Сovid-19: Сөүлд халдварын дэгдэлтийн томоохон голомт үүсч болзошгүй | News.MN

Сovid-19: Сөүлд халдварын дэгдэлтийн томоохон голомт үүсч болзошгүй

COVID-19

Сovid-19: Сөүлд халдварын дэгдэлтийн томоохон голомт үүсч болзошгүй

Сovid-19: Сөүлд халдварын дэгдэлтийн томоохон голомт үүсч болзошгүй

Дэлхий даяар сүүлийн 24 цагийн дотор коронавирусийн +193,974 шинэ тохиолдол, +4,891 нас баралт бүртгэгджээ. Өнөөдөр (2020.06.25)-ийн байдлаар нийт халдвар авагсдын тоо дэлхийд 9,898,331 болж, нас барагсдын тоо +193,974-д хүрсэн байна.

Эдгэрсэн хүний тоо 5,353,440 байгаа бол халдварын идэвхтэй тохиолдлын тоо 4,048,814 болж, 57,643 хүний биеийн байдал хүнд байгаа аж. Дээрх тоо баримтуудаас харахад дэлхийн нэг сая хүн тутмын 1,270 нь коронавирусийн халдвар аваад байгаа бол нэг сая хүн тутмын 63.6 хувь нь уг халдварын улмаас нас баржээ.

БНСУ-Д ПҮРЭВ ГАРИГТ ХАЛДВАРЫН 39 ШИНЭ ТОХИОЛДОЛ ИЛЭРСНЭЭР ХАЛДВАР АВСАН ХҮНИЙ ТОО 12602-Т ХҮРЧЭЭ

Сөүл хотын бүсэд халдварын хоёр дахь давлагаа дэгдээд буй энэ үед халдварын томоохон голомт үүсч болзошгүйд олон нийт санаа зовниж эхэлжээ.

Тус хотын Эрүүл мэндийн байгууллагын мэргэжилтнүүд "Халдвар илэрсэн 13 хүн "Вансунг" сүмийн гишүүд бөгөөд шинжилгээ өгөхөөсөө өмнө найрал дуу болон сүмийн шөнө зохион байгуулдаг үйл ажиллагаанд оролцсон" гэж мэдээлсэн байна. Эхний өвчтөн болох 31 настай эмэгтэйг халдвар авсныг Лхагва гаригт тогтоожээ. Үүний дараа Пүрэв гаригт долоон хүнээс, Баасан гаригт таван хүнээс халдвар тус тус илэрсэн байна.

Сөүлийн засаг захиргаа, Эрүүл мэндийн байгууллагууд одоогийн байдлаар сүмийн 41 гишүүн болон тэдэнтэй ойр байсан хүмүүсийг шалгаж байна. Түүнчлэн халдвар илэрсэн хүмүүсийн дунд ахлах сургуулийн багш, хотын төвд байрладаг “Four Seasons” зочид буудлын ажилтан байгаа тул халдвар авсан хүний тоо нэмэгдэж болзошгүй байгаа аж.

Хотын эрх баригчид уг сүмийг түр хааж, халдваргүйжүүлсэн бөгөөд сүмийн харьяа цэцэрлэгт ижил арга хэмжээ авчээ. Мөн Ням гаригийн үйл ажиллагаанд оролцсон сурагчдад сургуульдаа явахгүй байхыг зөвлөсөн талаар Yonhap агентлаг мэдээлсэн байна.

Тус улсын Өвчинд хяналт тавих, урьдчилан сэргийлэх төвөөс БНСУ-д Пүрэв гаригт халдварын 39 шинэ тохиолдол илэрснээр халдвар авсан хүний тоо 12602-т хүрлээ гэж мэдээлжээ. Шинээр илэрсэн тохиолдлуудын 27 нь дотоодоос халдварласны 16 нь Сөүлд, хоёр нь Гёнги мужид бүртгэгдсэн байна.

 ХАЛДВАР АВСАН ХҮНИЙ ТООГООР ТЭРГҮҮЛЖ БУЙ 10 УЛСЫН МЭДЭЭЛЭЛ
(2020.06.27-ны 09:00 цагийн байдлаар)

Эх сурвалж: WORLDOMETERS

Энэ мэдээнд өгөх таны сэтгэгдэл?
4
ХарамсалтайХарамсалтай
1
ЗөвЗөв
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ТэнэглэлТэнэглэл
Баярлалаа!

Холбоотой мэдээ

6 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-27 39.115.114.99

Шинэ газар сүмээс тэгү хотын захиргаа 1млрд вон нэхэмжилсэн. Хүмүүс энийг бага байна гэсэн комэнтууд байна

Avatar

Зочин 2020-06-27 39.115.114.99

Солонгос т байсхийгээд сүм халдвар тараах юм сүмд цуглахгүй байхад яанаа . сүм аврахгүй гэдэг нь батлагдаад байхад хачин тэнэг улс

Avatar

Зочин 2020-06-27 176.63.23.219

Буруу номтнуудаас корона салахгүй

Avatar

Зочин 2020-06-27 192.82.69.137

Энэ солонгосын сумууд зориудаар халдвар тараагаад байгаа юм шиг л санагдаад байгаа юм даа, манайд энэнийг тооцож л байдаг байлгуй дээ, салбарууд нь манайд байгаа шуу, ямар учиртай байдгийг мэдэхгуй юм ямар ч гэсэн со-ууд шууд уйл ажиллагааг нь хориглоод, хаачихаж чадахгуй л байгаа юм даа

Avatar

Зочин 2020-06-27 202.179.27.192

Сологос сүмээ хааж болдоггүйиүү

Avatar

Зочин 2020-06-27 39.115.114.99

Хорих харэгтэй

NewsMN Гар утасны хувилбар Татах
NEWS.mn

Мэдээллийн эх сурвалж