Вьетнам цагдаа нарын Монгол морьдыг хүмүүс “өхөөрдөж” байна | News.MN

Вьетнам цагдаа нарын Монгол морьдыг хүмүүс “өхөөрдөж” байна

Вьетнам цагдаа нарын Монгол морьдыг хүмүүс “өхөөрдөж” байна

Вьетнам цагдаа нарын Монгол морьдыг хүмүүс “өхөөрдөж” байна

Вьетнам улс өнгөрсөн долоо хоногт анх удаа морьт цагдаагийн салаатай болж, Ханойд Хо Ши Миний дурсгалын талбайн өмнө парад хийжээ.

Парадын үеэр авсан зурагнууд цахим орчинд цацагдахад морьдыг нь хараад хүмүүс гайхаж, шоолж, өхөөрдсөн байна. Учир нь морьд нь унаж яваа цагдаа нараасаа жижиг харагдсан аж. Тэр байтугай зарим хүмүүс энэ бол морь биш одой морь, пони байна хэмээн шоолжээ. Тухайлбал, Ази судлаач Крис Тэйлор твиттертээ “Энэ морьдоор Чингис хаан дэлхийн талыг байлдан дагуулсан гэхэд итгэмээргүй санагдаж байна” хэмээн жиргэжээ.

Шинэ салаанд жагсаалын тэргүүн хоёр цагаан морийг оролцуулаад нийт 60 морь, мөн тооны цагдаа байх бөгөөд Вьетнамын батлан хамгаалах яамны дэргэдэх шинээр байгуулагдсан шуурхай цагдаагийн хүчний удирдлага дор гэмт хэрэгтэй тэмцэж, цаашдаа шинэ морьд сургаж, унаач элсүүлэн ажиллах гэнэ.

Бусад орны цагдаагийн аварга том морьдтой харьцуулахад Вьетнам цагдаагийн морьд дөнгөж метр гаруйхан өндөртэйн дээр цагдаа мордсон үед бүүр ч  бөгтийсөн, жижигхэн мэт харагдаж байв.

Монгол морьдын тухай сайн мэддэггүй хүмүүс тэднийг шоолж “Цагдаа нарт яагаад одой морь унуулчихсан юм бол? Вьетнамд энэнээс өндөр морь байдаггүй хэрэг үү?” гэх мэтээр тохуу хийж байхад зарим хүмүүс “Энэ морьд аварга том морьдыг бодвол дуулгавартай, тухтай харагдаж байна. Мөн аймшигтай нүсэр биш болохоор цагдаагийн уналгад их тохирно” хэмээн үзэл бодлоо илэрхийлжээ.

Нутгийн хэвлэлийн мэдээлж буйгаар морьт цагдаа нар хот доторх орчноос гадна нутгийн уулархаг хэсгүүдэд гэмт хэрэгтэй тэмцэх, хэрэгтнийг мөрдөх, аюулд орсон иргэдийг аврах үйл ажиллагаа явуулна. Мөн зэвсэг, хүнс зэргийг алслагдсан суурингуудад хүргэх үүрэгтэй аж.

Вьетнам цагдаа нарын хэлж буйгаар бол тус жижиг биетэй (монгол) морьд бие сайтай, эрс тэс уур амьсгал болон орчны өөрчлөлтөд дасан зохицох чадвараар илүү, сургахад амар байдаг аж. Өдгөө үүрэг гүйцэтгэж буй 60 толгой морьдыг тусгайлан цагдаагийн даалгавар биелүүлэхээр сургасан байна. Тус салаа цаашдаа нийт 109 хүнтэй болж, 65 толгой морьд шинээр сургахаар бэлдэж буй гэнэ.

Эх сурвалж: CHAOHANOI.COM

Энэ мэдээнд өгөх таны сэтгэгдэл?
26
ЗөвЗөв
8
БурууБуруу
4
ХахаХаха
1
ГайхмаарГайхмаар
1
ХарамсалтайХарамсалтай
1
ТэнэглэлТэнэглэл
0
ХөөрхөнХөөрхөн
Баярлалаа!

