УИХ-ын гишүүн асан Б.Ундармаад холбогдох шүүх хурлын урьдчилсан хэлэлцүүлэг өнөөдөр /2020.06.30/ Баянзүрх, Сүхбаатар, Чингэлтэй дүүргийн Эрүүгийн хэргийн анхан шатны шүүхэд болов. Шүүх хуралдаанд яллагдагч Б.Ундармаагийн өмгөөлөгч О.Сайнбилэг нь шүүгчээс татгалзах хүсэлт гаргасныг тус шүүхийн Ерөнхий шүүгч хүлээн авч, хүсэлтийг хангасан байна.  Улмаар шүүх хуралдаан даргалагч өөрчлөгдсөн тул урьдчилсан хэлэлцүүлгийн шүүх хуралдааныг хойшлуулжээ.

УИХ-ын гишүүн асан Б.Ундармааг эрх мэдлээ урвуулан ашигласан, бусдыг гэмт хэрэгт оролцуулсан үндэслэлээр нийслэлийн Прокурорын газраас яллагдагчаар татан, хэргийг шүүхэд шилжүүлээд байгаа билээ.