"Тусгаарлах байранд байгаа иргэд сонгууль өгөх боломжгүй" | News.MN

"Тусгаарлах байранд байгаа иргэд сонгууль өгөх боломжгүй"

"Тусгаарлах байранд байгаа иргэд сонгууль өгөх боломжгүй"

"Тусгаарлах байранд байгаа иргэд сонгууль өгөх боломжгүй"

Улсын Онцгой комиссын / УОК/ шуурхай штабаас өнөөдөр /2020.06.15/ мэдээлэл хийлээ.  


Гадаад харилцааны яамны Консулын газрын дарга Л.МӨНХТҮШИГ:

-Өнгөрсөн хугацаанд нийтдээ 22 удаагийн нислэгээр агаар тээврээр 10 мянган иргэнийг татаж авсан байна. Зургадугаар сард нийт найман нислэг  үйлдэнэ гэж төлөвлөж  байсан ч иргэдийн тоо их байгаа учраас нислэгийн тоог нэмэхээр боллоо.Тодруулбал, энэ сарын 20-нд Зүүн өмнөд Азид байгаа иргэдээ авчрахаар транзит нислэг буюу дамжин нислэгийг Сөүл хот руу хийхээр болсон гэдгийг дуулгах таатай байна.

Ингэснээр нийт есөн удаагийн нислэгээр 2300 орчим иргэнийг татаж авахаар боллоо. Мөн Монгол Улсын Засгийн газраас АНУ-д нэг сая ам.долларын хүмүүнлэгийн тусламж үзүүлэхээр болсон. Энэ нь голомтод ажиллаж буй эмч, эмнэлгийн ажилтнуудад зориулан хувийн хамгаалах хэрэгслийг хүргэхээр шийдвэрлэсэн. Энэ тусламжийг зургадугаар сарын 21-нд хүргэж өгөхөөр манай улсаас АНУ руу онгоц нисгэнэ. Уг онгоцоор тус улсаас эх орондоо ирэхээр хүсэлт гаргасан иргэдээ татан авах боломж бүрдэнэ. Сиэтл хотоос 250-260 иргэнээ авчирна.

Шуурхай штаб дээр дараа, дараагийн нислэгээр ирэх хүмүүсийн нэрс баталгаажаад дуусч байна. Тухайлбал,

  • зургадугаар сарын 17-нд  Сөүл (транзит),
  • зургадугаар сарын 18-нд Сөүл,
  • зургадугаар сарын 19-нд Франкфурт,
  • зургадугаар сарын 20-нд Зүүн өмнөд ази руу нислэг үйлдэнэ.

Транзит нислэгүүдийн хувьд зорчигчдын нэрсийг аль болох олон өдрийн өмнө эцэслэн шийдэж тухайн иргэдэд мэдэгдэх нь Сөүл хүртэл зорчиж ирэх боломжоор хангаж  байгаа юм. БНСУ-ын тал өмнө нь Монгол Улсаас зорчигч хүлээж авахгүй гэх шийдвэр гаргаад байсан. Үүний дагуу Гадаад  харилцааны яам, БНСУ-ын элчин сайдын яам, хууль зүйн яамтай дипломат шугамаар харилцсаны  эцэст БНСУ-ын тал албан ёсоор  зөвшөөрөл ирүүлсэн. Үүний дагуу  монголын талаас эрс нь баталгаажсан хүмүүсийн мэдээллийг харилцан солилцон ажиллаж байна. Харин БНСУ-ын талаас “Инчоны онгоцны буудал дээр тусгай үүргийн нислэг хийгдэх бүрт монгол иргэдийн зүгээс эмх замбараагүй байдал үүсгэж жагсаал цуглаан зохион байгуулсан асуудал  ч гарсан. Энэ бүх асуудлыг иргэддээ анхааруулж цаашид энэ байдал  үргэлжлэх юм бол транзит нислэгийн зөвшөөрөл өгөхөд хүндрэлтэй байна” гэдгийг мэдэгдсэн. Тиймээс БНСУ-т байгаа иргэд  замбараагүй үйлдэл битгий гаргаач гэж хүсч байна.

 Хэрэв  Монгол Улсад цаашид өндөржүүлсэн бэлэн байдал сунгагдаад явах юм бол дараа, дараагийн хийгдэх нислэгийн төлөвлөгөө бэлэн болчихсон байгаа. БНСУ-д манай улсын олон иргэд ажиллаж амьдардаг. Тиймдээ ч  БНСУ-руу хийх тусгай үүргийн нислэг бол хамгийн тэргүүн ээлжид байдаг.

Дашрамд дурдахад,  хилийн чанадад  орох газар,  идэх хоолгүй болж хүндрэлтэй нөхцөл байдалд орсон  иргэдийн мэдээлэл судалгааг тогтмол хийж ирсэн. Тусгай үүргийн нислэг анх үйлдэгдэж эхэлсэн цагаас эхлэн дээрх судалгааг хийсээр ирсэн.

