“Туул гол дагуу хоггүй, цэвэрхэн газар алга” | News.MN

“Туул гол дагуу хоггүй, цэвэрхэн газар алга”

“Туул гол дагуу хоггүй, цэвэрхэн газар алга”

“Туул гол дагуу хоггүй, цэвэрхэн газар алга”

Урин дулааны улиралд нийслэлчүүд Туул голын эрэг орчимд амарч зугаалдаг. Гэвч, голын эрэг орчимд хог хаягдал ихтэй, зориулалтын хогийн цэг, нийтийн бие засах газар байхгүйгээс хогийн цэг болж хувираад байна. Тиймээс энэ асуудлыг хөндөн энэ удаагийн сурвалжилгаа бэлтгэлээ.


Баянзүрхийн товчоо өнгөрч, Туул гол дагуу машинтай иргэд тоос татуулан цуварна. Майхантай, машинтай иргэд голын эрэг дагуу тухалж харагдана. Зарим иргэд амрах тухтай газраа хайж, модон дундуур сүлжилдэх аж.

Голын урсгал, моддын сэрчигнээн, ногоон зүлэг гэхээс илүүтэй тэнд архины шил, пивоны лааз, нойлын цаас, хүүхдийн живх зэрэг хог хаягдал нүднээ тусч, сэтгэл эмзэглүүлнэ. Амарч зугаалж яваа иргэдээс тавхан алхамын зайд хогийн цэг үүсч, ялаа батган шавсан харагдана.

"НИЙТИЙН БИЕ ЗАСАХ ГАЗАР, ХОГИЙН ЦЭГ БАЙХ ШААРДЛАГАТАЙ"

“Бид өнгөрөгч амралтын хоёр өдөр энэ газар гэр бүлээрээ амарч байна. Бид дор бүрнээ хогоо цэвэрлээд явж байгаа болохоор ойр хавь хоггүй байгаа. Цаашаа мод руугаа орвол битүү баас, шээс үнэртэнэ. Бид амрах газар хайж, энэ хавиар бүтэн тойрч явлаа. Хог хаягдал их байна. Уг нь нэг үеэ бодвол иргэдийн ухамсар дээшилсэн шүү дээ. Бүгд л хогоо хогийн уутанд хийж харагдах юм. Амралт зугаалгын бүсэд нийтийн бие засах газар, хогийн сав заавал байх хэрэгтэй байна. Бид хоосон хайрцагтай ирээд дүүрэн хогтой буцдаг. Гол дагуу архи, пивоны лааз, нойлын цаас, гялгар уут, ариун цэврийн хэрэглэл хүртэл ил задгай хаясан нь сэтгэл эмзэглүүлэх юм” хэмээн гэр бүлээрээ амарч явсан А.Тэгшжаргал учирлаж байв.

Зарим иргэд голын эрэг дээр архи, пивоны лааз, бэлэн гоймонгийн саваа тэр чигээр нь үлдээгээд явж байхдаа тааралдав. Шаардлага тавихад хүлээж авахгүй, дургүйцэх хандлага гаргаж байлаа. Бид Баянзүрхийн товчооны гүүр дагуу амарч, зугаалж буй иргэдийг зорин очлоо. Голын эрэг дагуу машинтай иргэд олон байв.

Майхангаа хурааж, хог хаягдлаа түүж байсан Н.Алтантуяа гэх эмэгтэй “Хүмүүс хөл хориотой байгаа үед гэр бүлээрээ салхинд гарч, амрахыг боддог болсон байна. Ажиглаад байхад хүмүүс дор дорноо хогоо цэвэрлээд явж харагдах юм. Бид ч гэсэн ийм жишгээр л салхинд гараад явж байна. Өнөө өглөө голын эрэг дагуу ирэхэд хог хаягдал ихтэй байсан. Зарим иргэдэд шаардлага тавихаар огт хүлээж авдаггүй. Голын эргээс жаахан холдоод л тортой хогоо ил задгай хаячихдаг. Тухайн хүний ухамсрын л асуудал. Өмнө энэ орчимд хогийн цэг байгуулсан байсан чинь одоо байхгүй болсон байна. Цаашдаа байнгын хогийн цэгтэй болчихвол хог хаягдал багасахад багахан ч гэсэн нөлөөлөх болов уу” гэдгийг хэлж байв.

