Сүүлийн жилүүдэд дэлхий даяар хурдацтай хөгжиж буй урбан спортуудын нэг 3х3 сагсан бөмбөгийн олимпийн эрх олгох тэмцээний хуваарь гарчээ. Ирэх 2021 онд зохион байгуулагдах Токио-2020 зуны XXXII олимпийн наадмын эрхийн төлөө 36 улсын эрэгтэй, эмэгтэй нийт 40 шигшээ баг таван хэсэгт хуваагдан өрсөлдөнө.

Энэхүү тэмцээн нь ирэх 2021 оны тавдугаар сарын 26-30-ны өдрүүдэд Австри улсын Грац хотод зохион байгуулагдах бөгөөд эрэгтэй, эмэгтэй ангилал тус бүрээс гурван баг олимпийн эрх авна.

Монгол улсын эрэгтэйчүүдийн 3х3 сагсан бөмбөгийн шигшээ багийн хувьд эрх олгох тэмцээний А хэсэгт Польш, Бразил, Турк, Чех зэрэг улсуудын шигшээ багуудтай оржээ. Харин эмэгтэй шигшээ багийн хувьд өнгөрсөн 2019 оны 11-р сарын 1-ний Токиог зорих эрхээ авсан билээ.

Мөн Австрийн эрх олгох тэмцээнээс гадна Унгар улсын Будапешт хотод эрэгтэй, эмэгтэй ангилал тус бүрт нэг эрх олгох сүүлийн тэмцээн бий.