"The Hu” хамтлагийн онлайн тоглолт маргааш буюу энэ сарын 28-нд “White Rock Center”-т болно. Тус хамтлаг тоглолтоо энэ сарын 23-нд хийхээр төлөвлөж байсан ч түр хугацаанд хойшлуулаад байсан билээ. "The Hu" хамтлагийн тоглолтыг ерөнхий зохион байгуулагч “Хүрээ энтертайнмент” ХХК, МҮОНРТ хамтран орон даяар шууд дамжуулан хүргэх юм.

“The Hu” хамтлаг нь монголчуудын уламжлалт урлаг болсон хөөмэй, хархираа төрлөөр морин хуур, товшуур, цуур зэрэг хөгжмийг ашиглан тоглодог. Тэд тус тоглолтоос олсон орлогоо "Covid-19" халдварын цар тахлаас урьдчилан сэргийлэх үйлсэд зориулж, Улсын Онцгой комисст хандивлах юм.

Б.ЦЭЦЭГ