Үндэсний урлагийн их театр барихаар 160 айлын газар чөлөөлөх ажил үргэлжилж байна. Одоогоор нийт 90 айл газраа бүрэн чөлөөлжээ. Өнөөдрийн байдлаар 20 айл газраа чөлөөлөхөд бэлэн болсон бол 50 айлтай зөвшилцөхөөр ажиллаж буй юм.
Үндэсний их театрыг Сүхбаатар дүүргийн 11 дүгээр хорооны нутаг дэвсгэрт, нийт 10 га газарт барихаар төлөвлөж, ийнхүү айл өрхүүдийн газрыг зөвшилцөх байдлаар чөлөөлж байгаа билээ. Тодруулбал, газраа чөлөөлсөн айл өрхүүдэд нөхөн олговор олгож, найман айлын газрыг орон сууцаар сольжээ.
Хотын дарга С.Амарсайханы хэлснээр, Сүхбаатар дүүргийн 11 дүгээр хорооны нутаг дэвсгэрт Үндэсний их театр байгуулахаар болсон нь гэр хорооллын дахин төлөвлөлтийн хүрээнд дэд бүтэц татах боломж бүрдүүлэх зорилготой аж.
Б.ЦЭЦЭГ
