ОХУ-ын Хар тэнгисийн эргийн харуулын П-834 хөлөг онгоц эмэгтэй экипажтай боллоо. Батлан хамгаалах яамны мэдээлснээр энэ нь туршилтын анхны экипаж юм.

Эмэгтэй экипажийнхан Санкт-Петербургийн Тэнгисийн цэргийн сургалтын төвд гурван сар бэлтгэл хийжээ. Байгаль цаг уурын янз бүрийн нөхцөлд хөлгийг усанд гаргах, аюулгүй залуурдах, хөлөгт гал гарах, усанд живэх зэрэг учирч болох гэнэтийн тохиолдолд хэрхэн ажиллах зэрэг сургалт явуулсан байна.

Одоо эмэгтэй экипаж Хар тэнгисийн цэргийн флотын бүрэлдэхүүнд багтан онол, дадлага хосолсон хичээл хийж байна.