрүүдийг гаргана.

Дөрөв. Бас л хуучин сэдэв. Бүх шатанд сахилга хариуцлагыг бэхжүүлж, ёс зүйг сахиулахад эн тэргүүнд анхаарахын тулд УИХ-ын Ёс зүйн дэд хороог Ёс зүйн байнгын хороо болгон өргөтгөх ёстой гэж үзэж байгаагаа спикер хэллээ. Мөн Үндсэн хуулийн нэмэлт, өөрчлөлтөд туссан Хянан шалгах түр хорооны үйл ажиллагааг нэн яаралтай журамлаж, хуульчлах бөгөөд эдгээр бүтцээр дамжуулан зөвхөн УИХ-ын гишүүдийг биш нийт төрийн албан хаагчдад хариуцлага, ёс зүйг хэвшүүлэх, тэдний үйл ажиллагааг хянан шалгах байнгын ажиллагаатай тогтолцоог бүрдүүлэх боломжтой гэлээ.

Тав. Нийгмийн хамгааллын чиглэлээр МАН-ын мөрийн хөтөлбөрт багтсан “Элэг бүтэн Монгол”, “Хуримтлалын нэгдсэн сан”, “Тэтгэврийн шинэчлэл”, “Бага өртөгтэй орон сууц”, “Тогтвортой амар амгалан гэр бүл” зэрэг хөтөлбөрийг бидэнд санал болгох ажээ.

ЕРӨНХИЙ САЙД У.ХҮРЭЛСҮХ

2020-2024 онд дараах дөрвөн зорилтыг дэвшүүллээ.

Нэг. Импортлогч улсаас экспортлогч улс болцгооё!

Монгол Улсын эдийн засаг өрийн дарамтгүй, өрсөлдөх чадвартай, бүс нутгийн худалдааны идэвхтэй оролцогч болох арга зам бол экспортыг нэмэгдүүлэх явдал юм.

Ирэх дөрвөн жилд Тавантолгой-Гашуунсухайт, Тавантолгой-Зүүнбаян чиглэлийн төмөр замыг барьж дуусган, уул уурхайн томоохон төслүүдийг дэд бүтцээр холбож, боловсруулах үйлдвэрүүд байгуулахын зэрэгцээ, Үндэсний баялгийн сангаар дамжуулан эдийн засгаа бодитой тэлэх явдал чухал байна.

Монголчууд бидний олон арван жилийн хүсэл мөрөөдөл байсан газрын тос боловсруулах үйлдвэрийг ашиглалтад оруулснаар, долларын урсгалыг дотооддоо шингээж, Дэлхийн зах зээл дээрх нефьтийн үнэ ханшны савалгаанд автахгүй байх, улсынхаа шатахууны хэрэгцээг хангаж, эдийн засгийн өсөлтийг нэмэгдүүлэх боломж бүрдүүлнэ.

Үүний зэрэгцээ улс орныхоо эрчим хүчний хэрэгцээг дотооддоо хангах томоохон зорилтыг дэвшүүлж байна. Энэ ажлын хүрээнд Таван толгойн цахилгаан станц, Эрдэнэбүрэнгийн усан цахилгаан станцыг шинээр барих бөгөөд эрчим хүчний эх үүсвэрүүдийн хүчин чадлыг нэмэгдүүлэх арга хэмжээг авч хэрэгжүүлнэ.

Мөн ОХУ, Монгол, БНХАУ-ыг холбосон байгалийн хийн хоолой барих ажил эхэллээ. Бүс нутгийн энэхүү томоохон бүтээн байгуулалтын ажил нь манай улсын эдийн засагт өндөр ач холбогдолтой төсөл байхын зэрэгцээ мөнхийн хоёр хөрштөйгөө эдийн засгийн хамтын ажиллагааны бас нэгэн шинэ хуудсыг нээн хамтын ажиллагааны интеграцид орж байна.

