Бүртгэл, статистикийг нэгтгэснийг буруутгав | News.MN - Мэдээллийн эх сурвалж

Бүртгэл, статистикийг нэгтгэснийг буруутгав

Хуучирсан мэдээ: 2016.01.07-нд нийтлэгдсэн

Бүртгэл, статистикийг нэгтгэснийг буруутгав

УИХ-ын чуулганы үдээс хойших хуралдаан үргэлжилж байна. УИХ-ын гишүүд яг одоо Улсын бүртгэлийн ерөнхий хууль болон холбогдох бусад хуульд өөрчлөлт оруулах тухай Засгийн газрын тогтоол, хуулийн төслийг хэлэлцэж байна.

Хэлэлцүүлгийн явцад УИХ-ын гишүүд бүртгэл, статистикийн газрыг нэгтгэж байгааг шүүмжиллээ. Мөн төсөв гайгүй болоод ирэхээр салгах ёстой гэсэн санал гарч байсан юм. Харин УИХ-ын гишүүн Х.Тэмүүжин бусад гишүүдийн хэлж байгааг шүүмжиллээ. Тэрбээр “Бид Улсын бүртгэлийн ерөнхий хууль болон холбогдох бусад хуульд өөрчлөлт оруулах тухай асуудлыг хэлэлцэж байгаа болохоос бүртгэл статистикийг нэгтгэх нь зөв, буруу гэсэн асуудлыг хэлэлцээгүй. Захиргааны ерөнхий хууль батлагдсантай холбогдуулан зарим хуульд нэмэлт өөрчлөлт оруулах асуудлыг Засгийн газар оруулж ирж байгаа юм” гэлээ.

УИХ-ын гишүүн Р.Гончигдорж: -Улсын бүртгэл болоод статистикийн газруудыг аль хэдийн нэгтгэсэн. Тиймээс бид зарим хуульд нэмэлт өөрчлөлт оруулах шаардлагатай болчихоод өнөөдөр хэлэлцэж байна. Хэлэлцэх ёстой, харин ч цаг алдаж байна. Оны эхнээс хэрэгжээд явах ёстой байсан хуулийг одоо хэлэлцэж байна.

УИХ-ын гишүүн С.Дэмбэрэл: -Би энэ хуулийг дэмжихгүй. Теорем батлагдсан одоо засахаас өөр аргагүй гэдэг байдлаар асуудалд хандаж байна. Гэтэл олон улсад манай статистикийн тогтолцоог дэмжиж байсан. Статистикийг нэгтгэх нь хамгийн том алдаа. Тиймээс буцаад байранд нь тавих хууль санаачлаад явж байна. Статистик өөрөө хараат бус байх ёстой. Гэтэл даргыг нь томилоод өөр байгууллагатай нэгтгэх гэж байна. Даргыг нь Засгийн газар томилсон юм чинь Засгийн газрын хэлсэн ажлыг л хийнэ шүү дээ.

УИХ-ын гишүүн Ц.Баярсайхан: -Орж ирсэн хуулийн төслийг шүүмжлэх юм алга. Бид олон үзүүлэлт ярьдаг. Олон улсад манай статистикийн байгууллагыг үнэлдэг. Тиймээс хуучнаар нь байлгах асуудлыг шийдэх ёстой. Статистик мэдээг зөвхөн их хуралд зориулж гаргадаггүй. Тиймээс дахин нэг ярих ёстой.

Ийнхүү гишүүд асуулт асууж, үг хэллээ. 65,4 хувийн саналаар хууль, тогтоолын төслийг хэлэлцэх нь зүйтэй гэж үзсэн учир анхны хэлэлцүүлэгт шилжүүллээ.

Т.НОМИН


 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

зочин 2016-01-07 202.21.125.2

тэс хөдлөнгийн өөр 2 байгууллага л лав биш байхаа.

зочин 2016-01-07 202.21.125.2

яагаад болохгүй гэж. Ингэлээ гээд статистик буруу гарна гэж юугаа хэлээд байгаа юм. Хүн амын бүртгэл нь харин зөв гарах биш үү. Иргэний бүртгэлээс төрсөн, нас барсан, шилжиж явсан, ирсэн гэх мэт бүх бүртгэсэн мэдээгээ аваад.

