Давхар цахилгаан автобус нийтийн тээврийн үйлчилгээнд явж эхэллээ | News.MN

Давхар цахилгаан автобус нийтийн тээврийн үйлчилгээнд явж эхэллээ

Давхар цахилгаан автобус нийтийн тээврийн үйлчилгээнд явж эхэллээ

Давхар цахилгаан автобус нийтийн тээврийн үйлчилгээнд явж эхэллээ

Нийтдээ 70 хүний суудалтай, хоёр давхар цахилгаан автобус өнөөдрөөс нийтийн тээвэрт явж эхэллээ. Нийтийн тээврийн шинэчлэлтийн хүрээнд энэ сард нэмж давхар цахилгаан автобус 9, энгийн цахилгаан  автобус 36-гааг шугаманд явуулна. Тус автобусны урьдчилгаа 20 хувийг нийслэлийн төсвийн хөрөнгөөр, 80 хувийг Монголын Хөгжлийн банк болон БНХАУ-ын Хөгжлийн банкны зургаан жилийн хугацаат зээлээр авч байгаа ажээ. 100 хувь цахилгаанаар ажилладаг учраас  нэг цэнэглэлтээрээ хоёр өдрийн үйлчилгээнд гарах боломжтой буюу 400 км явах хүчин чадалтай.  Одоо үйлчилгээнд явж энгийн автобус 400км явахдаа 360.000 төгрөгийн дизель түлш хэрэглэдэг. Харин уг цахилгаан автобус  35.000 төгрөгийн цахилгаанаар хоёр өдөр нийтийн тээвэрт явах аж.

Нийслэлийн ИТХ-ын Р.Дагва “Нийслэлийн нийтийн тээврийг шинэчлэх олон төсөл хөтөлбөрүүдийг хэрэгжүүлж байгаа. Үүний нэг ажил нь цахилгаан автобус нэвтрүүлэх, тэр дундаа 2 давхар цахилгаан автобусыг нэвтрүүлэх ажил юм. Хуучин автобуснуудад түлшний зардал өндөр байсан. Харин цахилгаан автобус нэвтрүүлснээр тэр зардлаа 100 хувь хэмнэнэ. Өөрөөр хэлбэл цахилгаан автобус эхний 6 жилийн дотор өөрийнхөө олсон орлогоор зээлээ төлж, дараагийн 6 жилд нь  орлого олох давуу талтай. Эдийн засгийн хувьд ч өгөөжтэй, хотын залуу иргэдэд ч сонирхолтой сайхан санагдах байх. Үүнээс гадна нийтийн тээврийг салбарыг шинэчлэх зорилгоор агаарын дүүжин тээвэр, соронзон галт тэрэгний төслүүдийг хэрэгжүүлэхээр судалгааны ажил хийгдэж байна.” гэдгийг онцоллоо.

Нийслэлийн нийтийн тээвэрт 1200 гаруй автобус үйлчилдэг. Үүний 70 гаруй хувийнх насжилт дууссан ажээ. 2009 онд улсын төсвийн хөрөнгөөр 500 гаруй автобус худалдаж авч байсан юм. Эдгээр автобуснууд 2020, 2021 онд ашиглалтын хугацаа дуусаж байгаа. Тиймээс нь нийтийн тээвэрт парк шинэчлэлт хийх зайлшгүй шаардлагатай байгаа юм.

Эх сурвалж: Нийслэлийн ИТХ-ын ХМОНХТ

Энэ мэдээнд өгөх таны сэтгэгдэл?
5
ЗөвЗөв
1
ХахаХаха
1
ГайхмаарГайхмаар
1
ТэнэглэлТэнэглэл
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

5 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-07-01 203.91.115.54

Prius ee zaraad enenees leasingdmeer yum bn da

Avatar

/*-*/ 2020-07-01 49.0.212.173

МАН-ын шоу

Avatar

Зочин 2020-07-01 202.126.89.124

Хаха 6 жилийн дараа байх уу наад автобус чинь 500 гаран сая төгрөг гэхээр цаана нь юм байгаад л байгаа юм даа

Avatar

Зочин 2020-07-01 66.181.161.49

2 honogt 360k bish 35k gedeg chn bodit shiidel busad ni hamaagui mash zuv shiidel bolson baina!!

Avatar

болдоо 2020-07-01 202.126.89.3

сайхан бна, баярлалаа, 370 мянгын зардлыг 35 мянган төгрөг болгож бууруулна гэдэг үнэхээр сайхан шийдэл бна, дээрээс нь муухай хар утаагаар утахгүй эко гэдэг нь бүр ч тасархай, бас орчин үеийн монголд байгаагүй хоёр давхар, их хүн суудаг нь гайхалтай … үүнд дээр ажилласан хүмүүстээ маш их баярлалаа

NewsMN Гар утасны хувилбар Татах
NEWS.mn

Мэдээллийн эх сурвалж