Үндэсний аж үйлдвэрийн сэргэлтийг бодлогоор дэмжиж, уул уурхай, хүнс хөдөө аж ахуй, органик хүнсний үйлдвэрлэл, эрчим хүч, аялал жуулчлал, бүтээлч үйлдвэрлэл, мэдээлэл технологи, тээвэр логистик зэрэг салбаруудыг тэргүүлэх салбар болгон хөгжүүлж, төр хувийн хэвшлийн идэвхтэй түншлэлийг бэхжүүлэх болно.  Нэн ялангуяа хөдөө аж ахуй, газар тариаланг дэмжиж, хүнсний хэрэгцээгээ дотоодоосоо ханган, хүнс экспортлогч орон болох зорилтыг дэвшүүлэн ажиллаж байна.

Хоёр. Нийгэмд шударга ёсыг тогтоож, Цахим Монгол болцгооё!

Энэ зорилтын хүрээнд хийх ажлаа дараах байдлаар томъёоллоо. Үүнд, “Монгол Улсыг хуульгүй мэт авирлаж байгаа этгээдүүдэд хууль байгаа, төр засаг байгаа, ард түмэн байгаа гэдгийг цаашид ч мэдрүүлэх болно. Монгол төр шударга бусын өмнө толгой гудайлгах учиргүй. Өвөг дээдсийн маань халуун амь, бүлээн цусаар дархлагдсан Монгол төрийн алтан сүлд өнгө мөнгөний сүрэнд бүдгэрэх ёсгүй. Цаашид нийгэмд шударга ёсыг бэхжүүлэх, төрийн албаны бүх шатанд сахилга хариуцлага, дэг журмыг тогтооход онцгойлон анхаарч ажиллах болно. Нэн ялангуяа ард иргэдийг ихээхэн бухимдуулж байгаа дунд, доод шатны хүнд суртал, хууль, хүчний байгууллагынхан, авилга албан тушаалын гэмт этгээдүүдтэй төрийн хуулийн хүрээнд хатуу тэмцэж ажиллана” гэлээ.

Мэдээлэл технологийн салбарын хөгжлийг Монголын хөгжлийн нэг гол асуудал гэж үзэн Засгийн газрын эхний 100 хоногт багтаан иргэдэд хүргэх төрийн үйлчилгээг цахимд шилжүүлэхээ амаллаа.

Гурав. Иргэдийнхээ амьдралын чанарыг дээшлүүлж, дундаж давхаргаа тэлье!

Энэ зорилтын хүрээнд олон амлалт авлаа. Эдгээрээс онцлон дурдвал, иргэдийн орлогод нийцсэн орон сууцны хорооллууд, түрээсийн байруудыг бүсчлэн байгуулах ажлыг эхлүүлнэ, Хуримтлалын нэгдсэн сангийн тогтолцоонд шилжиж, орон сууцны дэмжлэг, эрүүл мэндийн даатгал, боловсролын тэтгэлэг болон тэтгэвэр, тэтгэмжийн асуудлыг нэг сангаас шийдвэрлэнэ.

200 сургууль, 273 цэцэрлэг шинээр барьж, чанартай боловсролыг үр хүүхдэдээ олгож, эцэг эхчүүдийн хөдөлмөр эрхлэх боломжийг бүрдүүлнэ. Иргэдээ жил бүр эрүүл мэндийн оношилгоонд хамрагдах үндэсний оношилгооны тогтолцоог нэвтрүүлнэ.

Банк санхүүгийн системийн шинэчлэлийг гүнзгийрүүлж, банкны эздийн монополийг задалж, зээлийн хүүг сарын нэг хувьд хүргэх шат дараатай арга хэмжээ авна.

Дөрөв. Хот, хөдөөгийн хөгжлийн зохист харьцааг хангацгаая!