"ХОГГҮЙ, ЦЭВЭРХЭН ГАЗАР ХАЙГААД ОЛСОНГҮЙ"

Ойр орчимд хогийн цэг хайж, хэсэг явсны эцэст хоёр цэгтэй тааралдав. Гурав, дөрвөн төмөр пошик нүхэлж, будгаар хогийн сав гэж бичжээ. Хуванцар сав, цаасан хог хаягдал гэж бичсэн боловч саванд багтахааргүй хог үүсч, гадна талд нь бөөгнөрсөн байлаа. Харин ил задгай хог хаяж буй иргэдтэй таарсангүй.

“Найзуудаараа голын эрэг дээр амарч, зугаалж байна. Бид хоггүй, цэвэрхэн газар хайгаад олсонгүй” хэмээн Б.Батчимэг гэх бүсгүй учирлаж байв. Модны сүүдэрт гэр бүлээрээ тухлан суух Б.Эрдэнэбатынх амралтаараа хүүхдүүдээ салхилуулж яваа гэдгээ хэлж байлаа.

Тэрбээр “Гэр бүлээрээ амраад явж байна. Хөл хорионы үеэр хүүхдүүдээ хэсэгхэн ч гэсэн салхинд гаргаж, гол ус үзүүлэх санаатай. Гэвч, энд тэндгүй машин холхилдож, давхилдаад тухгүй юм. Дээрээс нь хоггүй цэвэрхэн газар хайгаад олдохгүй болжээ. Бид жижиг уутандаа хогоо хийгээд л сууж байна. Хүн бүр л дороо хог хаяхгүй болчихвол эрүүл аюулгүй орчинд иргэд амрах бүрэн боломж байна” гэдгийг хэлж байв.

"ХҮҮХДИЙН ЖИВХ АРИУН ЗҮЙЛ ГЭЖ МУХАР СҮСГЭЭР ХАНДАХ НЬ БУРУУ"

Өнгөрөгч амралтын өдрүүдэд Туул голын доод хэсэгт цугларсан хүүхдийн живхийг хүмүүс цэвэрлэж буй зураг олон нийтийн сүлжээгээр цацагдсан. Энэ зургийн хувьд одоогоос гурав, дөрвөн жилийн өмнө авсан бодит зураг ажээ. Туул голын сав орчим иргэд хүүхдийн шингэнтэй живхийг олноор хаясан байсныг мэргэжлийн байгууллагынхан цэвэрлэсэн гэдгийг Экологийн цагдаагийн албаныхан хэлж байв.

“Иргэдийн зүгээс хүүхдийн зүйл ариун учраас өөр бусад хогтой нийлүүлж хаяж болохгүй, байгальд ил байх ёстой гэж мухар сүсгээр ханддаг. Энэ бол маш буруу ойлголт. ДЭМБ-аас хүүхдийн живхийг хэрэглэхгүй байхыг уриалж, дахин хэрэглэх даавуун живхийг хэрэглэхийг уриалж байгаа. Үүнээс гадна иргэд амралт зугаалгын бүсэд согтууруулах ундааны сав, шил, гялгар уут, цаасны хог хаягдлаа ил задгай хаячихдаг. Тиймээс “Хогоор бүү хорло” аяны хүрээнд сошиалд олон дагагчтай хэд хэдэн групптай Экологийн цагдаагийн албанаас хамтран ажиллаж байгаа. Эдгээр группээр дамжуулан хог хаягдал ихээр хаясан зөрчлийн талаарх зургийг постлуулж, иргэдэд нөлөөлөх ажлыг зохион байгуулж байгаа” талаар ЦЕГ-ын Экологийн цагдаагийн албаны ахлах мэргэжилтэн Б.Анура яриандаа дурдаж байлаа.

Хүүхдийн живх хөрсөнд шингэх хугацаа ойролцоогоор 100 жилээр хэмжигддэг аж. Нэг хүүхэд хоёр нас хүртлээ ойролцоогоор 2000-8000 живх хэрэглэдэг гэх судалгаа бий. Үндэсний статистикийн газрын мэдээлснээр жилд дунджаар 52 мянган хүүхэд шинээр төрсөн гэвэл жилд ойролцоогоор 200-400 сая живх хог хаягдал болж гарч байна гэсэн үг.

