Бээжингийн коронавирусийн шинэ дэгдэлт Уханиас ч аюултай | News.MN

Бээжингийн коронавирусийн шинэ дэгдэлт Уханиас ч аюултай

COVID-19

Бээжингийн коронавирусийн шинэ дэгдэлт Уханиас ч аюултай

Бээжингийн коронавирусийн шинэ дэгдэлт Уханиас ч аюултай

Урд хөршийн нийслэлд коронавирусийн шинэ дэгдэлт бодсоноос ч аюултай бөгөөд халуун уур амьсгалд маш хурдацтай тархаж болзошгүй байгаа талаар эрдэмтэд анхааруулжээ. Гадны хэвлэлүүдэд бичиж буйгаар, хятадууд Бээжинд дэгдсэн коронавирусийг Европоос зориудаар “зөөвөрлөн” тараасан хэмээн хардаж байгаа аж.

ХЯТАДУУД КОРОНАВИРУСИЙН ШИНЭ ДЭГДЭЛТИЙН БУРУУТНЫГ НЭРЛЭВ

Бээжингийн “Шиньпади” хэмээх хүнсний томоохон захаас коронавирусийн шинэ халдварын тохиолдлууд бүртгэгдсэн. Хятад эрдэмтдийн үзэж буйгаар, энэхүү шинэ дэгдэлт нь Европоос ирсэн хүмүүс болон хүнсний бараа бүтээгдэхүүнээр дамжсан байж болзошгүй юм байна. Бээжингийн Өвчнөөс урьдчилан сэргийлэх, хянах төвийн судлаачид энэ удаагийн дэгдэлт Европоос гаралтай гэдэгт итгэлтэй байгаагаа илэрхийлжээ.

Хятадын эрдэмтэд энэ удаад вирус маш эрчимтэй тархаж буй талаар мэдэгдсэн байна. Ухань хотод вирус хүйтний улиралд тархалт өндөртэй байсан бол Бээжингийнх халууны улиралд хурдацтай тархаж байгаа аж. Гэвч мэргэжилтнүүд эртнээс дэгдэлтийг зогсоож, хяналтад авах бүрэн боломжтой гэж мэдэгджээ.

Хятадын Халдварт өвчнөөс урьдчилан сэргийлэх, хяналтын төвийн тархвар судлаач Ву Цуньи “Бээжин цаг тухайд нь яаралтай арга хэмжээ авсан. Халдвар авсан хүмүүст хоёр хоногийн дараа шинж тэмдгүүд илэрч болно. Хэрэв тохиолдлын тоо мэдэгдэхүйц нэмэгдэхгүй бол тахал тогтворжсон гэж үзэх боломжтой” гэж хэлсэн байна.

Дэлхийн эрүүл мэндийн байгууллага (ДЭМБ)-ын тэргүүн Тедрос Адханом Гебрейесус өнгөрсөн Даваа гариг  (2020.06.14)-т БНХАУ-д коронавирусийн халдварын шинэ тохиолдлууд бүртгэгдэж эхэлсэнд санаа зовниж байна гэж мэдэгдсэн билээ. Түүний мэдээлснээр, сүүлийн 50 гаруй хоногийн турш халдварын шинэ тохиолдол бүртгэгдээгүй Бээжинд халдвар голомтлон тархсан тухай мэдээлэл өнгөрсөн долоо хоногт ирсэн бөгөөд нийт 100 гаруй тохиолдол илэрчээ.

ДЭМБ-ын тэргүүн “Халдвар дахин тархаж болзошгүй тул улс орнууд сонор сэрэмжтэй байх ёстой. Халдварын тархалтыг хяналтад авсан орнууд ч ялгаагүй. Бээжинд халдвар хаанаас тархсан болон тархалтын хүрээг судалж байна” гэж мэдээлжээ.

ДЭМБ-ын Эрүүл мэндийн онцгой байдлын асуудал хариуцсан дарга, доктор Майк Райан “Халдварын шинэ голомт үүсэх, ялангуяа хаанаас тархсан нь тодорхойгүй байх нь санаа зовоосон асуудал байсаар ирсэн. БНХАУ дахь ДЭМБ-ын баг тус улсын мэргэжилтнүүдтэй хамтран ажиллаж байна” гэж мэдэгдсэн байна.

БНХАУ-д өнгөрсөн нэгдүгээр сарын эхээр бүртгэгдэж эхэлсэн Covid-19-ийн тохиолдлын тоо тавдугаар сарын эхээр дөрвөн саяд хүрсэн бөгөөд үүнээс хойш тавхан долоо хоногийн дотор хоёр дахин нэмэгджээ.