Өнгөрсөн нэг жилийн хугацаанд Улаанбаатар хотын агаарын бохирдлыг 50 хувь бууруулж чадсан, цаашид 80 хувь хүртэл бууруулна. Мөн аймгийн төв, томоохон суурин газруудын агаарын бохирдлыг үе шаттайгаар бууруулахаар төлөвлөж байна. Хариуцлагагүй уул уурхайг эмхэлж цэгцлэх ажил эхэлж, байгаль эхийн нуруу амарч өнгө төрх сэргэж байна. Энэ ажлыг цаашид улам эрчимжүүлж, байгаль дэлхийгээ хамгаалах, нөхөн сэргээх, хариуцлагагүй уул уурхайг таслан зогсооход чиглэсэн арга хэмжээг тууштай авч хэрэгжүүлнэ. Малчин түмэн, таван хошуу мал бол монгол ахуй, монгол оршихуйн үндэс юм. Тиймээс малчдын талаар баримтлах төрийн бодлогыг хэрэгжүүлэхэд онцгойлон анхаарах болно.

Орон нутгийн дэд бүтцийг сайжруулж, малын түүхий эд боловсруулах аж үйлдвэрийн цогцолборыг байгуулна. Бэлчээрийн менежментийг сайжруулж, усжуулалтын асуудлыг шийдвэрлэнэ. Төвлөрлийг сааруулах тогтолцоог бий болгож, нийслэлийн дагуул хотууд байгуулж, хөдөөгийн хөгжлийг дэмжсэн санхүү, татварын бодлого хэрэгжүүлэх ажлаа улам гүнзгийрүүлэх болно.

Энэ мэдээнд өгөх таны сэтгэгдэл?
16
ЗөвЗөв
5
ХахаХаха
3
ГайхмаарГайхмаар
2
ТэнэглэлТэнэглэл
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

17 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-06 66.181.177.44

Банкны хүү бууруулахаас бусад 2016-2020онд дэвшүүлж байсан хуучирсан хуучин хөтөлбөр байна.Та бүхэн шинэ хуучныг зэрэгцүүлэн уншаад үзээрэй.Хэрэгжээгүй хөтөлбөрөө дахин оруулж ирж байгаа юм байна.Аймгийн төвүүдээ бүгдийг нь асфалтаар хурдан холбоочээ

Avatar

Зочин 2020-07-06 59.153.85.117

Цахилгааны үнэ чөлөөл шөнийн тог тэглэхээ боль элдэв халамжуудаа зогсоо эдийн засагаа эрүүл болгое намын даргаа???

Avatar

Ханш 2020-07-06 202.9.40.178

Наад $$$ ханшаа бариаачээ. Хадгаламж юуч биш боллоо. Эсвэл $$ хадгалах уу

Avatar

Унш унш унш 2020-07-06 66.181.161.104

МАН нам одоо 2021 оны Сонгуульд яаж ялахаа бодоорой.

Avatar

Зочин 2020-07-06 27.123.213.78

2021 онд яагаад ч сонгож болохгүй ээ МАНыг!!!!

Avatar

Зочин 2020-07-06 139.5.217.102

Bidnii sonholtoor ted hoshon shog togloj ehellee.

Avatar

Зочин 2020-07-06 202.21.118.250

Орон нутгийн иргэдээ дэмжээрэй, адилхан шөнийн тогийг тэглэх ёстой ш дээ

Avatar

ИРГЭН 2020-07-06 202.9.46.214

ТӨРИЙН ЗАХИРГААНЫ БАЙГУУЛЛАГЫГ ҮЙЛ АЖИЛЛАГААГ ЦАХИМЖУУЛЖ, ОРОН ТООГ НЬ 50% ХҮРТЭЛ БАГАСГА.

Avatar

Арслан 2020-07-06 66.181.161.49

Сонгуулийн үед хүмүүс өмнөх амлалтыг бус тухайн үеийн бодит байдлыг харж саналаа өгдөг.10р сард болох орон нутгийн сонгуулиас өмнө дархан улаанбаатарын замыг бүрэн ашиглалтан оруулахгүй бол Ардын хувьсгалын 99 жилийн ойн их баяр наадмыгЖенко тур жуулчны баазад тэмдэглэвэл Ард түмэн орон нутгийн согуульд МАНд итгэл үзүүлэхгүй нь тодорхой .Ингээд Хүрэлсүх шүдгүй дээрээ ХӨЛГҮЙ болж хэвтээгээрээ архирахаас цаашгүй АРСЛАН болно.