Өнөөдрийн байдлаар Турк Улсад байгаа иргэдийн нөхцөл байдал бусад улс бүс нутагт  байгаа иргэдтэй харьцуулахад хүнддээ орж байна. Тиймээс Истанбул хотод байгаа Ерөнхий консулын газраар  дамжуулан Туркт байгаа 5000 гаруй иргэдийн дунд судалгаа хийж үүнээс хамгийн эмзэг бүлгийг тодорхойлж эдгээр иргэдэд хүнсний дэмжлэг туслалцаа үзүүлэх ажлыг эхлүүлээд  байна. Өнөөдрийн байдлаар Турк улсад байгаа  168  өрхийн 580 гаруй иргэнд дэмжлэг үзүүлсэн. Ингэхдээ тухайн иргэдэд бэлэн мөнгө биш  7-10 хоногт хүнсний бүрэн  нөөцөө хангах эрхийн бичиг, картыг өгөх хэлбэрээр туслалцааг үзүүлж байгаа. Энэ ажил цаашдаа үргэлжилнэ” гэв.

Мэдээллийг төгсгөлд  УОК-ын Шуурхай штабын дарга, ОБЕГ-ын дэд дарга, хурандаа Б.Ууганбаяр “Өнөөдрийн байдлаар тусгаарлах байранд нийтдээ 2088 хүн байна. Зургадугаар сарын 20-нд хийх нислэгийн дараа 21 хоногийн хугацаанд тусгаарлах байранд байх хүмүүсийнхээ нарийвчилсан тоог эцэслэн гаргаж Сонгуулийн Ерөнхий хороонд  өгнө. Тусгаарлах байранд байгаа хүмүүс халдвартай гэсэн үг биш. 21 хоногийн хугацаанд ажиглаж байгаа хэрэг.  Гэрийн тусгаарлалтад байгаа иргэд сонгууль өгөх боломжтой. Харин тухайн үед тусгаарлах байранд байгаа иргэд болон гадаадад байгаа иргэд сонгууль өгөх боломжгүй. Ингэснээр 1300-1500 орчим иргэн санал өгөх боломжгүй болж байгаа” гэдгийг мэдэгдлээ.

 Э.БУРАМ

Энэ мэдээнд өгөх таны сэтгэгдэл?
3
ХахаХаха
3
БурууБуруу
2
ТэнэглэлТэнэглэл
1
ГайхмаарГайхмаар
0
ЗөвЗөв
0
ХөөрхөнХөөрхөн
0
ХарамсалтайХарамсалтай
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Irgen 2020-06-15 101.142.160.134

Mongol ulsiin irgen bur sanal ogoh estoi. Bitgii davar.

Avatar

Зочин 2020-06-15 202.179.26.124

Сонгууль өгдөг ямар лут сэтгүүлч нэртэй хүн бэ? Санал өгч, сонгуульд оролцоно.

Avatar

иргэн 2020-06-15 202.9.46.17

online -r өгүүлчихээчээ.

Avatar

Зочин 2020-06-15 202.9.40.18

Хүний эрхийг зөрчихөө больё, сонгууль өгүүлээч ээ, ямар эрхээ хасуулсан хүмүүс байгаа биш дээ тэнэг юм бэ.

Avatar

Зочин 2020-06-15 139.5.218.79

Битгий хачин юм яриад нээх эрх мэдэлтэй хөгнө гэсиймүн шиг аашлаад байгаарай хэн сонгуувл

Avatar

Зочин 2020-06-15 124.158.109.232

тийм л баян юм бол америктаа байгаад ард иргэдийнхээ хүүхдийг явуулчихмаар юмдаа

Avatar

Зочин 2020-06-15 124.158.109.232

иргэддээ шударга үйлчилмээр байна иргэдийнхээ төлөө ажилламаар байна.

Avatar

гадаадад гацаад буй өндөр настан 2020-06-15 46.65.158.229

ФРАНКФУРТИЙН ЧАРТЕР НИСЛЭГТ ХӨГШИН БИД ХОЁР ДАХИАД Л БАГТСАНГҮЙ?! ЯАМАР УЛС НЬ ЯАВААД БАЙГАА ЮМ БОЛ ДОО? УГ НЬ ЭХНИЙ ЭЭЛЖИНД ӨНДӨР НАСТАНГУУДАА АВМААР ЮМ ХЭЛЭЭД БАЙХ ШИГ БАЙСАН. ЗОЛИГНУУД ЧИНЬ НӨГӨӨ ШҮГЭЛДЭХЭЭ ХИИГЭЭД БАЙНА УУ? ХОШГОРУУЛДАГАА ХИЙГЭЭД БАЙНА УУ?

Avatar

зочин 2020-06-15 202.9.46.17

та тэнд юугаа хийсэн бэ, аль эрт ирчихгүй, монголоо голоод явсан байх магадлал өндөр шүү таны хувьд

Avatar

зочин 2020-06-15 37.120.217.220

eh orondoo irj chadahgui bga humustee awilgaliin 10sayiin hansh togtoochood ichej amidarche buur ard irgedee shulj hanahgui yumdaa!!!

Avatar

зочин 2020-06-15 37.120.217.220

USA-s butsah gsn humuus dundaa bur 10 sayiin hansh togtoochood icheechee ta nar!!!!!!!!1

Avatar

asdf 2020-06-15 142.116.141.187

seattled mongoliin avilgach nariin ger bul ehner huuhed nuuc amraguud, nuusan hurungu ni bugd baidag. shar semjilsen uheer Bayaraas avhuulaad. uhej dald orvol taarna muusain urvagch nar

NewsMN Гар утасны хувилбар Татах
NEWS.mn

Мэдээллийн эх сурвалж