Халтиргаа гулгааг багасгах зорилгоор шалгалт хийнэ | News.MN - Мэдээллийн эх сурвалж

Халтиргаа гулгааг багасгах зорилгоор шалгалт хийнэ

Хуучирсан мэдээ: 2016.01.06-нд нийтлэгдсэн

Халтиргаа гулгааг багасгах зорилгоор шалгалт хийнэ

Замын хөдөлгөөний аюулгүй байдлыг хангах ажлын хэсгээс санаачлан Улаанбаатар хотын нийтийн эзэмшлийн гудамж, зам талбай болон орон сууц гэр хорооллын доторх гудамж, зам талбайд халтиргаа гулгаа үүсэхээс урьдчилан сэргийлэх, үүссэн халтиргааг шуурхай арилгах, хяналт тавих, шаардлагатай нэмэлт арга хэмжээг зохион байгуулж, халтиргаа гулгаанаас үүдэлтэй осол гэмтлийн тохиолдлыг бууруулах зорилгоор шалгалт явуулах удирдамж гаргалаа. Удирдамжийн хүрээнд энэ сарын 6-наас эхлэн 5 хоног нийслэлийн хэмжээнд халтиргаа, гулгааг арилгах талаар хэрэгжүүлж байгаа ажилд шалгалт хийх юм байна. 
 
Шалгалт явуулах ажлын хэсгийн бүрэлдэхүүнд Улаанбаатар хотын Захирагчийн ажлын алба, “Нийтийн үйлчилгээний Улаанбаатар нэгтгэл” ОНӨААТҮГ, Улаанбаатар хотын Шуурхай удирдлага, зохицуулалтын төв, Замын цагдаагийн газар, Нийслэлийн Мэргэжлийн хяналтын газар, Нийслэлийн Авто замын газрын дарга мэргэжилтнүүд оржээ.
 
Шалгалтаар аж ахуйн нэгж, байгууллагууд нь  өөрийн эзэмшил талбай, түүнээс гадна орчны 50 м хүртэлх талбайн хог цэвэрлэгээ, цас мөсөө  тогтмол арилгаж, хальтиргаа гулгаа үүсгэхгүй байх арга хэмжээг авч байгаа эсэх, дүүргүүдийн Засаг даргын Тамгын газраас олон нийтийн байцаагч нарыг ажиллуулж, дээрх журмын хэрэгжилтэд хяналт тавьсан байдал, илрүүлсэн зөрчил, тэдгээрийг арилгуулж, шийдвэрлүүлсэн байдал, Нийтийн үйлчилгээний Улаанбаатар нэгтгэл ОНӨААТҮГ, дүүргүүдийн Тохижилт, цэвэрлэгээний байгууллагууд нь хариуцсан гудамж, зам, талбайн цас цэвэрлэгээг шуурхай цэвэрлэж, үүссэн халтиргааг арилгасан байдал, орон сууц, гэр хорооллын доторх зам талбайн цас мөсийг арилгах ажлыг хэрхэн гүйцэтгэж буй байдалтай газар дээр нь танилцах юм байна.
 
Мөн  тус ажлын хэсгээс халтиргаа, гулгаа ихтэй, цэвэрлэгээ хангалтгүй байгаа гудамж, талбайн судалгааг дүүрэг, цэвэрлэгээ үйлчилгээг хариуцагч байгууллага бүрээр гарган, зурагжуулж баримтжуулах юм.  Түүнчлэн цас ихээр орсон үед нийтийн эзэмшлийн талбайн цас мөс цэвэрлэгээний ажлыг гүйцэтгэх хүн хүч, машин техник, багаж хэрэгслийн хүрэлцээ, бэлэн байдал бүрдсэн эсэхийг шалган тоон судалгаа хийж, үнэлгээ өгч зөрчил дутагдал гаргасан албан тушаалтан, байгууллага, аж ахуйн нэгж иргэдэд хариуцлага хүлээлгэх талаар нийслэлийн удирдлагад танилцуулахаар болжээ.

ЭХ СУРВАЛЖ: НИЙСЛЭЛИЙН ЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2016-01-06 59.153.85.96

Шадивлангийн эсрэг талын Архустайн аманд зам үнэхээр хэцүү болсон орой машинууд гэртээ харж чадахгүй зам дээр орхиод гэртээ явган харьдаг боллоо. Шалгах эрхэмүүд анхааралдаа авна уу.

Зочин 2016-01-06 203.194.116.41

давс элсний мөнгөө идээд баярлаад гадаадаар хэсчихсэн тул халтиргаа арилахгүй зунтай золгоно доо.

Зочин 2016-01-06 202.131.231.115

Заавал олон газраас хурган дарга нар, байцаагч нар яваад ямар хэрэг байнаа. Жинхэнэ социалист маягаар ажиллахын. ОЛИАШКнууд зөндөө байна.

Зочин 2016-01-06 150.129.141.139

НИХТ, НИЙТИЙН ҮЙЛЧИЛГЭЭНИЙ УБ НЭГТГЭЛИЙН ДАРГА ЭНХСАЙХАН ХИЧНЭЭН ТОНН ДАВС БОДИС БЭЛДСЭН ЦАЦСАН ГЭЖ ХЭДЭН ЗУУН САЯ ТӨГРӨГ ИДСЭН БОЛДОО.Т НАМАР ХАНГАЛТТАЙ НӨӨЦ БЭЛДСЭН АСУУДАЛГҮЙ ХҮРЭЛЦЭЭТЭЙ ГЭЖ БАЙСАН ХҮН САЯХАН ДУУССАН ГЭЖ МЕНЕЖРЭЭРЭЭ ТВ-ЭЭР ЯРИУЛЖ БАЙНА ЛЭЭ ШҮҮ.АДИЛХАН ЛУЙВАРЧИД БИЕ БИЕНЭЭ ШАЛГАХГҮЙ НЬ ТОДОРХОЙ Л ДОО ИДСЭН НЬ ХОЖДОГ АРДЧИЛАЛ БАЙНА.

шалгах бишээ, зөвөлгөө өгөөч 2016-01-06 202.21.106.111

Засаг даргын Тамгын газраас олон байцаагч нарыг ажиллуулж, зам талбайн цас мөсийг арилгах ажлыг хэрхэн гүйцэтгэж буй байдалтай газар дээр нь танилцах юм байна.

Зочин 2016-01-06 202.179.27.148

Шинэ он гарснаас хойш авто зам дээр давс цацахаа больсон байна шүү. Бөөн хальтиргаа!!!!

zochin 2016-01-06 103.57.94.157

Yvgan hvnii zam chini hvn alhaar bna shvv dee.-35 gr t bgaa pilta gaa solioch ee .Iim hviten baidag gazar Yvgan hvnii zamuud ni gulgur Pilta Tavchihaad ard tvmnee gemteegeed baihaa boliochee.Yvgan hvnii Zamiig Solieeee.Batvvl Dargaa Ta uuruu Ybgan Alhaad Yzeee Yzeee Bat vvl Dargaaa