Avatar

Зочин 2020-07-06 203.91.112.82

Ерөнхий сайд заавал Баттулгын саналыг хүлээн авах шаардлагагүй ш дээ. Ерөнхийлөгчийн шахааны нөхдүүд татвар төлөгч, баялаг бүтээгчдийг ажлыг нь хийлгэхгүй гацаадаг шүү Сумьяабазар , оюун-эрдэнэ 2 огт хэрэгггүй шүү

Avatar

Зочин 2020-07-06 64.119.20.12

bank nertee heden kompand gurvan sayuulaa mongo huuleltiin zolios bolj duuslaa hurdan arga avaachee saidaa

Avatar

Зочин 2020-07-06 103.26.195.195

Д.Сумъяабазар , Я.Содбаатар нар Уул уурхайн Сайдад яригдаж байгаа гэл үү Буруу л хувилбар даа Ерөнхий Сайд аа ! Гол нь салбрын Сайд гэдэг чинь салбараа мэддэг салбартаа танигдсан хүн байх ёстой Өнгөрсөн жил Заамарт гарсан ослын талаар "Алтайн хүдрийнхэн" , Сайд Д.Сумъяабазарын толгойг эргэтэл худлаа тайлбарлаж байсан , Сайд гуай ч толгой дохиод зогсож байсан өмнөөс нь ичиж билээ !

Avatar

тодорхой зүйл юу ч алга 2020-07-06 202.126.89.56

Шал худлаа зүйл байна өмнөх шигээ ард иргэдийг дарамталсан халаасыг хоосолсон худал амлалт байна. Иргэн миний амьдралд орлогт нэмэр болох зүйл огтоос алга. Улс орны хөгжил гэдэг чинь ард иргэдийн халаас хэр зузаарсанаас хамаардаг юм муулаад байдаг Хятад улсаас жишээ ав тэд массаараа хүчирхэг болж байна. Өөрөөр хэлбэл Нэг тэрбум дөрвөн зуун сая иргэд баян мөнгөтэй орлоготой болж байна тэрийг төр засаг нь улам дэмжиж байна. Нүдээ нээж сайн хар. Харин биднийг барууны гарт байлгасаар л байна. Ямар

Avatar

МУ иргэн 2020-07-06 202.131.240.170

Ингэж тэврэлдэж үнсэлцэхэд тэр корона нтр хамаагүй юм уу? Хэрэв тийм бол энэ хорио цээр гээд байгаа зүйл нь ямар ч утга учиргүй гэсэн үг үү?

Avatar

Зочин 2020-07-06 66.181.182.147

Төрийн албаны зөвоөлийн дарга Баатарзоригийг өөрчлөх хэрэгтэй.Энэ нөхөр шударга бус томилгоог хамгаалагч болон ажиллаж байна

Avatar

Чоймбол 2020-07-06 64.119.27.236

Хүрэлсүх эхний нэг жилийн дотор л томоохон төслүүд болох ТТ-н цахилгаан станц 3-р станцын иж бүрэн шинэчлэл болон бусад ажлуудаа эрлэхгүй бол ард түмний итгэл суларна

Avatar

Дорж 2020-07-06 66.181.182.147

Төрийн албыг төрлийн алба болгон дүүргэсэн шахааны нөхдүүдийг чөлөөлж шударга сонгон шалгаруулалт явуулахаас эхэлнэ. шүү. Эхлээд Хүрэлсүх, Занданшатар нарын шахааны хүмүүсийг төрөөс цэвэрлэх хэрэгтэй Тэгж байж итгэл үнэмшил төрнөө

NewsMN Гар утасны хувилбар Татах
NEWS.mn

Мэдээллийн эх сурвалж