Арбитрын хуулийг дэмжив | News.MN

Арбитрын хуулийг дэмжив

Хуучирсан мэдээ: 2016.01.05-нд нийтлэгдсэн

Арбитрын хуулийг дэмжив

УИХ-ын Хууль зүйн байнгын хорооны хуралдаанаар Арбитрын тухай хуулийн төслийг хэлэлцээд олонхийн саналаар “Хэлэлцэх нь зүйтэй” хэмээн үзэж, чуулганы нэгдсэн хуралдаанд оруулахаар боллоо.

Улсын дээд шүүхийн 2013 оны статистик мэдээллээр Анхан шатны шүүхүүд 2012 онд нийт 27792 хэрэг маргаан шийдвэрлэснээс 11796 нь иргэний эрх зүйн маргаан байжээ. Нарийвчлан үзвэл, эдгээрээс 353 нь ажил гүйцэтгэх гэрээ, 2096 нь бараа худалдах, худалдан авах, 76 нь хамтарсан хөрөнгө оруулалт, 2293 нь хуулийн этгээд, иргэдийн хооронд байгуулагдсан зээлийн гэрээ, 1781 нь банк болон санхүүгийн бусад байгууллагатай холбоотой зээлийн гэрээнээс тус тус үүссэн маргаан аж. Харин Үндэсний худалдаа, аж үйлдвэрийн танхимын дэргэдэх Монголын олон улсын ба үндэсний арбитрт сүүлийн гурван жилд нийтдээ 106 маргаан хянан шийдвэрлэжээ. Өөрөөр хэлбэл, арбитраар шийдвэрлүүлэх боломжтой олон тооны маргаан шүүхээр шийдвэрлэгдэж, арбитрыг ашиглах явдал хангалтгүй байгаа аж.

Мөн Монгол Улсын 80 орчим хуульд тухайн хуулиар зохицуулсан харилцаанаас үүссэн маргааныг зөвхөн шүүхээр шийдвэрлүүлэхээр заасан байгаа нь арбитраар шийдвэрлэгдэх хэрэг маргааны тоог бууруулж, хязгаарлахад нөлөөлж буй юм байна.

Тиймээс Арбитрын тухай хуулийн шинэчилсэн найруулгын төслийг боловсруулахдаа 2006 онд нэмэлт, өөрчлөлт орсон загвар хуульд үндэслэн дараах зохицуулалтыг тусгажээ. Үүнд талууд өөрөөр тохиролцоогүй бол аль нэг талын хүсэлтээр арбитрын бүрэлдэхүүн арбитраас гарах шийдвэрийн биелэлтийг баталгаажуулах арга хэмжээг авч болох бөгөөд тэр нь арбитрын бүрэлдэхүүнээс аль нэг талд үүрэг болгосон арга хэмжээ /түр арга хэмжээ/ байхаар тусгажээ.

Арбитрын шийдвэрээр үүрэг хүлээх магадлалтай тал нь арбитрын үндсэн шийдвэр гарахаас өмнө өмч хөрөнгөө захиран зарцуулах зэргээр шийдвэрийг хэрэгжих боломжгүй болгох тохиолдол байдаг. Иймд арбитрын шийдвэр бодит байдал дээр хэрэгждэг байх нөхцөлийг хангах үүднээс цаг хугацааны хувьд эцсийн шийдвэр гарахаас өмнө цаг хожиж хамгаалалтын шинжтэй арга хэмжээ авах бүрэн эрхийг арбитрын бүрэлдэхүүн эдэлдэг байх боломжийг хангахад энэхүү түр арга хэмжээний ач холбогдол орших аж. Эдгээр арга хэмжээнд дараах төрлийн арга хэмжээ орно. Үүнд:

а.Маргааныг эцэслэн шийдвэрлэх хүртэл одоогийн байгаа нөхцөл байдлаа хэвээр хадгалах, эсхүл сэргээх арга хэмжээ

Талуудад, жишээ нь одоогийн байгаа нөхцөл байдлаа хэвээр хадгалж, компаниа татан буулгахгүй байх, хувьцаа эзэмшигчдийн бүрэлдэхүүнд өөрчлөлт оруулахгүй байх гэх мэт үүрэг хүлээлгэж болох юм. Түүнчлэн гэрээний нэг тал болох хувьцаа эзэмшигч маргаан шийдвэрлэх ажиллагаа явагдаж байх үед хувьцаагаа бусдад шилжүүлэх алхам хийгдэж эхэлсэн бол хувьцаагаа эргүүлэн авахыг даалгах үүргийг холбогдох талд хүлээлгэх замаар одоогийн байгаа нөхцөл байдлаа сэргээх үүрэг хүлээлгэж болно.

