ЭМ-ийн салбарын эмч, эмнэлгийн ажилтанд орон сууцны батламж гардууллаа | News.MN

ЭМ-ийн салбарын эмч, эмнэлгийн ажилтанд орон сууцны батламж гардууллаа

ЭМ-ийн салбарын эмч, эмнэлгийн ажилтанд орон сууцны батламж гардууллаа

ЭМ-ийн салбарын эмч, эмнэлгийн ажилтанд орон сууцны батламж гардууллаа

Дэлхий нийтэд тархаад буй КОВИД-19 халдвар цар тахлын энэ хүнд үед хүн амын дунд халдварыг тархаалгүй онцгой нөхцөлд үүрэг гүйцэтгэн ажиллаж байгаа Эрүүл мэндийн салбарын 400 эмч, эмнэлгийн ажилтанд өнөөдөр түрээслээд өмчлөх хэлбэрийн орон сууцны батламжийг гардууллаа. Батламжийг Эрүүл мэндийн сайд Д.Сарангэрэл, Нийслэлийн Засаг дарга бөгөөд Улаанбаатар хотын Захирагч С.Амарсайхан, “Нийслэлийн Орон сууцны корпораци” ХК-ийн захирал Б.Сүхбаатар тэргүүтэй холбогдох албаны хүмүүс гардуулж өгөв.

Эрүүл мэндийн сайд Д.Сарангэрэл “Өнөөдөр манай Эрүүл мэндийн салбарынхны хувьд алтан гэж хэлж болохоор агшин тохиож байна. Өнгөрсөн хоёр жилийн хугацаанд та бид эрүүл мэндийн салбарт тодорхой дэвшлийг гаргаж ажиллалаа. Засгийн газар ч эрүүл мэндийн салбартаа онцгойлон анхаарч төсөв 40 хувиар нэмэгдэж, хөрөнгө оруулалт 420 тэрбум төгрөгөөр нэмэгдлээ. Бид хүн амын дунд шинэ коронавирусийн тархалтыг дэгдээлгүй онцгой нөхцөлд үүрэг гүйцэтгэн ажиллаж байна. Засгийн газар, Улсын онцгой комисс эрүүл мэндийн салбарыг онцгойлон харж үзэн энэ мэргэжлийн үнэ цэнийг эрхэмлэн дээдэлж байгаад маш их баяртай байна. Ингээд эрүүл мэндийн салбарын эмч, эмнэлгийн мэргэжилтнүүд та бүхэндээ ажлын өндөр амжилт хүсч, гүн хүндэтгэл илэрхийлье” хэмээлээ.

Нийслэлийн Засаг дарга бөгөөд Улаанбаатар хотын Захирагч С.Амарсайхан “Нийслэл анх удаа иргэдээ түрээслээд өмчлөх хэлбэрийн орон сууцаар хангаж эхэлсэн. Тэр дундаа гэр хорооллынхоо иргэдийг үе шаттай орон сууц, дэд бүтцээр хангахад онцгой анхаарч ажиллаж байна. Бид иргэдийнхээ эрүүл аюулгүй орчинд ажиллаж, амьдрах орчин нөхцөлийг бүрдүүлэхгүйгээр Улаанбаатар хотоо хөгжүүлэх боломжгүй. Тийм учраас энэ чиглэлд онцгой анхаарч бодлого барьж ажиллаж ирлээ. Иргэдийнхээ эрүүл энхийн манаанд бүх хүчээ дайчлан ажиллаж байгаа та бүхэндээ нийт нийслэлийнхээ иргэдийн өмнөөс чин сэтгэлийн талархал илэрхийлье” гээд Эрүүл мэндийн салбарын эмч, эмнэлгийн мэргэжилнүүдэд ажлын өндөр амжилт хүссэн юм.

Түрээслээд өмчлөх орон сууцны хөтөлбөрт нийт төрийн жинхэнэ болон төрийн үйлчилгээний 1000 албан хаагч хамрагдахаас өнөөдрийн байдлаар 50 хувь нь орон сууцанд орох эрхийг нь баталгаажуулсан батламжаа гардан авч байгаа аж. Батламж гардан авсан иргэд байраа сонгон, нийслэлийн Орон сууцны корпорацитай гэрээгээ байгуулснаар түлхүүрээ гардан авах юм байна.

Нийслэлийн ЗДТГ-ын Хэвлэл мэдээлэлтэй харилцах хэлтэс

Энэ мэдээнд өгөх таны сэтгэгдэл?
3
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

монгол хүн 2020-06-29 151.226.143.55

өгнөө өгнө … тайван амгалан бай!!

Avatar

Зочин 2020-06-29 103.229.120.156

УОК ийн ажилагсадад батламж өгөхгүй юмуу. Тэд нар бас хамтран ажиллаж үүргээ сайн биелүүлж байгаа шүү дээ. Эд наргүйгээр эмнэлгийн ажилчид яаж ч чадахгүй шүү дээ

Avatar

зочин 2020-06-29 122.201.31.5

жинхэнээсээ байр өгөх л байгаадаа худлаа цаас өгч баярлуулан гомдоож мэдэх нөхдүүд шүү

Avatar

монгол хүн 2020-06-29 151.226.143.55

яамар сайхан юм бэ !?Шинэ сайхан өргөөнд нь аз жаргал баяр баясгалан бялхаж байх болтугай ! Төр засаг түмэн олныхоо хүндэтгэл хайрыг ажлын амжилтаар хариулна гэдэгт эргэлзэхгүй байна. Бас олон айл орон сууцанд орж байгаа болохоор хотын яндангийн тоо ч бас цөөрч байгаа байх .

NewsMN Гар утасны хувилбар Татах
NEWS.mn

Мэдээллийн эх сурвалж