"МОНГОЛ УЛСЫН ХОГ ХАЯГДЛЫН ХЭМЖЭЭ ДӨРӨВ ДАХИН НЭМЭГДСЭН"

Тэрбээр “Хог хаягдлын асуудал байнга яригддаг сэдвийн нэг. Сүүлийн таван жилийн хугацаанд Монгол Улсын хог хаягдлын хэмжээ дөрөв дахин нэмэгдсэн. Учир нь бидний өдөр тутмын хэрэглээ ихэсч, ахуйн хог хаягдлууд нэмэгдэх болсонтой холбоотой юм. Тиймээс өрх, байгууллагын хүрээнд хог хаягдлын менежментийг зайлшгүй хэрэгжүүлж, хог хаягдал бага гаргах нь чухал. Жишээлбэл, Экологийн цагдаагийн албанаас хэрэгжүүлж буй “Хогоор бүү хорло”  хэсэгчилсэн арга хэмжээг хэрэгжүүлж, ажиллаж байна. Иргэдийн нүдэнд хог хаягдал хэдийнэ дасал болжээ. Иргэд цар тахлын улмаас гадаадад аялж зугаалж чадахгүй байгаа учраас Монгол орондоо аялж байна. Урин дулааны улиралд гэр бүлээрээ аялж, хоол хүнсний зүйлсээ голын эрэг дагуу хаяж байна. Экологийн цагдаагийн албанаас өнгөрөгч долоо хоногт нийслэлийн нутаг дэвсгэр дэх Туул, Улиастай, Сэлбэ гол орчимд гэмт хэргээс урьдчилан сэргийлэх зорилгоор тодорхой шалгалтуудыг хийсэн. Уг шалгалтаар голын эрэг дагуу ил задгай машин угаах, усны нөөцийг бохирдуулсан, хог хаях зөрчлүүд зэрэг тав, зургаан зөрчил илэрснийг баримтжуулж, Зөрчлийн хэрэг бүртгэлийн ажлыг явуулсан.

Хэрвээ усны сан бүхий газрыг бохирдуулж, машин техник угаасан, бохирдохоос хамгаалах үүргээ биелүүлээгүй бол учруулсан хохирол, нөхөн төлбөрийг гаргуулна. Ингэхдээ хувь хүнийг 100 нэгжтэй тэнцэх, хуулийн этгээдийг 1000 нэгжтэй тэнцэх хэмжээний мөнгөөр торгоно гэж хуульд заасан байдаг. Алба хаагчдын зүгээс хүрээлэн буй орчиндоо ээлтэй, хог хаягдлаа зориулалтын газар хаяхыг уриалж байгаа. Насанд хүрсэн иргэдийн ухамсар, үйлдэл, дадал зуршлыг өөрчлөхөд хэцүү. Өнөөдөр зарим иргэд “Нэгэнт хүн хог хаягдлаа ил задгай хаясан байгаа газарт би хог хаячихъя” гэдэг сэтгэлгээгээ больчих хэрэгтэй. “Хогоор бүү хорло” аяны хүрээнд аяллын хогийн уутыг автомашин хэрэглэгчдийн группуудтай хамтран зайлшгүй уут авч явахыг уриалж байгаа юм” гэв.

Гэрэл зургийг Л.ЭНХ-ОРГИЛ

Энэ мэдээнд өгөх таны сэтгэгдэл?
16
ХарамсалтайХарамсалтай
4
ТэнэглэлТэнэглэл
2
БурууБуруу
1
ХахаХаха
0
ЗөвЗөв
0
ХөөрхөнХөөрхөн
0
ГайхмаарГайхмаар
Баярлалаа!

Холбоотой мэдээ

42 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Анти Мүүние 2020-06-16 180.149.80.74

муулаад байдаг Мүүний шашны хэсэг ТББ-ууд Туул голоо хайрлая хөдөлгөөн өрнүүлж жил бүр хогийг цэвэрлэгээ хийж ачдаг байсан санагдах юм. Тэд үйлдлээс нь харахад муу хүмүүс биш байсан шүү
Халтмаагийн Баттулга ерөнхийлөгч болохдоо ПИАРаа хийгээд тэднийг байхгүй болгочихлоо доо

Avatar

Зочин 2020-06-16 103.9.90.100

гол руу ордог орц гарцыг хаагаад нэг замаар явдаг болгох хэрэгтэй, замын пост ажиллуулах хэрэгтэй

Avatar

Зочин 2020-06-16 202.131.245.162

Энэ хэсгийг хаагаад нэвтрэх хүмүүс нь мөнгө төлж орж болдоггүй юмуу. Гадаадад ч алдартай амралт наран шарлагын бүс нь төлбөртэй дотогш ордогшдээ.Тэндээсээ цэвэрлэх хамгаалах хүмүүс нь цалинжаад явдаг. Манайх тий л болмоор бна.