БНХАУ-ын төв нутгийн Хубэй мужийн Ухань хотод илэрсэн халдварын шинж тэмдэггүй сүүлийн гурван тохиолдлын нуклейн хүчлийн шинжилгээний хариу сөрөг гарч, өнгөрсөн Даваа гариг (2020.06.14)-т эмнэлгийн хяналтаас гарсан байна. Тус хотын Эрүүл мэндийн хорооноос “Уханьд Даваа гаригийн байдлаар халдварын шинж тэмдэггүй тохиолдлын тоо тэг болж, тэдэнтэй ойр байсан бүх хүн эмнэлгийн хяналтаас гарсан. Халдварын шинж тэмдэггүй сүүлийн тохиолдлуудад хийсэн нуклейн хүчлийн давтан шинжилгээний хариу сөрөг гарсан” гэж мэдээлжээ.

Уханийн оршин суугчдыг тавдугаар сарын 14-нөөс зургадугаар сарын 1-ний хооронд нуклейн хүчлийн шинжилгээнд хамруулахад халдварын шинж тэмдэггүй 300 тохиолдол илэрсэн бөгөөд тэдний ойрын хавьтал болох 1174 хүнийг тогтоож, тусгаарласан байна.

Дээрх 300 халдвар тээгчээс бусдад халдвар дамжсан тохиолдол бүртгэгдээгүй аж. Уханьд Даваа гаригийн байдлаар Covid-19-ийн батлагдсан, сэжигтэй нэг ч тохиолдол байхгүй гэж Хятадын хэвлэлүүд мэдээлжээ.

40 ШИНЭ ТОХИОЛДОЛ БҮРТГЭГДСЭНИЙ 32 НЬ ДОТРООСОО ХАЛДВАРЛАЖЭЭ

Эх газрын Хятадад Даваа гариг (2020.06.14)-т “COVID-19” халдварын 40 шинэ тохиолдол бүртгэгдсэний 32 нь дотоодоосоо халдварласан гэж тус улсын Үндэсний эрүүл мэндийн комисс мэдээлсэн байна.

Дотоодоосоо халдварласан шинэ тохиолдлын 27 нь Бээжин хотод, дөрөв нь Хэбэй мужид, нэг нь Сычуань мужид бүртгэгджээ. Тухайн өдөрт халдварын улмаас нас барсан тохиолдол бүртгэгдээгүй бөгөөд долоон хүн эдгэрч, эмнэлгээс гарчээ.

Хятадад энэ сарын 15-ны байдлаар халдварын 83221 тохиолдол бүртгэгдсэнээс 78377 хүн эдгэрч, 4634 хүн нас барсан бол 210 хүн эмчилгээ хийлгэж буй юм байна. Мөн тухайн өдрийн байдлаар эх газрын Хятадад халдварын 1845 тохиолдол зөөвөрлөгдөн ирснээс 1752 нь эмнэлгээс гарсан бол 93 хүн эмчлүүлж буй бөгөөд зөөвөрлөгдөн ирсэн тохиолдлуудаас нас барсан тохиолдол бүртгэгдээгүй аж.

Тус улсын Үндэсний эрүүл мэндийн комиссын мэдээлснээр, Даваа гаригийн байдлаар 4340 хүн эмнэлгийн хяналтад байсан бөгөөд тухайн өдөрт 225 хүн ажиглалтаас гарчээ. Мөн эх газрын Хятадад мөн өдөр халдварын шинж тэмдэггүй зургаан шинэ тохиолдол бүртгэгдсэн байна. Тухайн өдрийн байдлаар 110 ийм тохиолдлыг эмнэлгийн хяналтад оруулсан бөгөөд тэдгээрийн 63 нь зөөвөрлөгдөн иржээ.

Энэ сарын 15-ны байдлаар Хонконгод коронавирусийн халдварын 1112, Макаод 45, Тайваньд 445 тохиолдол тус тус бүртгэгдэж, Хонконгод дөрөв, Тайваньд долоон хүн нас барсан аж. Мөн Хонконгод 1067, Макаод 45, Тайваньд 443 хүн эдгэрсэн байна.

Хятадын Эрүүл мэндийн комиссын хэвлэлийн төлөөлөгч Гао Шяожунь "Даваа гаригийн өглөөний 6 цагийн байдлаар Бээжинд нуклейн хүчлийн шинжилгээ хийх 193 хэсэг байгуулсан. Бээжингийн Фэнтай дүүргийн “Шиньфади” жимс, хүнсний ногоо, махны бөөний захтай холбоотой 8950 хүнээс шинжилгээ авснаас 6075 сорьцыг шинжлэхэд бүгд сөрөг гарсан. Бээжинд бүртгэгдсэн шинэ тохиолдлуудын дийлэнх нь “Шиньфади” захтай холбоотой байсан” гэж хэлжээ.

Ням гаригийн 14:00 цагийн байдлаар “Шиньфади” захын ойр орчимд амьдардаг 47510 хүнээс сорьц цуглуулж, 6284-ийг нь шинжлэхэд бүгд сөрөг гарчээ. Мөн сүүлийн хоёр долоо хоногийн хугацаанд “Шиньфади” зах дээр очсон 29386 хүнээс сорьц цуглуулж, 12973-ыг нь шинжлэхэд халдвар илрээгүй байна.

