УИХ-ын сонгуулийн тухай хуулийн 9.3-т ээлжит сонгуулийн санал авах өдөр бүх нийтээр амарна хэмээн хуульчилсан. Иймд өнөөдөр /2020.6.24/ дугаарын хязгаарлалт үйлчлэхгүй.

Гэхдээ жолооч нарыг явган зорчигчдод зам тавьж өгөхийг Тээврийн цагдаагийн албанаас уриалж байгаа юм.

Энэ жилийн сонгууль цар тахлын эрсдэлтэй үед зохион байгуулагдаж байгаа тул сонгогчид 1.5 метрийн зайтай зогсож маск зүүж, гараа ариутган сонгуульд оролцох шаардлага тавьж байгаа. Санал хураалт өнөөдөр 07.00 цагт эхэлж, 22.00 цагт өндөрлөнө.

Р.ДУЛАМ