Avatar

Зочин 2020-06-16 99.229.251.229

За нэг иймэрхүү ухамсартай зугаалж, хаа сайгүй бие засдаг монголчуудаас байгаль дэлхий, уул ус хариугаа авна даа,,, тун удахгүй!!!!

Avatar

Irgen 2020-06-16 192.241.186.87

Uhsariin gun dorootol odoo ulsaas neg sad tseverleed dahin hog hayahgui baihtau holbootou ayan urnuulj hog hayasan humuust hatuu undur torguuli togtoomoor bn mun baga surguulid. Huuhduuded ene talaar sain zaamaar bn bur

Avatar

иргэн 2020-06-16 202.131.227.82

ухамсар ямар байгаа нь харагдаж байна,

Avatar

Зочин 2020-06-16 103.229.123.82

монголжсон урд зүгийн нөхдүүд бас цус нь ойртсон эргүү хүнэнцэрүүдийн ажил бас хорлох санаа ч агуулж байхыг үгүйсгэж болохгүй монгол хүн уг нь байгалаа газар шороо уул усаа шүтэж дээдэлж айж эмээж цээрлэж сэжиглэж амьдардаг юмсан

Avatar

Cамараа 2020-06-16 202.179.25.190

самараа С.Амарсайханы хийх ёстой ажил

Avatar

Зочин 2020-06-16 202.131.227.82

ҮХЭР МОНГОЛЧУУД БОЛОВСРОЛТОЙ БОЛВОЛ ЗААВАЛ АМАРСАЙХАН ХИЙХ АЛБАГҮЙ ЭЭ.

Avatar

зочин 2020-06-16 103.229.123.82

би л болж байвал бусад нь падгүй гэдэг бодол хүн болгонд байдаг хамгийн эмгэнэлтэй нь тэр бодол нь эргээд өөрт нь гай аюул хор өвчин болж ирдэггийг ухамсарлаж бодохгүй юм үүнд зөвхөн хувь хүний соёл ухамсар сэтгэл л хамааралтай

Avatar

Зочин 2020-06-16 202.126.89.40

иргэн дүүргийн засаг захиргаа гэж байдаг биздээ худлаа яриад сонгуульд өрсөлдөөд байхын оронд хариуцсан нутаг орноо хамгаалж баймаар арайч чдээ

Avatar

Зочин 2020-06-16 103.229.178.26

туул голын эрэг дагуу гахай , нохой амьдардаг байсан бол ингэж хог тарихгүй дээ , машин унасан … юунууд гэж хэлмээр ч юмб дэ, хэлэх үг ч олдохгүй юм :((

Avatar

zochin 2020-06-16 202.179.26.5

Яанаа арай ч дээ юун эх орон худалч итгэмээргүй юм бэ? яаж ингэж чадаж байна аа. Одоо хурдан эргүүл гаргаад торгох хэрэгтэй хотынхон юм уу? хөдөөнийхөн хотод ирчихээд ийм юм хийж байна уу? ямар сонин юм бэ? гайхаж байна.

Avatar

Zochin 2020-06-16 202.179.26.5

ЭХ ОРОН ГЭЖ ХУДЛАА ЯРЬДАГ ЮМ БАЙНА ИНГЭЖ БАЙГАЛ ДЭЛХИЙГЭЭ БОХИРДУУЛАХАА БОЛИОЧЭЭ АРАЙ Л БҮДҮҮЛЭГ БАЙНА.

