Жаргалант болон Цэцэг суманд хөл хорио тогтоолоо | News.MN

Жаргалант болон Цэцэг суманд хөл хорио тогтоолоо

Жаргалант болон Цэцэг суманд хөл хорио тогтоолоо

Жаргалант болон Цэцэг суманд хөл хорио тогтоолоо

Ховд аймагт тарваган тахал гарсан тул Жаргалант, Цэцэг суманд өчигдөр /2020.6.29/ 22.00 цагаас эхлэн тодорхойгүй хугацаанд хөр хорио тогтоожээ.

Ховд аймгийн төвд 27 настай эрэгтэй тарваган тахлын уушгины хэлбэр гэсэн оноштойгоор бүсийн оношилгоо эмчилгээний төвд эмчлэгдэж байгаа юм. Тухайн иргэний биеийн байдал маш хүнд байгаа бөгөөд ойрын хавьтал болох 60 гаруй хүн, хоёрдугаар хавьтал болох 400 гаруй хүнийг тогтоосон талаар бид өмнө нь мэдээлсэн.

Тиймээс Ховд аймгийн Жаргалант, Цэцэг суманд хэсэгчилсэн байдлаар хөл хорио тогтоосон байна. Тарваган тахлын уушгины хэлбэр нь коронавирусийн халдвартай маш төстэй хүндэрдэг, хүндрэл ихтэй өвчин аж.

Тарваган тахал булчирхай, уушги, гэдэсний гэсэн гурван хэлбэртэй байдаг бөгөөд хамгийн их халдвар тараадаг нь уушгины хэлбэр аж. Учир нь цэрээр халдвар маш хурдацтай тархдаг байна. Тийм учраас нэгдүгээр хавьтлын бүх хүнийг эмнэлэгт тусгаарлаж, антибиотик эмчилгээ хийж байгаа ажээ.

Тухайн иргэн нь тарваганы эрхтэнийг түүхийгээр нь идсэнээс болж халдвар авсан болох нь түргэвчилсэн оношлуураар батлагдсан юм. Одоогоор Ховд аймагт хэсэгчилсэн хөл хорио тогтоогоод байгаа ч цаашид бүхэлд нь хөл хорио тогтоож магадгүй аж.

Жил бүрийн өдийд тарваган тахал өвчин гардаг тул тарвага агнахгүй байх, түүхий эд эрхтэнийг нь идэхгүй байхыг мэргэжлийн байгууллагууд онцгойлон анхааруулж байгаа юм.

Р.ДУЛАМ

Энэ мэдээнд өгөх таны сэтгэгдэл?
3
ХарамсалтайХарамсалтай
1
ХөөрхөнХөөрхөн
1
ТэнэглэлТэнэглэл
0
ЗөвЗөв
0
ХахаХаха
0
ГайхмаарГайхмаар
0
БурууБуруу
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-30 124.158.106.17

Заваан юмнууд турж үхэх гээд байсын байх даа. Том хулгана идэх тийм гоё уу

Avatar

Nature 2020-06-30 202.126.90.21

Байгаль эх дэлхий газар ус минь ямагт ариун дагшин байгээ.. хүн зон байгаль дэлхийгээ хэт бузарласнаас сүүлийн үёд элдэв өвчин тахал салахаа болилоо…эцэст нь бид бүгд байгалийн бүтээл юм….. эдийн засаг хөгжил дэвшил аж үйлдвэр улс төр аль нь ч биш…..ганцхан Хүн Байгаль….

Avatar

Зочин 2020-06-30 103.26.194.20

Хууль хяналт гэж хаа хаанаа дампуу байгаа нь харагдаж байна. Хотод хүртэл тарвага зардаг гээд FB р яваад байдаг энэ тал дээр хатуу чанга байх цаг нь болжээ.

Avatar

ы 2020-06-30 66.181.176.144

Түүхий эрхтэн, цус уухаа хэзээ болих оркууд вэ? 21-р зуун болчихоод байхад бусад хүнд гай болохоо больмоор юмаа.

Avatar

Алмайрагч 2020-06-30 151.226.143.55

огтоны өмхий маханд донтоод байдаг хүиүүс их ойлгомжгүй. тарваганы мах идсэн хүний хажууд нь очиход л нэг тийм өмхий юм шиг үнэр үнэртээд огуудас хүрээд явчдаг шүү дэ. сайхан үхэр хониныхоо махыг шаргалдтал нь шараад идчээч дэ ! Өөрийгөө хохироогоод өрөөл бусдыг аюулд оруулаад …

Avatar

Зочин 2020-06-30 64.119.24.6

Өлсөж үхэх гээд байгаа юм байх даа. Ядаад болгоод идэхгүй. Эсвэл хоттой хониноосоо идэхгүй. Дэлхийгээр нэг тахал тарааж Хятадын араас орж булай болох вий дээ.

NewsMN Гар утасны хувилбар Татах
NEWS.mn

Мэдээллийн эх сурвалж