АНУ-ын Ерөнхийлөгчийн сонгуульд нэр дэвшигч ардчилсан Жо Байден Пенсилванийн эрүүл мэндийн өдөрлөг дээр үг хэлэхдээ тоон дээр будилж, АНУ-д цар тахлаар нас барсан хүмүүсийн тоог үржүүлээд хэлчихжээ.

Тэрбээр “Ард иргэд ажилгүй болж байна. Ард иргэд яахаа мэдэхгүй байна. Тэд юу хийх ёстойгоо ч ойлгохгүй байна. Дээрээс нь цар тахлаар нас барагсдын тоо 120 саяд хүрлээ” хэмээн ярьжээ.

Энэ явдлыг  өрсөлдөгч Бүгд найрамдах намынхан зүгээр өнгөрөөсөнгүй. Тэд 77 настай нэр дэвшигч Байден зөнөөд эрүүл ухаанаа алдсан байна хэмээн жиргэцгээжээ. Мөн түүний өмнө нь 150 сая хүн АНУ-д галт зэвсгээс болж хорвоог орхиж байна хэмээн эндүү мэдээлснийг сөхөн бичжээ.

Магадгүй Байдэн үг хэлэхээр бэлдсэн картуудаа уншиж байхдаа тоон дээр будилсан байж болох. Үнэн хэрэгтээ өнөөгийн байдлаар АНУ-д цар тахлаар нас барагсдын тоо 126’780 байна.

Энэ нь Байдены тоон дээр будилсан анхны тохиолдол биш билээ. Тэрбээр тавдугаар сард мөн цар тахлын талаар мэдээлэл өгч байхдаа хөл хорионоос болж ажилгүй болсон хүмүүсийн тоог нас барагсдын тоотой андууран сольж хэлж байсан билээ.

Харин Дональд Трамп газар доорх нуувчиндаа нуугдаад сонгуулийн компанит ажлаа хийх сөхөөгүй сууж байгаа аж. Тэрбээр өдөрт ердөө хоёр л хүнтэй уулзаж байгаа гэнэ.

Эх сурвалж: RT.COM