Эх сурвалж: REUTERS, XINHUA 

Энэ мэдээнд өгөх таны сэтгэгдэл?
9
ХахаХаха
6
ГайхмаарГайхмаар
6
ХарамсалтайХарамсалтай
2
ТэнэглэлТэнэглэл
1
ЗөвЗөв
0
ХөөрхөнХөөрхөн
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

цахар 2020-06-17 103.99.103.99

Бээжинд шинэ дэгдэлт гарлаа, маш аюултай л гэх юм, зэрэгцээд л Хятадаас хүмүүсээ авчирна гээд л байх юм. Халдварыг дотооддоо алдаж л нэг санаа нь амрах шинжтэй дэг ээ

Avatar

Зочин 2020-06-17 185.220.101.146

= Халуун охид та нарыг хүлээж байна — https://is.gd/uB2aoF

Avatar

Иргэн 2020-06-17 66.181.161.28

Энэ ковид дэлхийн хүмүүсийг залхааж тайван биш амьдруулах зовоож бна.үхэл хагацал өвчлөл буурахгүй.дахихд гараад байх юм.манай улс дотоод халдвар таарахгүй тулд хэдэн эмч нар онцгой байдал мэргэжлийн хяналт сайн ажиллаж ард түмнээ арайл тайван сайхан байлгаж бна.эд нартаа баярлалаа гэж хэлэх ч багадана.цаашдаа амьдрал үргэлжлэнэ.халдвар л битгий тхрхаасай гэж л бодож бна.хажуугаар нь сонгууль гэж үнэн ядаргаатай уур уцаар мэдрэлийн ядаргаатай болгочих юм.

Avatar

Хотын уугуул иргэн 2020-06-17 103.229.120.225

Албан ёсны дүгнэлт, мэдээ энэ талаар гараагүй байхад news.mn -ын хэдэн "сурвалжлагчид" аль хэдийнээ эмч болчихсон сенсац дэгдээж хүмүүсийг айдас түгшүүрт автуулах зорилгоор өөрсдийн "мундаг" дүгнэлтээ гаргачихсан байгаа нь хачирхалтай…

Avatar

Зочин 2020-06-17 202.21.107.97

За энэ элдэв янзын вирусээс салахгүй юм байна даа энэ дэлхий. Вирусыг Унших сонсохоос ч дургүй хүрчихлээ.

Avatar

Zochin 2020-06-17 103.229.120.54

Hilee nee hul horiogo boli gd bhin iim bdaltai bhad yaj hiler neej amar taivan amidrah yum be sonin yum yridaga bolimr yum humuus

Avatar

Зочин 2020-06-17 202.179.27.133

Хятдад ахин дэгдэлт үүсч байгаад манайх болгоомжлох хэрэгтэй. Хөрш 2орон голомт болоод байгаа учраас хилийн шалгалт маш сайн байх ёстой

Avatar

Зочин 2020-06-17 202.131.240.170

HYATADUUD EHLUULSEN GAI, TEDNII EDIIN ZASGIIG 100 JIL SEHEHGUI BOLTOL NI NIRGEH HEREGTEI. TED DELHIIN BUH ULS ORNUUDAD TULJ BARASHGUI URTEI BOLSON. SANHUUGIIN AVLAGUUDIIG NI BUHELD NI HUCHINGUI BOLGOH YOSTOI!!!
BUSAD ULS ORNUUDAAS TUREMGIILJ BULAASAN BUS NUTGUUDIIG HURAAJ AVCH EZDED NI BUTSAAJ UGUH HEREGTEI!!!

Avatar

Тайлбар 2020-06-17 202.9.40.32

Тэнэгхэн минь, Хятад байхгүй болбол Монгол ч үгүй болно. Бидний нийт зардаг бүтээгдэхүүн, экспортын 95%-ийг Хятадууд худалдаж авдаг, хэрэв тэд авахаа больчихвол Монгол мөнгөгүй болно. ОХУ-аас жилдээ 1 тэрбум ам.доллараар авдаг бензинээ авч чадахгүй. Бензингүй бол цэвэр усны худгийн насос хүртэл ажиллаж чадахгүй, Цахилгаан станцууд руу нүүрс зөөдөг төмөр зам ажиллахгүй… Усгүй, цахилгаангүй Улаанбаатар 5 хоног ч тэсэхгүй. Хятадууд орж ирэхгүй болохоор Дарханы зам хүртэл баригдахгүй, зогсож байна

Avatar

Зочин 2020-06-17 66.181.161.26

Экспортын бүтээгдэхүүнээр дамжин орж ирсэн байх магадлалтай гэжээ. Манайд ч бас ийм эрсдэл байгаа юм байна шүү. ДЭМБ-ын тэргүүний хамгийн янаг амраг нь хятад бололтой. Хятад гэхээр хөлөө хугалчих шахах юм.

Avatar

Зочин 2020-06-17 59.153.115.67

Хартай авгай шиг юу бичээд ч бгаан

NewsMN Гар утасны хувилбар Татах
NEWS.mn

Мэдээллийн эх сурвалж