Avatar

Зочин 2020-06-16 103.229.123.82

Ухамсар гэж зүйл тархи толгой д нь суугаагүй байхгүй цагт хүмүүс заваан бохир хог новшин дундаа амьдарсаар л байна ууттай юмс авч ирчихээд хогоо буцаагаад уутанд нь хийгээд авч яваад хогийн цэгт нь хаяж болно доо хогийн цэг байгуулсан байдал нь ч бас асуудалтай түргэн шуурхай цаг цагт нь ачиж цэвэрлэх устгах ажил бас асуудалтай ОО-н цаасанд бас өөрчлөлт хийж маш хямд хийх хотоос гараад л бөөн ОО-н цаас гялгар уутнаас дутхааргүй

Avatar

зочин 2020-06-16 66.181.161.123

Угаасаа ч нүүдэлчин ахуйгаас хог гардаггүй л дээ ..Тийм болхоор хогоо цэвэрлэх гэдэг ойлголт манай дөхөөнийхөнд байхгүй … тэдний буруу ч юу байхав . …ахуй нь тийм юм аа …

Avatar

Зочин 2020-06-16 202.179.27.206

Гэрээ тойрч баадаг хөдөөний голдуу хүмүүс нус цэр хог ялгадсаа харамгүй хайрлаж байгаа.Дээр нь хотын хэдэн цөөврүүд нэмэгдэнэ.Хот дундууд урсах Туулын хөвөөгөөр тэнэж доншуучлахыг нь хорих хэрэгтэй.

Avatar

Zochin 2020-06-16 103.57.94.106

Ekologiin erguuliin tsagdaa bailgaad torgood arga hemjee avaad bai. Tegd ene asuudal shiidegdene

Avatar

Зочин 2020-06-16 202.9.40.81

ОРКУУД !

Avatar

Зочин 2020-06-16 49.0.218.234

Наад хог хаяаад байгаа хөдөөний малуудаа сайн торгоод хөдөө рүү нь өшиглөөд явуулаачээ. Цагдаа нарын орон тоог нэмээд наад хог хаядаг малуудаа туул голын эргээр битгий оруулаачээ!!!!

Avatar

mgl 2020-06-16 103.9.90.130

бид ч малнаасаал доор бндаа ийм улс яаж хөгжихөвдээ. Ийм байхад луйварчид толгой дээр нь сандайлчаад доромжилж тохуурхаал байж байхаас өөр яахав кк

Avatar

ЗОЧИН 2020-06-16 203.91.119.42

СЭТГҮҮЛЧ ЗӨВ АСУУДЛЫГ ХӨНДӨЖ ТАВЬСАН БАЙНА. БАЙГАЛЬ ҮНЭХЭЭР БОХИРДОЛ ИХТЭЙ БАЙНА.

Avatar

Иргэн 2020-06-16 66.181.186.103

Хөдөөгөө санасан хөдөөнийхөн ихэнх нь…гарсан хогоо авч явдаг хотын хүний зуршил суугаагүй…

Avatar

зочин 2020-06-16 66.181.166.70

Байгалаа бузарладаг ийм ухамсаргүй тархи нь хатингаршсан хүмүүстэй яаж харьцаж ойлгуулмаар юм бэ дээ. эцсийн эцэст аялж зугаалж явахад ямар нэг эмэгтэй хүмүүс заавал явж байгаа.ЭМЭГТЭЙЧҮҮД минь бид л өөрсдийнхөө аялж яваа багаа удирдаж хэнэггүйхэн эрчүүдээ хүүхдүүдээ хогоо үлдээхгүй аваад явдаг болгож сургаж заншуулмаар байна.

Avatar

Зочин 2020-06-16 66.181.176.86

nikiton chinba zhialy aluulna shuu. hudlaa dabraad businssd haldad reket uusged baigarai. chinbaa chm shig nilzarai ingey tomrood demii

Avatar

Зочин 2020-06-16 66.181.176.86

achit ih compani zahirald reket sonom badra, suhen deeremdeh gey ochod zodoon bolood. achit ih mash hund sharhdsan shde.
badra, reket nilzan, todoog galuu Togoldor zahialy aluulna shuu.z ahialgat allaga hilhgene naizingha oshoog abna.

Avatar

я 2020-06-16 202.179.13.34

Төв зам руу орох хэсэгт томоохон хогийн цэг тавиад өгчээч. Туулаар амарсан хүмүүс заавал тэнд хогоо хая гэдэг шаардлага тавих хэрэгтэй. Хүүхдийн живхийг хотдоо хогийн цэгэнд хаяж хэвшүүлье

Avatar

Х 2020-06-16 210.137.44.100

Монголчууд эх орноо хайрлахгүй бол хүний хүн хайрлахгүй шүү.

