НЭМЭЛТ:

Сиатлл-Улаанбаатар чиглэлийн тусгай үүргийн онгоц Буянт-Ухаа нисэх онгоцны буудалд өнөөдөр /2020.6.24/ 10.40 цагт газардлаа. Тус нислэгээр 254 хүн эх орондоо ирж байгаа юм. Тухайлбал, Өндөр настан – 72 Жирэмсэн – 3 Бага насны хүүхэдтэй гэр бүл – 44 Өвчтэй – 16 Оюутан – 65 Хүндэтгэн үзэх бусад шалтгаантай – 54 тус, тус ирж байна. Дээрх иргэдийг ХӨСҮТ, Цэргийн төв эмнэлэг, "Багабаян" сувилал, "Тоёоко инн" буудалд тусгаарлана. Монгол Улсын Засгийн газар, ард түмнээс АНУ-ын Засгийн газар, ард түмэнд нэг удаагийн хамгаалалтын 60 мянган ширхэг өмсгөлийг уг тусгай үүргийн онгоцоор тээвэрлэн зургадугаар сарын 21-ний өдөр албан ёсоор хүлээлгэн өгсөн юм байна.

Сиатлл-Улаанбаатар тусгай үүргийн онгоц 10.40 цагт газардана

АНУ-ын Сиатлл хотыг зорьсон тусгай үүргийн онгоц Улаанбаатарт 10.40 цагт газардана. Тус онгоцоор  нийт 254 иргэнээс гадна үлэг гүрвэлийн үнэт олдворууд эх орондоо ирж байгаа ажээ. Тусгай үүргийн онгоцонд нийтдээ:

• Өндөр настан – 72
• Жирэмсэн – 3
• Бага насны хүүхэдтэй гэр бүл – 44
• Өвчтэй – 16
• Оюутан – 65
• Хүндэтгэн үзэх бусад шалтгаантай – 54  тус тус багтжээ.