Холбоотой мэдээ

27 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-18 64.119.24.253

Хөдөө өсөөгүй хүн л монголчуудыг дэлхийг эзэлсэн нь худлаа гэж хэлнэ.

Avatar

оптимист 2020-06-18 202.179.30.237

Энэ хаанахын гадаадын материалыг орчуулж тавьсан мэдээ вэ. Одоо бүр монгол морьдоо… За за больё. Фото зураг нь зориуд гэхээр хэмжээг нь шахаж хэвлэсэн байна. Монгол морьдын гайхамшгийг зөвхөн монгол хүн төдийгүй, унаж үзсэн гадаадын хүмүүс ч шагширдаг юм шүү. Нийтлэлийн зорилгыг ч ойлгосонгүй. Бусад гадныхантай нийлж монголоо шоолох гэж байгаа, мориноос айдаг хүн л үүнийг мэдээ хэвлүүлчихлээ гэж бодож байгаа байхдаа. Хэвлүүлсэн сэтгүүлч /сэтгүүлч байх гэж на/чаддаг сэдвээ оролд гэх байнадаа.

Avatar

Зочин 2020-06-18 66.181.161.75

Vietnam moriig mongol mori geedl ha ha ha

Avatar

Зочин 2020-06-18 66.181.191.250

Яг монгол морь бол арай л биш шиг байна. Гэхдээ монгол адууны цус гени бол дийлэнх харагдаж байна. Өвөр монголоос эсвэл өмнөд солонгосын чэжүгээс аваачсан байж болно. Бүр эсвэл ветьнамын дайны үер манайхаас үзүүлсэн тусламжаас үлдсэн үр төл нь байх

Avatar

Зочин 2020-06-18 66.181.161.95

Монгол морио тэр халуун бүгчим газарт явуулж тарчлаан зовоож байдаг ямар учир байнаа???

Avatar

Зочин 2020-06-18 66.181.179.176

Мал маллахаа марксизмаар заалгахгүй гээд шүлэг байдагсан монголчууд бид өөрсдөө ч морь малаасаа холдож мэдэхээ больчих гээд л байгаа бас морь малаас нь холдуулж мэдэхгүй болгох бодлого ажиллагаа ч эрчимтэй байгаа өөрсдөө удахгүй энэ юун жижигхэн одой морь вэ гэж балайтах вий дээ

Avatar

Зочин 2020-06-18 203.91.115.48

Монгол адууны соёлыг эргэлтэнд оруулж идэвхжүүлж буй Ветнам анд нөхөддөө талархал илэрхийлье. Энэ чинь том сурталчилгаа шүү дээ. Шинэ үеийн монголчуудыг дэлхий хулгайч, авилгач, я***н, хар тамхи мөнгө угаах сүлжээний үүр гэж харахаас гадна нэг эерэг тал нэмэгдэж байна. Үүнд олон бүгдээрээ талархвал зохино.

Avatar

Зочин 2020-06-18 66.181.161.1

Тэр тамгыг нь харав уу Хас болон Сэрээ, Чойнжин тамга байна. Яах аргагүй Монголоор Эрээнээр ачигдаж очсон л байх

Avatar

Зочин 2020-06-18 64.119.25.144

МОНГОЛ МОРЬ МОНГОЛ ХҮН 2 УГААСАА Л БИЕ ЖИЖИГТЭЙ ШДЭЭ. АЗИДАА СО НАРЫН ДУНДАЖ ӨНДӨР 173, МОНГОЛ ЯПОН ВЬТНАМ 3 АДИЛХАН 167 СМ. НАМХАН БАЙГАА БИЗ ДЭЭ. ТЭГЧИХЭЭД ӨӨРСДИЙГӨӨ ТОМ БИЕТЭЙ ГЭЖ ЭНДҮҮРНЭ.

