Испанийн уран зураг цуглуулагч өөрийн цуглуулгаасаа Бароко үеийн зураач Бартоломе Естабан Муриллогийн зургийн хуулбарыг сэргээн засуулахаар сонирхогчдод хандаад дээрх үр дүнд хүрчээ.

Тус улсын хэвлэлд мэдээлснээс харахад, нэрээ нууцалсан тус цуглуулагч уран зургуудаа цэвэрлүүлэхээр сонирхогчдод 1355 ам.доллар төлсөн байна. Гэвч мэргэжлийн бус хүмүүс зургийг сэргээхээр хоёр ч удаа оролдоод бүтэлгүйтэн, харахын эцэсгүй болгож орхижээ.

Энэхүү үйл явдал өмнө нь Испанид болсон ижил явдлуудыг эрхгүй санагдуулж байлаа. Тухайлбал, 2012 онд нэгэн сүмийн ахмад итгэгч сүмийнхээ хананд байдаг Есүсийн хуучирсан зургийг сэргээх гэж оролдсон байна. Гэвч түүний “шинэ” зургийг хүмүүс “сармагчин Есүс” хэмээн шоолох болжээ.

Мөн өнгөрсөн жил Наварра дахь нэгэн сүмд байдаг гэгээн Жоржийн 16-р зууны үеийн баримлыг ийнхүү сэргээн засчээ.

Одоогоор Испанид урлагийн бүтээлийг сэргээн засах нэрээр дурын хүн сүйтгэхээс сэргийлсэн хууль алга байна. Улсын мэргэжлийн сэргээн засагчдын холбооны зүгээс дээрх үйл явдлууд нь хуульгүйн гай хэмээн үзэж буйгаа илэрхийлжээ.

Эх сурвалж: BBC