Шинээр сонгогдсон гишүүдэд зориулсан мэдээлэл, сургалт зохион байгуулав | News.MN

Шинээр сонгогдсон гишүүдэд зориулсан мэдээлэл, сургалт зохион байгуулав

Шинээр сонгогдсон гишүүдэд зориулсан мэдээлэл, сургалт зохион байгуулав

Монгол Улсын Их Хурлын Тамгын газраас Улсын Их Хурлын шинээр сонгогдсон гишүүдэд зориулсан мэдээлэл, сургалтыг өнөөдөр (2020.06.29) Төрийн ордонд зохион байгууллаа.

Улсын Их Хурлын 8 дахь удаагийн сонгуулиар төрийн эрх барих дээд байгууллагад ард түмнээ төлөөлөхөөр шинээр сонгогдсон гишүүдэд зориулсан сургалтыг УИХ-ын Тамгын газраас анх удаагаа зохион байгуулж байгаагаараа онцлогтой юм.

Уг үйл ажиллагааг нээж Улсын Их Хурлын Тамгын газрын Ерөнхий нарийн бичгийн дарга Л.Өлзийсайхан үг хэллээ. Тэрбээр, “Монгол Улс бол Үндсэн хуулиараа тунхагласан Парламентын засаглалтай орон. Үндсэн хуулиар парламент бол төрийн эрх барих дээд байгууллага бөгөөд хууль тогтоох, хянан шалгах, ард түмнээ төлөөлөх үндсэн гурван чиг үүргийг хэрэгжүүлдэг байгууллага юм. Энэхүү нэр хүндтэй, өндөр хариуцлагатай, эрхэм чухал үүрэг Монгол Улсын Их Хурлын эрхэм гишүүд та бүхнээр дамжин хэрэгждэг.

2016-2020 оны 7 дахь удаагийн Парламентын бүрэн эрхийн хугацаанд Монгол Улсын Их Хурлын Стратеги төлөвлөгөөг шинэчлэн баталсан. 2002 онд батлагдсан Стратеги төлөвлөгөөг ийнхүү 17 жилийн дараа шинэчилж, Алсын хараа, Эрхэм зорилгоо шинэчлэн тодорхойлсон.

Энэхүү Стратеги төлөвлөгөөнд “Монгол Улсын Үндсэн хууль, ардчилсан ёс, хүний эрх, нийтлэг үнэт зүйл, үндэснийхээ эрх ашгийг дээдэлж, тогтвортой хөгжлийг дэмжин, ард түмний засаглах эрхийг хангасан парламентыг төлөвшүүлнэ” хэмээн заасан. Түүнчлэн Улсын Их Хурлын Тамгын газар шинэ Стратеги төлөвлөгөөтэй болсон. Улсын Их Хурлын Тамгын газрын бүтцэд Парламентын судалгааны хүрээлэнг байгуулсан.

Эдгээр баримт бичигт Улсын Их Хурлын гишүүдэд зориулан Монгол Улсын дотоод, гадаад бодлого, нийгэм, эдийн засгийн хөгжлийн-асуудлаарх сургалт, семинарыг холбогдох байгууллага, эрдэмтэн, судлаачидтай хамтран зохион байгуулахаар тусгасан. Мөн шинээр сонгогдсон Улсын Их Хурлын гишүүд, тэдгээрийн зөвлөх, туслах, бие төлөөлөгч-туслахуудад зориулсан чиглүүлэх сургалтыг зохион байгуулах, хууль тоггоох байгууллагыг шинжлэх ухаанч судалгаа шинжилгээ, нотолгоо дүгнэлтээр хангах нь Парламентын судалгааны хүрээлэнгийн үндсэн чиг үүргийн нэг байхаар тодорхойлсон юм. Цаашид Та бүгдийн санал, хэрэгцээ шаардлагыг үндэслэн сургалт мэдээллийн арга хэмжээг үе шаттай зохион байгуулахаар төлөвлөж байна.

Эрхэм гишүүд Та бүхнийг бидэнтэй хамтран ажиллаж, санал хүсэлтээ ирүүлж, хууль тогтоох, хянан шалгах, төлөөллийн чиг үүргээ хэрэгжүүлэх, парламентын үйл ажиллагааны чанар, үр нөлөөг улам сайжруулах чиглэлээр их амжилт олно гэдэгт итгэж байна” хэмээн онцлон тэмдэглээд Улсын Их Хурлын эрхэм гишүүдэд ард түмний элчийн хувиар төрөө түших хүндэт үйлсэд нь амжилт хүсэв.

Улсын Их Хурлын 2020 оны ээлжит сонгуульд нийт 606 нэр дэвшигч 29 тойрогт нэр дэвшсэн. Үүнээс 8 дахь удаагийн парламентад нийт 32 гишүүн анх удаа сонгогдсон бол хоёр ба түүнээс олон сонгогдсон 44 гишүүн байгаа юм.

