Адууны ясны кальцийн бэлдмэл эзнээ 100 саяын эзэн болгов | News.MN - Мэдээллийн эх сурвалж

Адууны ясны кальцийн бэлдмэл эзнээ 100 саяын эзэн болгов

Хуучирсан мэдээ: 2015.12.28-нд нийтлэгдсэн

Адууны ясны кальцийн бэлдмэл эзнээ 100 саяын эзэн болгов

Химийн ухааны доктор, профессор Д.Дэмбэрэлнямбын “Адууны яснаас гаргаж авсан кальцийн бэлдмэл” бүтээлд Шинжлэх ухааны салбарын 2015 оны “Технологийн дэвшлийн шагнал”-ыг олгохоор шийдвэрлэж, шагналын 100 сая төгрөгийг Шинжлэх ухаан, технологийн сангаас гаргахыг Боловсрол, соёл, шинжлэх ухааны сайд Л.Гантөмөрт зөвшөөрлөө.

Химийн ухааны доктор, профессор Д.Дэмбэрэлнямба нь олон жилийн судалгааны ажлын үр дүнд орчин үеийн биотехнологи, биохимийн аргыг ашиглан монгол адууны ясны биологийн үнэт чанарыг хэвээр хадгалсан “Адууны яснаас гаргаж авсан кальцийн бэлдмэл”-ийг гарган авчээ. Уг бүтээл нь хоёрдогч түүхий эд болох монгол адууны яс ашигласан экологийн цэвэр, импортыг орлох, экспортод чиглэсэн, анагаах чадвар сайтай, манай орны брэнд бүтээгдэхүүн болсон юм. Бусад кальцийн бэлдмэлүүдээс биологийн идэвхийн хувьд 3 дахин өндөр, ясны сийрэгжилтээс сэргийлэх болон нөхөн төлжүүлэх үйлчилгээтэй бөгөөд хүний биед зайлшгүй шаардлагатай олон төрлийн микроэлемент, эрдэс бодисоор давхар баяжуулсан зохистой найрлагатай болох нь лабораторийн судалгаагаар нотлогдсон байна. Шагнал гардуулах мөчид Ерөнхий сайд Ч.Сайханбилэг хэлэхдээ:

-Засгийн газраас өндөр үр ашиг, ач холбогдол бүхий шинэ технологи, бүтээгдэхүүн зохион бүтээж, үйлдвэрлэл үйлчилгээнд нэвтрүүлсэн иргэн байгуулагад хоёр жил тутамд нэг удаа олгодог шагнал юм. Энэ жилийн Технологийн дэвшлийн шагналыг Химийн ухааны доктор, профессор Д.Дэмбэрэлнямбын адууны яснаас гаргаж авсан, яс бэхжүүлэх кальцийн бэлдмэлд олгохоор шийдвэрлэлээ. Адууны яснаас гарган авсан яс бэхжүүлэх кальцийн бэлдмэлийг олон жилийн судалгааны ажлын үр дүнд, орчин үеийн био технологи, био химийн судалгааны аргаар гарган авсан байна. Эх орны нөхөн сэргээгдэх, хоёр дахь түүхий эд болох адууны ясны биологийн үнэт чанарыг хэвээр хадгалан зохион бүтээсэн байна. Уг экологийн цэвэр бүтээгэдхүүн нь мэдлэг шингэсэн, анагаах ухааны чадвар сайтай импортын орлох шинэ брэнд олж чаджээ гэсэн юм.

Химийн ухааны доктор, профессор Д.Дэмбэрэлнямба:

-Энэхүү хүндэт шагналыг авсанд баяртай байна. Миний цаашид хийж бүтээх урам зориг улам сэргэж байна. Би энэ шагналын 100 сая төгрөгийг цаашид үе мөчний өвчнийг анагаах, зүрх судасны өвчнийг эмчлэхэд зориулсан байгалийн гаралтай эм бэлдмэл бүтээхэд зориулах болно. Аливаа улсын хөгжлийн гол түлхүүр нь шинжлэх ухаан байдаг. Энэ жишээг олон орон харуулсан. Тиймээс цаашид олон эрдэмтэн төрөн гарч, улс орноо хөгжүүлнэ гэдэгт итгэл төгч байна. Нийт ард түмэндээ шинэ оны мэнд хүргэе гэлээ.

Т.ДАВААНЯМ
 

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

зочин 2015-12-28 203.169.50.47

Одоо бэлдмэлийн үнэ буулгавал буян болно

Зочин 2015-12-28 124.158.77.5

Aduuniihaa yasiig butsalgaad uuchachee.

Зочин 2015-12-28 124.158.77.5

Aduuniihaa yasiig butsalgaad uuchachee.

Зочин 2015-12-28 122.201.22.76

rrrr(202.21.116.*) Биохими мэддэггүй бөө байна

зочин 2015-12-28 43.242.243.62

Карбонат кальц бол ходоодоор хамгийн муу шингэдэг кальц шүү. Лактат, фосфат, цитрат кальц бол шингэц нь дээр шүү, тэхээр энэ чинь карбонат кальц шүүдээ.

