Өнөөдөр “The Hu” хамтлаг хандивын тоглолттой

Хуучирсан мэдээ: 2020.06.28-нд нийтлэгдсэн

Өнөөдөр “The Hu” хамтлаг хандивын тоглолттой

Өнөөдөр “The Hu” хамтлаг хандивын тоглолттой

“The Hu” хамтлаг Улсын онцгой комисст хандив өргөх онлайн тоглолтоо өнөөдөр /2020.06.28/ 22.00 цагаас “White Rock Center”-т хийнэ. Онлайн тоглолт бүтэн хоёр цагийн турш үргэлжлэх гэнэ. Тэд хандивын тоглолтоо зургадугаар сарын 23-нд хийхээр төлөвлөж байсан ч сонгуультай давхцуулахгүйн тулд түр хойшлуулаад байсан юм.

Онлайн тоглолтын ерөнхий зохион байгуулагчаар “Хүрээ энтертайнмент” компани ажиллаж, МҮОНРТ хамтран орон даяар шууд дамжуулан хүргэх гэнэ. Харин ивээн тэтгэгчээр “Мобиком” корпораци, Хаан банк ажиллаж байна.

“The Hu” хамтлаг нь Монголчуудын уламжлалт урлаг болсон хөөмэй, хархираа төрлөөр морин хуур, товшуур, цуур зэрэг хөгжмийг ашиглан тоглодог билээ. Хамтлагийн залуус хандивын тоглолтоосоо олсон орлогоо "COVID-19" халдвараас урьдчилан сэргийлэх үйлсэд зориулж, Улсын Онцгой комисст хандивлахаа мэдэгдээд буй.

Тус хамтлагийн дэлхийг тойрон аялах тоглолт цар тахлын улмаас хойшилсон тул “The Hu” хамтлагийнхан өнгөрөгч тавдугаар сарын 3-нд Франкфуртын тусгай үүргийн онгоцоор эх орондоо ирсэн. Хүннү рок урсгалаар уран бүтээл туурвидаг хамтлагийн залуус анхны “Гэрэг” тоглолтоо 2019 оны тавдугаар сарын 23, 24-нд “White Roсk Сenter”-т хийж байсан удаатай. Тоглолтын тасалбар 99 мянга 999 төгрөгөөр худалдаалд гарч байв.

А.СҮРЭН

 

Энэ мэдээнд өгөх таны сэтгэгдэл?
9
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

NewsMN Гар утасны хувилбар Татах
NEWS.mn

Мэдээллийн эх сурвалж