Чингэлтэй дүүрэг, Баянбүрдийн тойргийн авто замыг хэсэгчлэн хааж, цэвэр усны шугам татах ажил өчигдөр /2020.7.3/ 23.00 цагт эхэлсэн бөгөөд Даваа гаригийн 06.00 цаг хүртэл үргэлжилнэ.

Улаанбаатар хотын гэр хорооллыг хөгжүүлэх, хөрөнгө оруулалтыг дэмжих хөтөлбөрийн хүрээнд Зүүн хойд бүсийн усан сангаас Тасганы овооны усан сан хүртэл ф900мм-ийн цэвэр усны шугамыг шинээр татах ажлыг энэ сарын 3-6-нд хийх юм.

Ажил гүйцэтгэх хугацаанд тээврийн хэрэгсэл эзэмшигч та бүхэн хөдөлгөөний аюулгүй байдлаа ханган авто замын тэмдэг тэмдэглэгээний дагуу хөдөлгөөнд оролцоно уу.