зочин 2016-01-07 202.131.252.213

Нэгтгэсэн нь хамгийн буруу харалган шийдвэр.Одоо засгийн газрын хараат болж иргэд статистикт итгэх итгэл алга боллоо.Хараат бус УИХ-ын статустай хуучнаараа байвал дээр энэ УИХ алдаагаа хурдан засаж хуулийн төслөө хурдан өргөн барих хэрэгтэй

OBU.статистик 2016-01-07 150.129.143.175

Энэ шийдвэрийг гаргасан хүмүүст ер нь албан ёсны статистик гэдэг улс орны бүх л амьдралыг тоон үзүүлэлтээр ард түмэн болон олон улсад Монгол улсыг таниулж, байдаг мөн УИХ, Засгийн газрын нүд чих болж явдаг гэсэн ойлголт үнэхээр харамсалтай. Энэ бол харалган,сохор шийдвэр гэдгийг төр л барьж суугаа юм бол З өндөрлөгт ойлгох чадвар байнаа эсэхийг л харъя. Ямар шийдвэр гаргадаг юм бол. Нийлүүлнэ гэж шийдэж л байСАН ЮМ БОЛ хоёр байгууллагын ажиллах хууль дүрэм,журмыг эртнээс хийгээгүй байж байгууллагыг нь нэгтгэчихээд дараа нь хууль журмыг нь ярьж суудаг мөн хоцрогдсон 76 шүү.

Зочин 2016-01-07 202.131.234.5

буруу шийдвэр! статистик мэдээлэл төрөөс хараат бус хөндлөнгийн байх хэрэгтэй энэ их улс төржсөн үед

zochin 2016-01-07 202.131.225.147

negtgesen ni zuvuus zuv shiidver bolson. huuchin sots niigmiin niigmiin ueiin heden toogoo hudlaa gargaad suuj bgaa sh tee, uniin medee l gene teriig sudalgaanii baiguullaguud yaaj l bol yaaj jinhene uneneer ni gargaad tavidag bolson bna statistiktai statistikgui, sudalgaa shinjilgeenii asuudlaar bol yrilt baihgui pag, huviin sudalgaanii olon mundag baiguullaga manaid garaad irj, heregtseetei, hun abch ashiglahaar too er baidaggui um bna le, heregtseegui heden too negtgeh gej jild 1 terbum tugrugnii tusuv batalj uguud nuser tom apparat ajilluulah shaardlagagui...negtgeseniig ard tumen zuv gej uzej bgaa ni haragdaj bgaa harin statistikiin gazriihan l eserguutsej bgaa shuu de...

Дээрх тэнэгт 2016-01-07 59.153.112.77

Статистикийн талаар А ч байхгүй юм байж ийм тэнэг юм бичихдээ ичдэггүй юм байх даа. Тэр судалгааны байгууллагууд чинь тэгээд макро үзүүлэлтүүд тооцоод гаргах уу. Стаистиктай статистикгүй гэнээ үнэ гэдэг чинь өөрөө стаистик ккк. Судалгааны байгууллагад улс орны тоо мэдээг даатгах уу. Дээрээс чи статистикаас үнэн тоо мэдээ хүсэж байгаа бол татварт ногдох орлогоо ядаж зөв гаргаад өгчих тэгвэл худлаа гардаг тоо чинь нэгээр ч болтугай буурна

Tomroo 2016-01-07 202.131.249.138

Hamgiin yadarsan, yaduu Afrikiin ornuud hurtel haraat bus, bie daasan statistikiin baiguullagatai baihad Mongol uls arai ch dee l gemeer shiidver gargasan. Odoo ter aldaagaa zasaj butsaad Undesnii Statistikiin horoog bie daalgan huuchnaar ni baiguulah heregtei. Statistik, burtgel gedeg 2 yum chin ugtaa shal oor 2 zuil shuu dee. Mongoliin parlamentini gargasan shidiver arai l haralgan, on udaan jil bosgoj avsan, chadavhii ni behjuulsen, olon ulsad ner hundtei baiguullagaa tataj unagaasan sohor shiidver bolson. aldaagaa hurdan zasaasai bilee.