Монголын спортынхон Ц.Амарт хандив цуглуулж байна | News.MN

Монголын спортынхон Ц.Амарт хандив цуглуулж байна

Монголын спортынхон Ц.Амарт хандив цуглуулж байна

Монголын спортынхон Ц.Амарт хандив цуглуулж байна

ОХУ-ын Якутад 30 жил амьдарсан, монголчууд, ялангуяа спортынхны сайн танил Цэдэнсамбын Амарт яаралтай тусламж хэрэгтэй болжээ. Түүний гэр бүлийнхэн “Sakhalife” цахим хуудаст ил захидал бичжээ.

“Хайрт аав Цэдэнсамбын Амар маань дөнгөж 53 настай. Өнгөрсөн дөрөвдүгээр сард яаралтай хагалгаанд орсон. Онош нь ходоодны хорт хавдар. Одоо химийн эмчилгээ хийлгэж байна. Өмнөд Солонгост хагалгаанд орж, эмчлүүлэх шаардлагатай байгаа. Маш үнэтэй хагалгаа. Ц.Амар үргэлж хүнд тусалдаг, сайн хүн. Харин одоо түүнд өөрт нь тусламж хэрэгтэй байна.

Манай аав Монголын уугуул. Якутад 30 гаруй жил амьдарч байна. Энэ 30 жилд Монгол, Якутын найрсаг хамтын ажиллагааны төлөө маш их зүйл хийсэн. Якутскт анхны Зуны баяруудыг зохион байгуулахад оролцож байсан. Азийн хүүхдийн наадамд багаа удирдан оролцсон. Якутад болдог том арга хэмжээнд орчуулагчаар байнга ажилладаг. Энд суралцдаг монгол оюутнуудад үргэлж тусалдаг. Мөн Монголд очиж байгаа якутчуудад тусалдаг хүн. Якутын Хэвлэлийн тэргүүний ажилтан цолтой. Аавыг минь таньдаг бүх хүнээс тусламж хүсч байна” гэж бичсэн байна.

Азийн хүүхдийн наадамд оролцож байсан тамирчин, дасгалжуулагч нар болон манай спортын ертөнцийнхөн түүнд зориулан хандивын данс (Khanbank 5400326691 Б.Эрдэнэваанчиг) нээжээ.

Б.ШАРХҮҮ

 

Энэ мэдээнд өгөх таны сэтгэгдэл?
6
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

0 сэтгэгдэл

News.mn сайтад сэтгэгдэл оруулахад анхаарах зүйлс

NewsMN Гар утасны хувилбар Татах
NEWS.mn

Мэдээллийн эх сурвалж