Эрүүл мэндийн үйлчилгээ цахимжина | News.MN

Эрүүл мэндийн үйлчилгээ цахимжина

Хуучирсан мэдээ: 2016.01.07-нд нийтлэгдсэн

Эрүүл мэндийн үйлчилгээ цахимжина

БНХАУ-ын Засгийн газраас Монгол Улсын Засгийн газарт олгосон хөнгөлөлттэй зээлээр хэрэгжүүлж буй Цахим эрүүл мэнд төслийн нээлтийн ажиллагаа өнөөдөр боллоо. Монгол Улсын Засгийн газрын 2012-2016 оны үйл ажиллагааны мөрийн хөтөлбөрт“ иргэдийг цахим карт, хувийн эрүүл мэндийн нэгдсэн мэдээллийн сантай болгож, эрүүл мэндийн даатгалтай иргэн харьяалал харгалзахгүйгээр эрүүл мэндийн байгууллагаас тусламж, үйлчилгээ авах боломжийг бүрдүүлэх” гэж тусгасан байдаг. Мөн “Цахим засаг” үндэсний хөтөлбөрт“ төрийн үйл ажиллагаа, үйлчилгээг цахим хэлбэрт шилжүүлж, иргэдэд ил тод, нээлттэй, хүртээмжтэй болгох” гэсэн том зорилтыг тавьсан. Эдгээр зорилтуудыг хангах ажлын эхлэл болгож төв эмнэлэг, төрөлжсөн мэргэжлийн төвүүд, мөн аймаг болон дүүргийн эмнэлгүүдийн үйл ажиллагааг цахим тогтолцоонд шилжүүлэх “Цахим эрүүл мэнд” төслийг ийнхүү хэрэгжүүлж эхэлжээ. Энэхүү төслийг хэрэгжүүлэхэд БНХАУ, Монгол Улсын засгийн газар хооронд байгуулсан гэрээ хэлэлцээрийн дагуу хөнгөлөлттэй зээлийг олгож санхүүжүүлсэн. “Цахим эрүүл мэнд” төсөл нь нийт 18.9 сая америк долларын төсөвт өртөгтэй бөгөөд тоног төхөөрөмжийн хангалт, програм хангамж болон хүний нөөцийн чадавхыг сайжруулах үйл ажиллагаанд зарцуулж байна. Нийтдээ 112 эрүүл мэндийн байгууллагад 23 нэр төрлийн тоног төхөөрөмж, 48 байгууллагад цахим эмнэлгийн програм хангамж нийлүүлэгдэх юм.

Төсөл хэрэгжсэнээр:

  • Хүлээгдлээс үүдэлтэй бухимдал арилж, үйлчлүүлэгчдэд тусламж үйлчилгээ цаг хугацаандаа хүрэх;
  • Үйлчлүүлэгчийн эрүүл мэндийн талаарх мэдээллийг олон улсын стандартад нийцүүлэн нууцлал, аюулгүй байдал бүрэн хангагдсан нэгдсэн мэдээллийн санд хадгалж, нотолгоонд суурилсан эрүүл мэндийн тусламж үйлчилгээг иргэдэд үзүүлж чадах ба тусламж үйлчилгээний чанар тэр хэрээр дээшлэх;
  • Шаардлагагүй давтан шинжилгээний тоог бууруулж зардлыг хэмнэх;
  • Эмийн жорыг цахим хэлбэрт оруулах замаар эмийн зохистой хэрэглээ төлөвшүүлэх;
  • Алсын зайн оношилгоо эмчилгээний үйл ажиллагааг бүрэн хэмжээнд нэвтрүүлэх боломж бүрдэх;
  • Өвчтөн шилжүүлэх тогтолцоо цахимжсанаар иргэдэд учруулдаг хүндрэлүүд үгүй болох зэрэг ач холбогдолтой юм.

Д.УУДАМ

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-07 203.194.118.25

Lambaag said bh uyed hiigdej helesen yum. Shiilegdamba dundaas n mungu tsohij bgad barigdsan. odoo ehluulsen hun n amjilttai duusgah heregtei

ed hiisen yum u 2016-01-07 103.57.94.185

Hoyul hoyulaa yu ch ve dee

нараа 2016-01-07 202.179.6.94

ЗАСГИЙН БОДЛОГО ЗӨВ БАЙНА. АН ЯЗГУУР БОДЛОГОО ЗӨВ ГАРГААД ХЭРЭГЖҮҮЛДЭГ АЛБАН ТУШААЛТАН НАР ХЭЦҮҮ БАЙДАЛД ОРУУЛАХ ЮМ. ТОГТОЛЦООГОО ӨӨРЧИЛЬЕ.ИРГЭДЭЭС АСУУДАГ БОЛГОЕ.

зочин 2016-01-07 202.179.6.94

Ламбааг сайдаар шууд томилох хэрэгтэй . Энхаярын нам монгол улсын ЭМЯ -ыг хувьдаа авсан юм шиг загнаж байна. Ард түмэн мэддэг бол Ламбаа гуайг сайдаар тавих хэрэгтэй. Энхбаяр төрийг хутгаж үймүүлж байхаа болих хэрэгтэй. Үр хүүхэд хойч үеэ бодоод улс төрөөс чимээгүй явах хэрэгтэй . Монголын эрх ашгийг боддог бол Ламбааг сайдаар тавих гэсэн саналыг МАХН засгийн газарт хүргүүлэх тийм зориг ухаалаг с анал гарахгүй болохоор ямар улс төрийн хүчин болохыг ард түмэн харж дүгнэж байна.

NewsMN Гар утасны хувилбар Татах
NEWS.mn

Мэдээллийн эх сурвалж