Иргэдээ авчрах тусгай үүргийн онгоц АНУ-ыг зорилоо | News.MN

Иргэдээ авчрах тусгай үүргийн онгоц АНУ-ыг зорилоо

Иргэдээ авчрах тусгай үүргийн онгоц АНУ-ыг зорилоо

Иргэдээ авчрах тусгай үүргийн онгоц АНУ-ыг зорилоо

Дэлхий нийтийг цочроосон “Ковид-19” цар тахлын нөхцөл байдал хүндэрч байгаатай холбогдуулан АНУ-д тусламж үзүүлэх  асуудлыг Монгол Улсын Засгийн газар хэлэлцэн шийдвэрлэсэн билээ. Энэ шийдвэрийн дагуу 2020 оны зургадугаар сарын 21-ний өдөр АНУ-ын Засгийн газар, ард түмэнд хүргэх “Андын сэтгэл алсдахгүй” нэртэй тусламжийг хүргэхээр Монголын иргэний агаарын тээврийн МИАТ компанийн 7801 дугаартай шууд нислэг АНУ-ын Сиатль хотыг зорилоо.

Тусламж хүргэх ёслолыг нээж Гадаад харилцааны сайд Д.Цогтбаатар, АНУ-аас Монгол Улсад суугаа Онц бөгөөд Бүрэн эрхт Элчин сайд М.Клечески нар үг хэлэв. Сайд Д.Цогтбаатар хэлсэн үгэндээ, дэлхий нийт урьд өмнө тулгарч байгаагүй ийм хүнд сорилттой нүүр тулж буй үед улс орнууд нэгдэж, бие биедээ харилцан дэмжлэг үзүүлэх учиртай. Энэ хүнд үед манай улс бага ч гэсэн хувь нэмрээ оруулахыг зорьж, та бүхэндээ сэтгэлийн дэм үзүүлж байна. Та бүхэн биднийг үргэлж дэмжиж ирсэн.

Өнөөдөр Монгол, Америкийн хооронд анхны шууд нислэг үйлдэх гэж байна. Манай онгоц буцаж ирэхдээ өөрийн 250 орчим иргэнээ авч ирнэ. Энэ бол манай хоёр орны хамтын ажиллагааны бас нэгэн шинэ эхлэл юм хэмээн тэмдэглэлээ. Энэ арга хэмжээг бодит ажил хэрэг болгоход Монгол Улсын Ерөнхийлөгч, УИХ-ын дарга, Ерөнхий сайдын санаачлага, дэмжлэг нэн чухал байсныг Сайд Д.Цогтбаатар онцлов.

Элчин сайд хэлсэн үгэндээ, Монгол Улсын Засгийн газрын тусламжийг АНУ нэн талархан хүлээж авч байгаа гээд, тусламжийг хүлээн авах болон Монголоос очиж буй анхны нислэгтэй холбоотой нарийн төвөгтэй зохицуулалтуудыг хийхэд хоёр талын холбогдох байгууллагууд шуурхай, амжилттай хамтран ажилласанд талархал илэрхийлэв. Тэрбээр Монгол, Америкийн харилцаа, хамтын ажиллагаа удаан хугацаанд өндөр түвшинд хөгжиж ирснийг тэмдэглээд, монголчуудын түншлэл, нөхөрлөл, улмаар цар тахалтай тэмцэх хамтын хүч чармайлтад ийнхүү тус дэм болж байгаад маш их баярлалаа гэв.

Ёслолын арга хэмжээнд Монгол Улсын Ерөнхийлөгчийн Гадаад бодлогын зөвлөх Т.Тэгшжаргал, Онцгой байдлын Ерөнхий газрын Тэргүүн дэд дарга, Бригадын генерал Г.Ариунбуян, Монголын Үндэсний  Худалдаа, Аж үйлдвэрийн Танхимын Ерөнхийлөгч О.Амартүвшин, МИАТ компанийн төлөөлөл оролцов. Мөн нэг удаагийн хамгаалалтын өмсгөлийг үйлдвэрлэсэн “Мөнхийн тун”, “Эксклүсив” компанийн удирдлага оролцож, бүтээгдэхүүнийхээ дээжийг Элчин сайд М.Клеческид гардууллаа.

Тусламжаар илгээж буй 60 мянган ширхэг нэг удаагийн хамгаалалтын өмсгөлийг АНУ-ын Онцгой байдлын Холбооны алба хүлээн авах юм.

Энэ сарын 24-нд Монголд ирэх дээрх онгоцоор АНУ-аас эх орондоо ирэх хүсэлт гаргасан 250-260 иргэнээ авчирна. Дашрамд дурдахад, ирэх сард таван удаагийн тусгай үүргийн нислэг хийнэ. Үүнд: 

  • Долдугаар сарын 2-нд Сөүл,
  • Долдугаар сарын 5-нд Токио,
  • Долдугаар сарын 7-нд Сөүл,
  • Долдугаар сарын 9-нд Истанбул,
  • Долдугаар сарын 15-нд Сөүл /транзит/ хот руу нислэг үйлдэнэ.

Мөн БНХАУ-д байгаа нутаг буцах хүсэлтэй 164 иргэнийг ойрын хугацаанд Дорноговь аймгийн  Замын-Үүд хилийн боомтоор татан авах юм.

Э.БУРАМ

Энэ мэдээнд өгөх таны сэтгэгдэл?
8
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

10 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-21 146.115.161.230

Алсдаа шууд нислэгтэй болчуул сайханаа. Цаг ч өөр болж. Мөнгөтэй ч болж.

Avatar

Зочин 2020-06-21 92.40.177.39

Londond baigaa humuus hediigeer abah be…….

Avatar

Зочин 2020-06-21 202.126.90.22

Бүх хүсэлт гаргасан иргэдээ зөвхөн миатаар биш бусад улсын онгоцоор хамтран татаж авах хэрэгтэй. Зуны улиралд иргэдээ түлхүү авах нь хүндрэл бага гарна.

Avatar

Зочин 2020-06-21 202.9.46.109

Эх орноосоо урваж зугтсан АН-н Ч.Сайханбилэг. Бас нөгөө урвагч шүүгч нарыг авчирч АТГ-т тушаа

Avatar

Зочин 2020-06-21 202.70.34.70

Бороо хуртай, нар гийсэн сайхан өглөө. Тив далай алгасан шууд нислэг үйлдэж буй бахархмаар өглөө байлаа. Сайхан байна.

Avatar

Зочин 2020-06-21 103.229.122.74

Шууд нислэг гэсэн шүү

Avatar

محب منقوليا 2020-06-21 188.247.75.100

عساكم ع القوة

Avatar

Зочин 2020-06-21 64.119.27.58

Шударга ажиллаарай өөр хэлэх үг алга

Avatar

Зочин 2020-06-21 66.181.181.75

Шууд нисэх юм уу э хүл хаана цэнэглээд нисэх талаар нь мэдээлэл хэрэгтэй байна. Сонирхолтой бас бахархмаар мэдээ

Avatar

Зочин 2020-06-21 202.9.46.108

замдаа заавал бууж цэнэглэнэ, тэгэхгүй бол тэр хол шатахуун хүрэхгүй, ойрын зайн жижиг онгоц тул нэг дэвэлтээр очих боломжгүй.

NewsMN Гар утасны хувилбар Татах
NEWS.mn

Мэдээллийн эх сурвалж