НӨАТ-ын хуулийн хэрэгжилтэд идэвхтэй оролцохыг уриаллаа | News.MN - Мэдээллийн эх сурвалж

НӨАТ-ын хуулийн хэрэгжилтэд идэвхтэй оролцохыг уриаллаа

Хуучирсан мэдээ: 2016.01.04-нд нийтлэгдсэн

НӨАТ-ын хуулийн хэрэгжилтэд идэвхтэй оролцохыг уриаллаа

Эдийн засгийг ил тод, хяналттай, бүртгэлтэй болгохыг Засгийн газар зорилт тавьж ажиллаж байна. Энэ хүрээнд Эдийн засгийн ил тод байдлын тухай хуулийг баталж хэрэгжүүлж эхэлсэн. Ингэснээр өнөөдрийн байдлаар 8 их наяд төгрөгийн татварын орлого, бусад хөрөнгө ил боллоо. Энэ хуулийн хэрэгжилтийг энэ оны хоёрдугаар сарын 20 хүртэл сунгасан. Мөн НӨАТ-ын 10 хувийн татварын хоёр хувийн буцаан олголт энэ оны эхний өдрөөс хэрэгжиж эхлээд байна.

Монгол Улсын Их Хурлын хаврын чуулганаар батлагдсан Нэмэгдсэн өртгийн албан татварын хуулийн шинэчилсэн найруулга хэрэгжиж эхлээд 4 хонож байна. Уг хуульд иргэдэд худалдан авсан бараа үйлчилгээнд төлж буй НӨАТ-ынхаа 20 хүртэлх хувийг буцаан авах мөн сугалаанд оролцох боломжийг бүрдүүлээд байгаа юм.

Шинэ оны эхний ажлын өдөр буюу 2016 оны нэгдүгээр сарын 4-нд Ерөнхий сайд Ч.Сайханбилэг энэ урамшуулал иргэдэд хэрхэн хүрч байгаа мөн аж ахуйн нэгжүүдэд тулгарч буй асуудалтай танилцах зорилгоор Замын цагдаагийн зүүн талд байрлах “Миний хайпермаркет” дэлгүүрт очин, худалдан авалт хийж, Ерөнхий сайд хэвлэлийнхэнд мэдээлэл өглөө.

Өргөн хэрэглээний бараа бүтээгдэхүүн сонгон худалдан авалт хийж үзлээ. Миний гарт байгаа энэ баримт хуулийн дагуу татварын бодолт хийж дахин давтагдашгүй дугаар, төрөөс явуулж буй сугалаанд оролцох эрхийн бичигтэйгээ гарч ирлээ гэж тэрээр хэлээд Засгийн газраас уг хуулийн хэрэгжилт болон иргэдэд очиж байгаа үр өгөөж, ААН-үүдийн идэвх санаачилгыг дэмжин ажиллахаа илэрхийллээ.

Өнөөдрийн байдлаар улсын хэмжээнд 4000 гаруй цэг буюу кассын машин Татварын ерөнхий газрын нэгдсэн системтэй холбогдон ажиллаж байна. Шинэ он гарсаар 170 орчим мянган НӨАТ-ын буцаан олголт, сугалаатай худалдан авалт хийгджээ. Энэ тоо цаашид өсөн нэмэгдэнэ. НӨАТ-ын буцаан олголттой худалдаа хийсэн иргэн бүр 14 хоногт нэг удаа болох сугалаанд оролцох эрхтэй, сугалааны нийт хонжворын сан нь хоёр тэрбум төгрөг байгаа гэдгийг Ерөнхий сайд  тэмдэглэлээ. Эхний сугалаа энэ сарын 17-нд орон даяар явагдана. Хамгийн том шагнал нь 100 сая төгрөг бөгөөд бусад олон хонжвор байгаа ажээ.

