"Зэрэглээ" наадмыг цахимаар зохион байгуулна

Хуучирсан мэдээ: 2020.06.16-нд нийтлэгдсэн

"Зэрэглээ" наадмыг цахимаар зохион байгуулна

"Зэрэглээ" наадмыг цахимаар зохион байгуулна

Covid-19 цар тахал нь нийгмийн амьдралын тогтсон хэв маягийг өөрчилж байгаа нь соёл урлагийн салбарт ч мөн ялгаагүй хувьсан өөрчлөгдөх, цахим хэлбэрт үйл ажиллагаагаа хөрвүүлэх хэрэгцээ шаардлагыг бий болгож буй. Энэ үзэгдэл нь соёл урлагийн арга хэмжээг олон нийтэд өргөнөөр хүргэх, үзэгчдийн цар хүрээг тэлэх боломжийг мөн олгож байна.

Үүний жишгээр тав дахь удаагаа зохион байгуулагдах “Улаанбаатар” олон улсын медиа урлагийн наадам мөн цахим хэлбэрт шилжжээ. Техник, технологийн дэвшилд тулгуурласан дэлхийн шилдэг бүтээлийг Монголын үзэгчдэд хүргэх, олон улсын хамтын ажиллагааг нэмэгдүүлэх зорилготой "Зэрэглээ" наадам нь зургадугаар сарын 18-наас долдугаар сарын 8-ний хооронд зохион байгуулагдах болжээ. Энэ үеэр “Зэрэглээ” Монгол-Герман уран бүтээлчдийн хамтарсан Монгол дахь анхны 360 ͦ уран бүтээл, “Эрчим” Голланд-Монгол уран бүтээлчдийн хамтарсан видео, медиа инстоляцийг цахим хэлбэрээр олон нийтэд хүргэх юм.

Мөн наадмын хүрээнд МУЗ-ийн “Урлагтай Яриа” цувралыг зохион байгуулах ба “Цахим контентын эерэг ба сөрөг талууд” сэдвээр хэлэлцүүлэг өрнүүлнэ.

Тус наадмын хамтран зохион байгуулагчаар Монгол дахь Гёте институт, Нидерландын ТodaysArt наадам, дэмжигчээр White Rock Center тус тус ажиллаж, Монголын болон дэлхийн медиа урлагийн бүтээлийг Монголын үзэгчдэд хүргэх гэж байна.

Л.ОЮУ

 

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!
NewsMN Гар утасны хувилбар Татах
NEWS.mn

Мэдээллийн эх сурвалж