б.Одоогийн, эсхүл учирч болох хохирлыг нэмэгдүүлэх, эсхүл арбитрын ажиллагаанд бэрхшээл учруулах үйлдэл хийхгүй байх, тэдгээрээс урьдчилан сэргийлэх арга хэмжээ

Энэ арга хэмжээ нь хариуцагч этгээдэд тухайн цаг үед нөгөө талд учруулсан болон цаашид учирч болох хохирлыг нэмэгдүүлэх үйлдэл хийхгүй байхыг үүрэг болгосон арга хэмжээ юм. Тухайлбал, барилгын ажил гүйцэтгэгч нь хугацаандаа үүргээ биелүүлээгүйгээс захиалагчид тодорхой хэмжээний хохирол учруулсан бөгөөд уг компани дахин өөр ажил эхлүүлэх нь нэхэмжлэгчид учрах хохирлыг нэмэгдүүлэх магадлалтай гэж арбитрын бүрэлдэхүүн үзвэл хоёр дахь ажлын гэрээг байгуулахгүй байхыг даалгаж болох аж. Түүнчлэн хоёр дахь гэрээг байгуулах тухай мэдээлэл байхгүй ч гэсэн тийм гэрээ байгуулахаас урьдчилан сэргийлж гэрээ байгуулахгүй байхыг даалгаж болно.

“Арбитрын ажиллагаанд бэрхшээл учруулах үйлдэл хийхгүй байх, түүнээс урьдчилан сэргийлэх”-дээ гадаадад болон орон нутагт удаан хугацаагаар явахгүй байж, арбитрын хуралдаанд биечлэн оролцохыг үүрэг болгож болох зэргээр тодорхой зохицуулалт тусгажээ.
Мөн хуралдаанаар Эрүүгийн байцаан шийтгэх хуулийн зарим заалт Үндсэн хуулийн холбогдох заалтыг зөрчсөн эсэх маргааныг хянан шийдвэрлэсэн тухай Үндсэн хуулийн цэцийн 2015 оны 16 дугаар дүгнэлтээр мэдээлэл сонслоо.

Энэхүү мэдээллийг сонссоноор байнгын хорооны хуралдааныг өндөрлүүлээд байна.

Г.ДАРЬ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Баадка 2016-01-05 122.201.24.213

Төмөр Замын Удирдах Газрын 15 цэвэрлэгчийн хүүхдүүд 11 нь МУИС-ийн Экологийн ангийн диплом хуурамчаар үйлдэж, УЦУЭШ-ний хүрээлэнд экологич мэрэгжилтэй гэж хуураад ажилд орсон байна. Энэ хүмүүс өөрсдийн тэнцэхгүй ажилд хуурамч бичиг баримт ашиглан орж, цалин авч байсан тул эдгээр хүмүүсийн хуурамч бичиг баримтыг хурааж авч устгаж, ажлаас чөлөөлж, цалин гэж авч байсан мөнгийг улсад буцааж төлүүлж өгч туслана уу. Төлөхгүй гэвэл баривчилж хорих ялаар шийтгэж өгнө үү. Эдгээр хүмүүс МУИС-ийн Экологийн ангийн диплом хуурамчаар үйлдэж гадаадад магисрт сурахаар завдаж байгаа тул эдгээр хүмүүсийн хуурамч дипломыг хурааж авч ажлаас чөлөөлж, төмөр замд нь цэвэрлэгчээр оруулж өгнө үү. 51-р сургуулийн номын санчийн охин Оюунаа 8-р анги төгсөөд 9-р ангидаа ороогүй. Шимт буузны цэвэрлэгчийн охин Олдохбаярын Чимэдцэрэн 10-р анги төгсөөд Их дээд сургуульд орж чадаагүй. ТЗУГ-ийн цэвэрлэгийн хүүхэд Сүхбаатар 51-р сургуульд 8 төгсөөд 9-дөө ороогүй . ТЗУГ-ийн цэвэрлэгч Гэрэлхүүгийн Г.Одбаяршоронгийн хадаас. ТЗУГ-ийн цэвэрлэгийн ахлагчийн охин Туяа 10-р анги төгсөөд сургуульд орж чадаагүй гэрийн буг Туяа, ТЗУГ-ийн цэвэрлэгийн хүүхэд Энхбаатар 7-р ангиас хойш багшийгаа доромжилсоор байгаад сургуульд яваагүй, шоронгийн хадаас. ТЗ-ийн Коллежийн цэвэрлэгчийн хүүхэд шоронгийн хадаас Отгонтулга. ТЗУГ-ийн цэвэрлэгч Цэцэгжаргалын Ариунаа 10-р анги төгсөөд сургуульд орж чадаагүй гэрийн мухар сахисан гэрийн буг. Төмөр замын Коллежийн цэвэрлэгийн хүү Намхайдорж шоронгийн хадаас. ТЗ-ийн Коллежийн цэвэрлэгчийн хүүхдүүд их дээд сургуульд орох заяа тутсан боловсролгүй Ц.Дэлгэрмаа, Нарангарав гуйлгачингууд. Эдгээр 11 хүн 2000 онд 51-р сургуулийн 10А ангийг төгссөн. Ангиараа Их дээд сургуульд орж чадаагүй. Одоо арван нэгүүлээ хуувилдаад хуурамч диплом үйлдээд нэг нь ажилд ороод бусад нь дагаж нэг газар ажилд ороод ажиллаж байна. Эдгээр хүмүүсийг хуурамч бичиг баримтыг хурааж аваад, боловсрогүй болохыг батлаж, ажлаас халж оронд нь их сургууль төгссөн дээд боловсролтой хүн ажилд авна уу.

Зочин 2016-01-05 59.153.114.229

ЗӨВ ШҮҮ

NewsMN Гар утасны хувилбар Татах
NEWS.mn

Мэдээллийн эх сурвалж