“Миний дэлгүүр” сүлжээ болон бусад том дэлгүүрүүд Татварын ерөнхий газрын нэгдсэн системд холбогдож, бүх гүйлгээ хяналттай болж байна. Улсын хэмжээнд татварын 1800 гаруй байцаагч ажиллаж байгаа. Харин өнөөдрөөс иргэн бүр буюу гурван сая байцаагч ажиллана. НӨАТ-ын хууль хэрэгжсэнээр иргэн бүр худалдаа, үйлчилгээний газруудад кассын машинтай бол, нэгдсэн системд холбогд зэрэг шаардлагыг тавьж эхэлнэ гэж Ерөнхий сайд хэлээд энэ хуулийн хэрэгжилтэд иргэд, аж ахуйн нэгжүүд идэвхтэй оролцохыг уриаллаа. Ингэснээр Монгол Улсын татвар болон төсвийн орлого нэмэгдэх, макро эдийн засагт нөлөөлөх нөлөөлөл, тэр тусмаа далд эдийн засгийг ил болгох чухал ач холбогдолтой гэдгийг тэрээр онцолж байлаа.

Худалдан авалт хийсэн иргэн баримтдаа www.ebarimt.mn хаягт бүртгүүлэх учиртай. Энэ бүртгэлийг хэрхэн хийх талаарх зөвлөгөөг хэвлэл мэдээллийн хэрэгслээр дамжуулан иргэдэд хүргэх, танилцуулах үүргийг Ерөнхий сайд өглөө.

“Нарантуул” зэрэг худалдааны төвд худалдаа эрхэлж буй хүмүүс нэмэгдсэн өртгийн албан татвар суутган төлөгч биш хувиараа хөдөлмөр эрхэлж буй иргэд юм. Ийм учраас энэ хүмүүсээс авсан бараа, үйлчилгээнд НӨАТ-ын хоёр хувийн урамшууллын буцаан олголт явагдахгүй ч сугалаанд оролцох боломжийг хангана. Харин нэмэгдсэн өртгийн албан татвар суутган төлөгч аж ахуйн нэгж, байгууллага нь худалдан авалт бүрт баримт гаргаж өгнө, буцаан олголт авна, сугалаанд оролцох учиртай гэдгийг  Сангийн сайдын зөвлөх С.Пүрэв тайлбарлалаа.

Худалдан авалт хийсэн баримтаа е-майл хаягаас гадна гар утас болон регистр, дансны дугаараар бүртгүүлэх боломжийг бий болгохоор Нэмэгдсэн өртгийн албан татварын урамшууллын системийг хөгжүүлэх төслийн нэгж ажиллаж байна.

ЭХ СУРВАЛЖ: ЗАСГИЙН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ АЛБА

 

 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

biibii 2016-01-04 203.194.114.182

www.ebarimt.mn нээгдэхгүй бн. Худлаа хуурч хүмүүсийг бухимдуулж,доромжилж ханаагүй юмуу

Зочин 2016-01-04 202.179.24.251

харин тиймээ би орох гээд ядаад худалдан авагчдаа үнэн байдлыг нь хэлээд билл өгөлгүй явуулсан. Өөр яалтай билээ дээ.

Зочин 2016-01-04 202.70.41.218

Сурталчилгаанд маш их мөнгө цацаж байх шиг байна. Бүх хэвлэл мэдээллээр рекламдаад л байна

зочин 2016-01-04 103.229.120.124

Татвар бол санхүүгийн үүсгэмэл бүтээгдэхүүн бөгөөд хамаагүй тохируулга оролдлого хийж болдоггүй, болсон ч заавал цоорхой хийдэл бий болгодог эд дээ. Сайханбилэг сайд НӨАТ-ын урамшуулал гэдэг үгэнд хууртаж тогтолцоогоо нэг мөр нураав. Босгох гэж 5 жил лав болно. МҮХАҮТ энд юу ч вэ дээ. Худалдааг боомилоод байхад чинь. Тэр хэрэглэгчдийн эрх ашгийг хамгаалдаг газраа оч.

Зочин 2016-01-04 202.179.24.251

Энэ хууль чинь тэр Лхагважавын санааг гүйцэлдүүлсэн хууль шүү дээ мань хүн ТВ-ээр байн байн гараад нэг хэсэг "од" болоо биз дээ.