Зочин 2015-12-28 202.70.37.222

Ах дүүсээрээ хэрэглэдэг сайн бүтээгдэхүүн. Үр дүнгээ хурдан өгдөг. Ийм бүтээл шагнал авалгүй яах вэ. Хэрэглэгчийн хувьд баяртай байна. Шагналынхаа мөнгөөр өөр бүтээгдэхүүн гаргахыг тэсэн ядан хүлээе. Бас л хэрэгтэй бүтээгдэхүүн байна.

zochin 2015-12-28 202.21.111.98

Bayar hurgye.amjilt husye

Зочин 2015-12-28 202.126.91.95

100 саяын шагнал авчихаад Эрээнд 10 юаниар зардаг кальцийг 50000 төгрөгөөр зараад байвал монгол хүндээ хайртай биш харин монголчуудаа шулан мөлжигч болох нь дээ.

Зочин 2015-12-28 202.179.25.130

баяр хүргэе

Зочин 2015-12-28 103.57.94.107

ЗӨВ ШҮҮ

Зочин 2015-12-28 202.21.117.54

Адууны яснаас гаргаж авсан кальцийн бэлдмэлийн эзэн 100 саяар шагнуулла гээч малаа

Сайн 2015-12-28 27.123.214.93

Манай шуа гэж явцгүй газар байх юм тараагаад юм хийдэг залуусыг тавимаар юм

damiran 2015-12-28 103.229.121.67

sayakhan solongosyn hurngu oruulalttai kompani iim beldmel hiigeed hudaldaand gargaad l reklamdaad l baisan getel odoo bas yun 100 sayan shagnal ve?ichmeer yum...

Зочин 2015-12-28 103.26.193.88

Баяр хүргэе? Танайх гэр бүлээрээ зүтгэж их зүйлийг бүтээж байгаа бахархалтай хүмүүс шүү? Ариунаад бас баяр хүргэе, улам ихийг бүтээж улс орноо хөгжүүлээрэй? С.......

rrrr 2015-12-28 202.21.116.66

Манай шинжлэх ухааны ойлгож чадах хэмжээ нь энэ дээ. Адууны яс машиндаж нунтаглаад савлачихаар л кальци нөхдөг болчихдог гэнэ дээ. Гэхдээ яахав цаг хугацаа харуулах байх оо. Гантөмөр сайд гуай өмнө нь эдний компаний гар ариутгах спирт, глицериний холимог уусмалыг оны шилдэг бүтээл болгож л байсан. Ийм үнэлгээ цаашид яваад байвал хэцүү л юм даа.

Зочин 2015-12-28 202.70.37.222

хэрэглэж үзсэн үү. Би бол хэрэглэдэг. Үр дүнг нь мэднэ.

Зочин 2015-12-28 202.179.28.70

Энэ дэмбэрэлнямба гэдэг чинь өөрөө тэр ерөнхий сайдын дэргэдэх ШУ-ны зөвлөлийн гишүүн гэсэн. Тэгээд л тэр зөвлөлийнхэн энэ кальцийг нь баахан сертификатаар шагнасан гээд л рекламддаг ш дээ. Одоо бүр өөрсдийнхээ тэр гишүүнийг төрийн асар их мөнгөөр шагнаж дээ. Гэтэл 100 саяын шагнал зарласан гэдэгийг бусад эм үйлдвэрлэгч нар мэдээгүй л дээ. Энэ кальц бол эм биш, зүгээр л хүнсний нэг нэмэлт тэжээл буюу сүлжээний бүтээгдэхүүн байхгүй юу даа. Юун сүр бадруулах мантай. Зөвхөн сүүн бүтээгдэхүүний кальц л хүний биед заяагдсан зохицолтой гэж Дэлхий эрүүл мэндийн байгууллага зөвөлдөг юм даа.

Зочин 2015-12-28 150.129.143.112

манайд ШУ хямдхан үнэлгээтэй юм. 2хан өдөр зарцуулдаг наадмын түрүү бөхийн байнд ч хүрэхгүй.

Зочин 2015-12-28 202.9.41.26

za shagnaj baigaa n ih ym. neg ym shuumjlehgui ungruuj uzuuch huuhee

Зочин 2015-12-28 202.179.28.70

Энэ дэмбэрэлнямба гэдэг чинь өөрөө тэр ерөнхий сайдын дэргэдэх ШУ-ны зөвлөлийн гишүүн гэсэн. Тэгээд л тэр зөвлөлийнхэн энэ кальцийг нь баахан сертификатаар шагнасан гээд л рекламддаг ш дээ. Одоо бүр өөрсдийнхээ тэр гишүүнийг төрийн асар их мөнгөөр шагнаж дээ. Гэтэл 100 саяын шагнал зарласан гэдэгийг бусад эм үйлдвэрлэгч нар мэдээгүй л дээ. Энэ кальц бол эм биш, зүгээр л хүнсний нэг нэмэлт тэжээл буюу сүлжээний бүтээгдэхүүн байхгүй юу даа. Юун сүр бадруулах мантай. Зөвхөн сүүн бүтээгдэхүүний кальц л хүний биед заяагдсан зохицолтой гэж Дэлхий эрүүл мэндийн байгууллага зөвөлдөг юм даа.