Хагас хүн, хагас гайхамшиг зодог тайллаа | News.MN

Хагас хүн, хагас гайхамшиг зодог тайллаа

Хагас хүн, хагас гайхамшиг зодог тайллаа

Хагас хүн, хагас гайхамшиг зодог тайллаа

Хойд Америкийн үндэсний сагсан бөмбөгийн холбоо буюу NBA-ийн түүхэнд тодоос тод бичигдэх оддын нэг Хагас хүн, хагас гайхамшиг хочит Винс Картер зодог тайлж буйгаа зарлалаа. Тэрбээр The Ringer’s сайтын "Winging It With Vince Carter" подкастын үеэрээ “Албан ёсоор мэргэжлийн сагсан бөмбөг тоглоод болчихлоо” хэмээжээ.

Картер 2019-2020 оны шинэ улирлын эхэнд Атланта Хавкс багтай гэрээ байгуулах үеэрээ “Энэ миний сүүлийн улирал байх болно” хэмээн хэлж байсан юм. Гэвч шинэ коронавирусийн улмаас түүний нэг жилийн хугацаатай байгуулсан гэрээ бүрэн хэрэгжиж чадсангүй. Өнгөрөгч гуравдугаар сараас хойш цар тахалтай холбогдуулан улирлаа түр зогсоосон NBA ирэх долдугаар сарын сүүлээр Орландо хотын Уолт Дисней амралт, зугаалгын цогцолбор газарт 22 багтайгаар эргэн ирэх шийдвэр гаргасан билээ. Энэхүү 22 багийн тоонд Винс Картерийн Атланта Хавкс баг харамсалтайгаар багтаж чадалгүй улирлаа харьцангуй эрт дуусгалаа.

Атланта Хавкс баг 20-47 гэсэн амжилттай дорнод бүсийн улирлаа цааш үргэлжлүүлэх есөн багийн тоонд орж чадаагүй.

NBA-ийн комиссар Адам Силвер түүнийг "Сагсан бөмбөгийн жинхэнэ элч төлөөлөгч" хэмээн тодотгоод “Винс Картер гайхалтай ур чадвар, тэсвэр хатуужлаараа NBA-д мартагдашгүй нөлөө үзүүлсэн эрхэм” хэмээжээ.

Винс Картер 1990, 2000, 2010, 2020 гээд NBA-ийн түүхэнд дөрвөн арванд тоглосон анхны тамирчин болсон юм.

Винс Картер 1998 онд Торонто Рэпторс багт сонгогдон лигт элсч, анхны улиралдаа “Шилдэг залуу тоглогч” хэмээх шагналын эзэн болж байв. Үүнийхээ дараа 2000 оны Бүх оддын арга хэмжээний тохолтын тэмцээнд гайхамшигтай үзүүлбэрүүдийг толилуулж, өөрийгөө дэлхий дахинд алдаршуулсан. Тэрбээр нийт 22 жил мэргэжлийн сагсан бөмбөг тоглохдоо Торонто Рэпторс, Нью Жерси Нетс, Орландо Мэжик, Финикс Санс, Даллас Маврикс, Мемфис Гриззлис, Сакраменто Кингс, Атланта Хавкс зэрэг найман багт хүчин зүтгэж 16.7 оноо дунджилжээ.

Өндөрт дүүлэн нисч, өөрийн хүчтэй, гайхалтай, уран гоёмсог тохолтуудаар хүүхэд залуусын зүрх сэтгэлийг эзэмдсэн тэрбээр яалт ч үгүй сагсан бөмбөгийн түүхэнд төрөн гарсан шилдэг тамирчин, тохогчдын нэг.

Энэ мэдээнд өгөх таны сэтгэгдэл?
5
ЗөвЗөв
1
ТэнэглэлТэнэглэл
1
БурууБуруу
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-26 103.80.210.183

сэтгүүлч мал нь боловсролгүйн хар гай байхгүй юу даа. ЭБИ тарвага сэтгүүлч байгаад ардчилал гэж хутад газраар зугаалж мөнгөжөөд америкаар тэтгүүлсэн.

Avatar

Tr 2020-06-26 66.181.179.118

Тэнэг эргүү юм уу эсвэл угийн боловсрол муутай юм уу? Ийм байж сэтгүүлч болж байна гэж бусдын булай бүү болооч ээ, залуу минь. Англи хэлэнд бичихдээ нэг, дуудахдаа өөр гэдгийг ч мэдэхгүй. Hawks гэж бичээд “хавкс” гэж дуудахгүй, харин “хөүкс” гэж дууддаг болой.

Avatar

Зочин 2020-06-26 192.82.68.142

ямар өндөр боловсролтой хүн бэээ та айн?лав америкад төгссөн байхааадааа.

NewsMN Гар утасны хувилбар Татах
NEWS.mn

Мэдээллийн эх сурвалж