Зочин 2016-01-04 202.131.252.217

Хамгийн гол нь ebarimt.mn сайт руу ороод шүүд бүртгүүлээд баримт хэвлэнэ гээд байсан болохгүй заавал санхүүгийн ПОС-ын программтай байж тэр нь холбогдоно ч гэх шиг бүтэхгүй юм байна лээ. Тэгээд баримтыг 2 янзаар бичнэ 1 нь хувь хүнд нөгөө нь худалдан авагч байгууллагад гээд. Байгууллагад авсан баримт нь 2% буцаан олголт болон сугалаанд хамрахгүй ч гэнэ үү? Ер нь үндсэн тогтолцоогоо сайн төгс шийдээгүй байж туршилтын юман дээр хуулиар далайлгаад баахан авах бүртгэх юмаа л яриад байх юм. Яаж бүртгэх тогтолцоо чинь төгс болоогүй байна. Бид тэр талоныг чинь хэвлэх гээд болохгүй байна.

Зочин 2016-01-04 103.229.122.175

Энэ дампуу солиотой юм санаачлаж хэдхэн татвараа үнэнчээр төлдөг хэдхэн ААН-үүдээ нэмж торгохын оронд, огт татвар төлдөггүй хэсэг буюу ченжүүдийг хэрхэн татвар авдаг болгох вэ гэдэг ажил хийсэн бол энэ нийгэмд бүгд адилхан татвар төлдөг болно. Тэр үедээ л наад балай юмаа санаачлахгүй яасын... Одоо энэ нийгэмд цөөхөн хэдэн аж ахуйн нэгжүүд байдгаа татварт өгөөд дууслаа. харин байрны, махны, малын, машины, валютын ченжүүд нь огт татвар төлөхгүй мөртлөө бүхэл бүтэн хороолол (Баян Монгол хороолол гэх мэт) барьж байгаа нь шударга нийгэм мөн үү

zochin 2016-01-04 202.9.40.38

yag unen mnii bodoj baigaag bas tulgaraad baigaa asuudliig bichsen bna ter Лхагважав одоо юу вэарай өөр хүн гэж бодсон чинь бууны нохой балиар хүн байна штээ

lol saihanbileg 2016-01-04 124.158.93.67

iim hogiin amidrald biylehed tuvugtei chiregdeltei ym gargahaa bolimoooriin saihandampuu gar ymaaa

Зочин 2016-01-04 202.70.41.218

Борлуулалт нь 50 сая хүрэхгүй ААН-үүдээ нэгдсэн журмаар НӨАТ төлөгчөөс хасаач ээ

зочин 2016-01-04 103.229.123.242

энэ том том дэлгүүрүүд талон өгөхгүй байгаа нь энэ ажлыг нэвтрүүлэхгүй удаашруулах сонирхолтой байна гэж ойлгоход хүргэж байна. Жишээ нь БЗД-ийн 7-р хороо Сансарт орших Баясах супермаркет талон өгөхгүй, яагаад өгөхгүй байгаа талаар асуухад хуучин талоноо л хадгалж байхад болоо, тэр кодтой талон өгөх шаардлагагүй гэж ярьж байх юм. шахаж шаардаад ядаж том дэлгүүрүүдэд хурдан нэвтрүүлмээр байна.

зочин 2016-01-04 59.153.113.161

Сайханбилэг сайдаа, Татварынхан чинь бэлэн биш байна шүү дээ. Жнь: бэлэн бус тооцоо, дараа төлбөр, шилжүүлэг, бартер зэрэгт талон өгөх боломжгүй байна. Мобиком руу утасныхаа төлбөриййг банкаар шилжүүлсэн чинь НӨАТ -ын баримт өгөхгүй, бэлэн мөнгө барьж ирвэл өгнө гээд байна, том компани нь ийм байна. Барс зах гэхэд баримт өгөхгүй байна. Тэгэхээр тэндээс бараа авсан хүнсний дэлгүүр НӨАТ төлөх утгагүй. Энэ бүхнээ цэгцлэхгүй бол хэрэгжихгүй

РАВДАН 2016-01-04 202.70.46.208

АРД ТҮМЭН АРГАА ОЛНОО. ОЛСООР Ч ИРСЭН ЮМ. ОЛОХ Ч БОЛНО. ХАРИН ДЭМИЙ ГУНЗГАЙ Л АРД ТҮМНИЙ ДЭМЖЛЭГИЙГ АЛДАХ БИЗ. АРД ТҮМЭН ЗӨВ МЭРГЭН БОДЛОГЫГ ДЭМЖДЭГИЙГ АВТОБУСНЫ КАРТ ХАРУУЛЖ БАЙНА. ХАРИН 2%-Н БУЦААН ОЛГОЛТ БОЛ ҮНЭНДЭЭ ДЭЭРЭМ ЮМ. ИЙМД САЙХАН БИЛЭГ АРДЫН ХАЛААСАНД ХУРУУ ДҮРСНЭЭРЭЭ ДЭМИЙ ГУНЗГАЙ ЦОЛОО БАТАЛГААЖУУЛЛАА.