Avatar

shal hudalaa burjee.. 2020-06-18 64.119.23.164

sayhan solongosuud dundaj ondor dongoj 158 sm baisan yumaa.svvliin ved osood bgaa odoo 164 sm bhaa. yun 173 sm be dee.solongosuud tiim ondor bishee..harin mongolchuud bol jigd ondor shuu…

Avatar

Сонин 2020-06-18 66.181.161.22

Энэ хазаар, ногт энэ тэрийн загвар яг манайхтай адил шүү. Монголын цагдаагаас зөвлөх очисон юм боловуу? Тэгэхдээ нарантуулаас бөөндөөд хазаар ногт аваад очсон юм шиг л харагдаж байна. Монгол адуунаас арай давжаа байнаа

Avatar

Зочин 2020-06-18 103.9.90.98

монгол морь биш байна.

Avatar

Зочин 2020-06-18 66.181.179.176

Манайхан чинь морио болиод хятад мотоцикль япон солонгос машин унадаг техникээр малаа хариулдаг болсон бил үү гоё гайхуулах зүйл мөн үү биш үү бодлого явагдаж байгааг ойлгож байгаа юм болов уу даа

Avatar

Зочин 2020-06-18 43.228.131.45

Арай л жижиг, ниймгэн юм шиг байх юм. Дээрх хар морины толгой бол яах аргагүй Монгол морь байна. Хөлсний үнэр, үүрсэх чимээ 2 нь л андашгүй байдаг юм даа?? Дэргэдээс эь хармаар л юм байна. Цаашид Монгол морьдыг гадагш гаргаж хэрхэвч болохгүй,, Сэтгэлийн дарамтанд орж нутагаа санасаар байгаад л үхчих байх…

Avatar

Зочин 2020-06-18 64.119.23.164

seree tamgatai mori bna.. ovormongoloos absan yum bolov uu daa..

Avatar

Zochin 2020-06-18 103.43.78.230

Harin ch shine zuunii Mongol morid bna.Hoer ulsiin hamtiin ajillagaand sain l z**l bolj baigaa baikh daa.

Avatar

зочин 2020-06-18 124.158.73.28

АНУ, Вьетнамын дайны үед Монголоос адуу өгсөний үлдэгдэл байх

Avatar

Зочин 2020-06-18 49.0.135.130

Вьетнамууд ийм том өндөр болчихсон юм уу эсвэл монгол хүн морь 2 жижгэрчихсэн юм уу?

Avatar

зочин 2020-06-18 66.181.179.176

Их дургуйг нь хүргээд байвал эх нутаг руугаа гүйгээд л ирнэ хэзээ нь вьетнамд морио өгсөн юм бол

Avatar

Зочин 2020-06-18 182.160.35.49

Цэвэр цусны Монгол морьд биш байна. Манай адуунаас давжаа ийм адуу өмнөд Азид зөндөө байдаг .тухайн орны адуу гэсэн үг . Ёовропоос том адуу аваачсанч хэдэн үеийн дараа давжаардаг .

Avatar

Зочин 2020-06-18 43.242.242.72

umudgui baij uvdug tsoorhoig shoolov gej

Avatar

Зочин 2020-06-18 66.181.170.73

МОНГОЛ МОРЬ ШИГ Л БАЙХ ЮМ МАНАЙХАА АВЧ ДЭЭ

Avatar

Зочин 2020-06-18 202.131.251.109

issh mongol mori min

Avatar

Ksa 2020-06-18 202.126.88.163

Төлгүүд өөрсдөө дааганд хөнгөн л дөө, хөөрхий.

Avatar

Эх Оронч 2020-06-18 202.9.46.161

Домогт морьд шүү. Дэлхийг талыг туурайгаараа эргүүлсэн морьд. Саяханы явдал болох дэлхийн 2-р дайнд ч мөн холбоотны талд тулалдсан морьд.

Avatar

Яа яа 2020-06-18 122.201.31.37

Вэтнамууд өөрсдөө тйим том бж чадах уу хавчгар намханшд

Avatar

Зочин 2020-06-18 66.181.161.1

Монгол морьд маш тэвчээртэй, ухаалаг, бяртай байдаг.

NewsMN Гар утасны хувилбар Татах
NEWS.mn

Мэдээллийн эх сурвалж