Ботсванад 350 гаруй заан учир битүүлгээр үхжээ | News.MN

Ботсванад 350 гаруй заан учир битүүлгээр үхжээ

Ботсванад 350 гаруй заан учир битүүлгээр үхжээ

Ботсванад 350 гаруй заан учир битүүлгээр үхжээ

Өмнөд Африкийн Бүгд Найрамдах Ботсвана улсад сүүлийн хоёр сарын хугацаанд олон зуун заан учир битүүлгээр үхэж байгаа нь олны анхаарлыг татаж байна. Зааны тоо толгойгоор дэлхийд тэргүүлдэг тус улсад сүүлийн хоёр сарын хугацаанд 350 гаруй заан үхжээ.

Үхсэн заануудын цогцсыг харвал бүгд соёотойгоо байгаа учир хулгайн ан биш гэх дүгнэлтэд хүргэж байгаа ба элдэв халдварт өвчин ч мөн тархаагүй байна. Хөрш зэргэлдээх Зимбабве улсын хулгайн анчид зааны эд эрхтэнг худалдахын тулд зааныг цианидаар хордуулдаг арга хэрэглэдэг ч үхсэн заанууд бүгд бүрэн бүтэн байгаа нь анхаарал татаж байгаа ажээ.

Харин ихэнх цогцос ундны ус, нуур цөөрмийн дэргэдээс нүүрээрээ эгч урагшаа унасан байдалтай олдож байгаа нь хачирхалтай байгаа юм. Түүнчлэн нутгийн иргэдийн ярьж байгаагаар зарим заанууд үхэхээсээ өмнө нэг газраа тасралтгүй тойрон алхаж байсан аж.

Тус улсын Засгийн газраас өгсөн чиглэлийн дагуу үхсэн заануудын сэгээс дээж авч шинжилгээ хийж эхэлсэн ч коронавируст цар тахлын  улмаас шинжилгээний дээжүүдийг бусад оронд байрлах баталгаажсан лабораториуд руу илгээхэд хүндрэл учруулж байгааг онцолжээ. Мөн үхсэн заануудын сэг зэм дээр энгийн үеийнхээс маш цөөхөн тас шувууд хооллож байгааг нутгийн иргэд анзаарчээ. Аялал жуулчлалын орлогоор эдийн засгийнхаа дийлэнх хэсгийг бүрдүүлдэг энэ улсын хувьд заан бол үндэсний баялаг юм.

Эх сурвалж: BBC

Энэ мэдээнд өгөх таны сэтгэгдэл?
16
ХарамсалтайХарамсалтай
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-02 202.5.202.132

аль дээрийэн 5 сарын мэдээ

Avatar

zochin 2020-07-02 66.181.176.84

xairan zaanuud Er ni bol xor l bna daa Uran tsianid met

Avatar

nyamka 2020-07-02 108.71.183.112

oilgomjtoi URAN l bkgui yu! ter kalzanbadrak sumnd ajilyn keseg ajluulchaach!!

NewsMN Гар утасны хувилбар Татах
NEWS.mn

Мэдээллийн эх сурвалж