зочин 2016-01-04 202.9.40.125

Жижиг дэлгүүр, мухлаг, түц-ний амийг хорлож байна даа, ядаж тэр талон хэвлэдэг принтерээ хямдхан, хөнгөлөлттэй үнээр шуурхай нийлүүлчихээд эхэлж болдоггүй юмуу,хаанаас хэдэн төгрөгөөр яаж авах нь мэдэгдэхгүй, нийлүүлдэг хэдхэн компани нь бөөн мөнгө төгрөг, эцсийн эцэст энэ хэцүү үед хэдэн том дэлгүүр, төхөөрөмж нийлүүлдэг компани хожиж байна, тэд зардлаа эргээд л барааныхаа үнийг нэмж ард түмнээс л авна. Сайханбилэг хийх ажилгүй юм уу дэлгүүр хэсэж талон цуглуулаад л.. Өөр улсад нэвтрүүлсэн юмыг хуулж тавьж баахан төсвийн мөнгө үрснээ мундаг ажил хийлээ гэж бодоод байгаа юм байх даа...

РАВДАН 2016-01-04 202.70.46.208

ЭНГИЙН ТООЦОО. БҮХ МАТЕРИАЛАА БҮРДҮҮЛЭЭД НЭМЭГДСЭН ҮНИЙН ТАТВАРЫН 10%-Н ТАТВАРААСАА 2%-АА БУЦААН АВАХААР ОЧИХОД ЧИНЬ ТАТВАРЫН БАЙЦААГЧ ТАНИАС ЗА ӨГЬЕ. ХАРИН ТА ОРЛОГОО ТОДОРХОЙЛСОН УУ ГЭЖ АСУУНА. ТА МЭДЭЭЖ ТИЙМ ГЭНЭ. ДАХИАД ТАНИАС ТА ЯАЖ БАТЛАХ ЮМ ГЭНЭ. ТЭГЭХЭД НЬ ТА ЖИЛИЙН ОРЛОГОДОО НООГДОХ ХҮН АМЫН ОРЛОГЫН 10%-Н АЛБАН ТАТВАРАА ТӨЛСӨН БАРИМТ ҮЗҮҮЛЭХ ХЭРЭГ ГАРНА. ИНГЭЭД ҮНДСЭНДЭЭ ТА 2%-Н БУЦААН АВАЛТ ХИЙХ САНААТАЙ ОЧООД ЖИЛИЙН ОРЛОГЫНХОО 18%-Г УЛСАД ТУШААХ ХЭРЭГ ГАРНА ДОО!

Зочин 2016-01-04 202.9.41.15

Үүний дараа ийм орлого олдог юм байна гээд баахан татвар нэхэх юм биш биз хүмүүс ээ

Зочин 2016-01-04 49.0.160.152

сайн эхлэл, бүх орлого зарлага хяналттай болно, энэ чинь сайн зүйл ш дээ. дэмжиж байна.

РАВДАН 2016-01-04 202.70.46.208

ЭНЭ ЯМАРРРР Ч БҮҮҮҮРРРР ЯММММААААРРРРР Ч ҮР ДҮНД ХҮРЭХГҮЙ. УЧИР НЬ ЭНЭ ХУУЛИЙГ БОЛОВСРУУЛАГСАД АМЬДРАЛААС ТАСАРХАЙ ЗАХИАЛГААР ХИЙСЭН. МОНГОЛ УЛС БОЛ ҮЙЛДВЭРЛЭЛИЙН БИШ ХУДАЛДААНЫ ЭДИЙН ЗАСАГТАЙ ОРОН. ИЙМД НЭМҮҮ ӨРТӨГ БҮТЭЭГДЭХГҮЙ ТУЛ ТАТВАР АВЧ ЧАДАХГҮЙ. ХАРИН ХУДАЛДААНЫ АЛБАН ТАТВАР ГЭЖ ТООЦООЛСОН БОЛ АМЖИЛТАНД ХҮРЭХ БАЙЛОО!