АНУ-ын Ерөнхийлөгч Дональд Трампын Үндэсний аюулгүй байдлын зөвлөх Роберт О’Брейн Хятадын эсрэг дайрсан мэдэгдлийнхээ үеэр дарга Ши Жиньпинийг хуучин ЗХУ-ын удирдагч Йосеф Сталинтай зүйрлэжээ. Тэрбээр Хятадыг дэлхийн харилцаанд хорлонтой үүрэг гүйцэтгэж байна хэмээн мэдэгдсэн аж. Мөн Роберт О’Брейн“Хятадын Коммунист нам Марксист-Ленинист онолыг баримталдаг бөгөөд ерөнхий нарийн бичгийн дарга Ши Жиньпин өөрийгөө Йосеф Сталины залгамжлагч гэж хардаг” хэмээн  мэдэгджээ.

Тэрбээр АНУ-ын улс төрийн намууд өнгөрсөн хугацаанд Хятадыг дутуу үнэлж, Бээжин нь дэлхийн хүчний тэнцвэрийг шинээр тогтоохыг зорьж байгааг олж хараагүй хэмээн буруутгасан байна. “АНУ-ын хууль тогтоогчид Хятадын эдийн засаг өсч хөгжихийг дагаад ардчилал, либералчлалд тэмүүлнэ гэж бодсон ч эсрэгээрээ коммунист үзэл суртал нь улам гүнзгийрсэн” гэж Роберт О’Брейн мэдэгджээ.

Эх сурвалж: POLITICO