Сирийн төв болон өмнөд хэсэг дэх хэд хэдэн цэргийн хуаран агаарын дайралтад өртсөнд Дамаск Израилийг буруутгаж байна.

Израиль урьд шөнө/2020.06.24/ 01.00 цагаас өмнө Салами, Сабурад зэрэг газар руу дайрч армийн хамгаалах систем олон тооны пуужинг замд нь устгасан ч цөөн тооны пуужин байндаа тусч, бага хэмжээний хохирол учрууллаа хэмээн Сирийн арми мэдээлжээ.

Unverified video of aftermath of alleged Israeli airstrikes in Salamiyah city located in the Hama Governorate. #Syria pic.twitter.com/CwrryHxr2B

— Joe Truzman (@Jtruzmah) June 23, 2020

Дараад нь болсон дэлбэрэлтийн чимээг сонсоход Израилийн нэг пуужин зэвсгийн агуулахад туссан бололтой.

Салами бол Сирийн төв хэсгийн Хама мужид байдаг хот билээ. Тус хотод агаарын дайралт болохоос өмнө өчигдөр/2020.06.23/ үдэш хоёр ч хуаранд дайралт болж хоёр цэрэг нас барж, хэд хэдэн цэрэг шархадсан гэнэ.

Дайралтыг хэн зохион байгуулсныг албан ёсоор тогтоогоогүй байгаа ч Сирийн арми дээрх онгоцуудыг Израилийн онгоц хэмээн үзэж байгаа аж. Учир нь, өмнө нь ч Израилийн зүгээс Сири дэх Ираны хуаран хэмээн хэд хэдэн хуаран руу агаарын болон пуужингийн довтолгоо хийж байсан удаатай билээ. Гэвч Тель-Авивын зүгээс дайралтын тухай мэдээлэл өгөөгүй байгаа юм. Харин Дамаск Израилийн онгоцууд иргэний агаарын тээврийн онгоцоор бамбай хийн Сирийн агаарын хилийг нэвтэрсэн хэмээн үзэж байгаа гэнэ.

Эх сурвалж: RT.COM