Avatar

БОДЛЫН ХУЛГАЙЧ 2020-06-16 66.181.167.53

ТА НАР ӨӨРСДӨӨ БИТГИЙ ЦЭВЭРЛЭЭД БАЙ. ЭКО ЦАГДААГАА САНЙ ШАХ. ТЭДЭНД ЭРХИЙГ НЬ ӨГ. ХОГ ХАЯСАН ИРГЭДЭЭР ЦЭВЭРЛҮҮЛЖ ЧАДАХГҮЙ БОЛ ӨӨРСДӨӨР НЬ ЦЭВЭРЛҮҮЛ.

Avatar

Зочин 2020-06-16 202.21.107.82

Сайн торго. Идэх хоолтой нь яриад ирэхээр аяндаа хог тарихаа болино. Байгаль орчин хамгаалдаг орлогоороо цалинждаг цагдаатай бол.

Avatar

Зочин 2020-06-16 103.14.39.2

Ажилгүй хүмүүсээр байгаль орчины цагдаа хийлгээд торгосон мөнгөөр нь тэд нарыг цалинжуул.

Avatar

Өөрдөө ийм байж хүнээс битгий хөгжил нэх өөрийгөө хөгжүүл 2020-06-16 51.15.43.205

Ийм хөгийн хог шиг ухамсартай ард түмэн хөгжих үү? 1 сая сая төгрөг төрөөс нэхнэ хүүхдийн мөнгөө аваад кола авч уугаад голын эрэг дээр хаяж байгаа сэтгэхүйн үхсэн хүмүүст одоо хөгжил хэрэгтэй юу. Япон, Солонгос юу билээ ямар цэвэрхэн билээ. Энэтхэгтэй адилхан бузрууд.

Avatar

Зочин 2020-06-16 59.153.114.46

Бүр нэг цаанаасаа төрсөн хүмүүс юмаа.

Avatar

Зочин 2020-06-16 109.70.100.35

Төр-сөн юм биш олд-сон юм төвөд энэтхэг балба монгол хүмүүс яг ийм хог дотроо амьдардаг. 1 адилхан зүйл бол тэд нэг шашинтай байгаан сонин.

Avatar

Зочин 2020-06-16 202.131.240.147

Экологийн цагдааг жинхэнэ утгаар нь ажиллуулж сайн торгох хогийг нь уутанд хийлгээд хогийн цэг рүү аваачиж хаюулах хэрэгтэй.

Avatar

Уншигч Бб 2020-06-16 203.98.76.9

Өөрсдөө ухамсарлаад хогоо аваад явахгүй, хогийн саванд хаяхгүй хүмүүсийг торгох хэрэгтэй. Торгуулийн хэмжээг нэмэх нь зөв.

Avatar

jkjbkjb 2020-06-16 202.9.40.118

iim orkuud ix baigaa uchtaas orkuud songuulid yalna

Avatar

БОДЛЫН ХУЛГАЙЧ 2020-06-16 66.181.167.53

ЭКО ЦАГДАА ХААНА БАЙНА. ТЭД ТОРГООЧ. ТЭДЭНД ЭРХИЙГ НЬ ӨГӨӨД ӨНДӨР ТОРГО.

Avatar

Анти Орк 2020-06-16 202.131.241.210

Экологийн цагдаа нараа нэмээд торгуулийг нь навс нэмээд өгвөл наад оркууд чинь хэдэн цаасандаа таталдаад хаяхаа больж л таараа

Avatar

Орк 2020-06-16 103.229.121.165

30-50 НАСНЫ ШИЛЖИЛТИЙН ҮЕД СУРГУУЛЬ СОЁЛГҮЙ БОЛСОН ОРКУУД

Avatar

Зочин 2020-06-16 192.82.70.123

Онцгойгийн албан хаагчид эргүүлд гарч байна лэ. Давхар хогоо хаяхгүй талаар сануулаад, машины дугаарыг нь бүртгэж аваад байвал хүмүүс хогоо ядаж авч яваад байж магадгүй

Avatar

Зочин 2020-06-16 66.181.161.78

Эргүүл гаргаад наад оркуудаа зөрчлийн хуулиар торгоод ажил хийсэн зардалаа олж аваач. Улс нь гаргасан хуулиа хэрэгжүүлэх тал дээр ажиллахгүй болохоор ухамсар энэ тэр гомдол ярихаас хэзээ ч сайхан болохгүй. Тамхины хуулийн жишээ байна.

NewsMN Гар утасны хувилбар Татах
NEWS.mn

Мэдээллийн эх сурвалж