Энэхүү мэдээлэл, сургалтаар “Улсын Их Хурлын чуулганы хуралдаан, дэгийн зохицуулалт” сэдвээр УИХ-ын Тамгын газрын Ерөнхий нарийн бичгийн дарга Л.Өлзийсайхан, “УИХ-ын гишүүний ёс зүй” сэдвээр УИХ-ын гишүүн, Ёс зүйн дэд хорооны дарга Б.Бат-Эрдэнэ, “УИХ-ын хянан шалгах үйл ажиллагаа” сэдвээр УИХ-ын Тамгын газрын Хууль, эрх зүйн асуудал хариуцсан нарийн бичгийн дарга Н.Цогтсайхан, “УИХ-ын гишүүний төсөв, хангамж, үйлчилгээ” сэдвээр УИХ-ын Тамгын газрын Дотоод аудитын албаны дарга бөгөөд дотоод аудитор Я.Баттогтох нар тус тус дэлгэрэнгүй мэдээлэл өгөв.

Мөн Монгол Улсын Үндсэн хуульд оруулсан нэмэлт, өөрчлөлт болон түүнд нийцүүлэн шинэчлэн баталсан бусад хууль, тогтоомжийн талаар танилцуулж, гишүүдийн асуултад хариулт өглөө.

Улсын Их Хурлын шинээр сонгогдсон гишүүдэд зориулсан мэдээлэл, сургалтад УИХ-ын Тамгын газрын удирдлагууд болон Төрийн ордны хамгаалалтын албаны дарга, хурандаа Х.Ууганбат оролцов.

Дашрамд тэмдэглэхэд, энэ онд Монгол Улсад Байнгын ажиллагаатай Парламент байгуулагдсаны болон Байнгын ажиллагаатай Парламентын Тамгын газар байгуулагдсаны 30 жилийн ой тус тус тохиох юм гэж УИХ-ын Хэвлэл мэдээлэл, олон нийттэй харилцах хэлтсээс мэдээлэв.

Энэ мэдээнд өгөх таны сэтгэгдэл?
2
ЗөвЗөв
2
ТэнэглэлТэнэглэл
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-29 122.201.17.118

Сонсоод сонсоод ойлгохгүй хөлдүү толгой нар зөндөө байгаа шдээ. Ингэж бусдын цаг завыг үрэх хэрэг байна уу?

Avatar

зочин 2020-06-29 202.126.92.99

Адьяасүрэн гээд эмэгтэй албан бичиг ч зөв бичиж чадахгүй хүн байдаг юун хууль бичих ойлгох төрийн бодлого ярих гэтэл хэнийг ялаад гараад ирэв ээ энэ мэт юмаа өөрсдөө сайн бодоцгоогоорой доо

Avatar

123456 2020-06-29 49.0.212.231

Хөлдүү ооркууд

Avatar

Зочин 2020-06-29 66.181.176.102

Бүү тэрэгт өөрийгээ хичээ мулгуу минь

Avatar

Duf garuud 2020-06-29 64.119.19.110

Duffy garuud tuursun honi yamaa shig yumnuud hirnee you ch boloogui bhad hamraa suhuud ehelsen

Avatar

самдан 2020-06-29 182.160.36.235

АН-н нэг ядарсан ДУФ хорслоо илэрхийлж байгаа юм боловуудаа Чи АН-г ялсан бол кинонд гардаг шиг "Булгаарийн" заводыг авчих горьдлоготой байждээ Одоо та нар болио Ард биднийгээ алийн болгон мөлжих вэ Ямар хязгааргүй шунал гээч вэ Шунал чинь та нарыг аль хэдийн шулам болгосон одоо юу болох гэсэн юм больж үз

Avatar

Зочин 2020-06-29 202.9.40.132

Туршлагатай Ц.Нямдорж, Лүндаажанцан нар уул нь УИХ-д байсан бол бусдыгаа чиглүүлээд аваад явах байсан юм

Avatar

Чи Нямдорж уу? Эсвэл Лундээ юу? 2020-06-29 202.9.46.249

Насаараа УИХ-д суусан та нар мэтийн юмнуудаас салаасай гэж л ард тумэн Хуукд хоосон горьдлого тавьж байгаа байх. Одоо яаж идэж уудгыг, яаж хор найруулдгыг заах гэж байгаам байх даа.

Avatar

Зочин 2020-06-29 66.181.176.102

Иш чааваас энэ тэнэгийн дугарч байгааг УИХ д чам шиг тэнэг хүн сонгохгүй юм

Avatar

чимэ.д 2020-06-29 182.160.36.235

Нямдорж,Батзандан, Лу.Болд нар хасагдчихлаа ,одоо хэлмэгдэж байгаа Чимгээ,Содномдаржаа нарын суллагдах удаашрах,аягүй бол хэвээр үлдэх юм биш биздээ. Зовлон өөрт нь тохиолдохоос өмнө хүмүүс тоомжиргүй хандаж надаас л холуур явж байгаа бол бурхан мэдэг гэсэн хувиа хичээсэн бэртэгчин байдаг. Маршал анхныхаа 7-г нэг нэгээр сугалаад баривчлаад буудаад байхад хэн ч нэгнээ хамгаалж гүйгээгүй бүгд алуулсан Маршалыг ажлаас нь халаад цаазалж чадах эрх хэмжээ албан тушаал хашиж байхдаа хөдлөөгүй

NewsMN Гар утасны хувилбар Татах
NEWS.mn

Мэдээллийн эх сурвалж