Шүүх хуралдаан цагтаа эхэлсэн бөгөөд урьдчилсан хэлэлцүүлгээр Н.Энхбаяр нарт холбогдох хэргийн шүүх хурлын товыг Баасан гаригийн 15.30 цагт товлолоо.

Н.ЭНХБАЯРТ ХОЛБОГДОХ ШҮҮХ ХУРАЛ ЭХЭЛЛЭЭ

МАХН-ын дарга Н.Энхбаярын нэхэмжлэлтэй Сонгуулийн Ерөнхий хороонд /СЕХ/ холбогдох шүүх хуралдааны урьдчилсан хэлэлцүүлэг өнөөдөр /2020.06.15/ 09.00 цагт эхэлжээ.

Шүүх хуралдааны урьдчилсан хэлэлцүүлэг Захиргааны хэргийн давж заалдах шатны шүүхэд  зургадугаар сарын 4-ний өдөр болсон ч  нэхэмжлэгч талаас шинэ нотлох баримт гаргуулах, ЦЕГ-т холбогдуулан нэхэмжлэлийн шаардлагаа нэмэгдүүлсэн тул холбогдох ажиллагааг явуулахаар урьдчилсан хэлэлцүүлгийг өнөөдрийг хүртэл хойшлуулсан аж. 

Хэргийг эргэн сануулахад МАХН-аас нэр дэвшиж буй 76 хүний тавыг нь СЕХ нэр дэвшигчээр бүртгэхээс татгалзсан бөгөөд тэдэн дунд МАХН-ын дарга Н.Энхбаяр байсан юм.  Ерөнхийлөгч асан Н.Энхбаяр Улсын Их Хурлын сонгуулийн 26 дугаар тойрог буюу Баянгол дүүрэгт нэр дэвшихээ мэдэгдээд байсан ч түүнийг авлига, албан тушаалын гэмт хэрэг үйлдсэн нь шүүхээр тогтоогдсон гэж үзэн дээрх шийдвэрийг гаргажээ. Хурлын шийдвэрийн талаар эргэн мэдээлэх болно.

Э.БУРАМ