Ядарч сульдах, нойр дутуу явах, уйлах, тунгалгийн тогтолцоо гажуудах зэргээс шалтгаалж нүдний доогуур хүрэнтэж хөхөрдөг.

Хэрэв таны нүдний доод зовхи хөхрөөд байгаа бол дараах аргуудаас туршаад үзээрэй.

1. Өглөө нүүрээ угаасны дараа зовхиндоо иллэг хийх. Хурууны өндгөөр нүдний эргэн тойронд хөнгөн иллэг хийж, тогшиж өгнө.

2. Иллэг хийсний дараа зовхины зориулалтын тос түрхэх. Цусны эргэлт сайжруулах халгай, туулайн бөөр модны үндэсний орцтой тос байвал тун сайн.

3. Тусгай бигнүүр тавих.

Түүхий төмсий үрэгчээр үрж, марльд боогоод зовхин дээрээ 15-20 минут тавина. Энэ бигнүүрийг 7 хоногт 1 удаа, сар хагасын хугацаанд тавиарай.

Яншуйны үндсийг блендэрээр нухаш болгоод зовхиндоо 20-25 минут тавина. Дараа нь бүлээн усаар угаана.

Танд амжилт хүсье.

Эх сурвалж: fun.everyday.mn