ИНЕГ-ын МЭДЭГДЭЛ | News.MN

Иргэний нисэхийн ерөнхий газар нь Иргэний нисэхийн тухай Монгол Улсын хууль, Иргэний нисэхийн багц дүрэм, Олон улсын иргэний нисэхийн байгууллага /ICAO/-ын  заавар, зөвлөмж, холбогдох бусад хууль дүрмийн хүрээнд үйл ажиллагаа явуулдаг мэргэжлийн хяналт, зохицуулалтыг хэрэгжүүлэх чиг үүрэг бүхий Засгийн газрын хэрэгжүүлэгч агентлаг юм.

“Скай Жэт ХХК” нь ИНЕГ-ын удирдлага холбогдох албан тушаалтны талаарх мэдээллийг өндөр үнээр худалдан авах тухай мэдээллийг өдөр тутмын нэр бүхий хэвлэлүүдээр удаа дараа нийтэлж байгааг Монгол Улсын Үндсэн хууль, Иргэний хууль, Эрүүгийн хууль болон бусад хууль тогтоомжийг ноцтойгоор зөрчиж хувь хүн, байгууллагын нэр төрд санаатайгаар халдсан хууль бус үйлдэл гэж үзэж байна.

Иргэний нисэхийн тухай Монгол Улсын хууль, Иргэний нисэхийн багц дүрэм, журам, зааврыг баримтлан ажиллах үүрэг бүхий агаарын тээвэрлэгч “Скай Жэт ХХК” нь ИНЕГ-ын удирдлага болон ажилтнуудад хуулиар олгогдсон чиг үүрэг, дүрэм, журам, захиргааны хэм хэмжээний актыг хэрэгжүүлэх, хяналт тавих, гүйцэтгэх ажиллагаанд нөлөөлж, саатуулах, хэрэгжилтийг зогсоох, дарамтлах хэлбэрээр өөрсдийн эрх ашигт нийцсэн байдлаар хууль бус үйл ажиллагаа явуулахыг шаардаж, нисэхийн аюулгүй ажиллагаа, нисэхийн аюулгүй байдлыг алдагдуулах, цаашлаад төрийн байгууллагын хараат бус байдалд ноцтой нөлөөлж, эрх бүхий албан тушаалтны шийдвэр гаргах эрхэнд хөндлөнгөөс оролцохыг санаархан, хэвлэл мэдээллийн хэрэгслээр төлбөртэйгээр иргэд олон нийтэд буруу ташаа мэдээлэл тараасан хууль бус үйлдлийг ИНЕГ-аас  шийдвэртэйгээр эсэргүүцэж байна.

Мөн Монгол Улсын иргэдийн танин мэдэх, үнэн зөв, бодитой, үндэслэлтэй,  мэдээлэл олж авах эх үүсвэр нь болсон, олон мянган захиалагчтай өдөр тутмын хэвлэлүүд энэхүү үйл ажиллагаанд татагдан орж, бодит бус мэдээллийг удаа дараа нийтлэн тарааж буйд гүнээ харамсаж байна.

Төрийн аливаа байгууллагаас гарах шийдвэрт хэн нэгэн хөрөнгө мөнгөтэй этгээд хөндлөнгөөс нөлөөлж, хүссэн шийдвэрээ гаргуулахаар заналхийлсэн бусармаг үйлдэл нийгэмд хэвийн үзэгдэл болох ёсгүй.

Монгол Улсын хүчин төгөлдөр мөрдөгдөж буй хуулиудын олон заалтыг ноцтой зөрчсөн энэхүү үйлдэл, түүнд татагдан орсон нэр бүхий газруудын хариуцлагагүй үйлдлийг холбогдох хууль хяналтын байгууллагуудаар шалгуулж, үнэн мөнийг тогтоолгон, төрийн байгууллага, хувь хүний нэр төрийг сэргээлгэх болно гэдгээ хариуцлагатайгаар мэдэгдэж байна.

ИРГЭНИЙ НИСЭХИЙН ЕРӨНХИЙ ГАЗАР       

Энэ мэдээнд өгөх таны сэтгэгдэл?
7
ТэнэглэлТэнэглэл
1
ХарамсалтайХарамсалтай
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-19 122.201.21.64

энэ МИАТ ийнхан тусгай үүргийн онгоцоор эх орондоо ирж буй иргэдийг 3 дахин өндөр үнэ төлүүлж авч ирж байгаа нь ямар учиртай юм брл нэг талдаа хоосон гэж байгаа бол 2 нугалмаар юм, онцгой нөхцол гэж байгаа бол улсын төсвөөс хэдэн тэрбумаар нь гаргаж байгаа шүүдээ, ёстой шулах дон нь л тэр байхдаа ядаж байхад нөгөө бензин нь үнэ буусан байгаа шүү дээ

Avatar

zaluu 2020-06-19 64.119.25.86

neg muu hogiin s***r altai huderiin bazaraa gua. odoo buur jenko giin heriig bariad turiin baiguulag daramtaldag bolsonuu shuuhed uguuch garig anduursan band ve

Avatar

Зочин 2020-06-19 64.119.24.253

2 давхар онгоц

NewsMN Гар утасны хувилбар Татах
NEWS.mn

Мэдээллийн эх сурвалж