Сонгуулийн хувьсгалд уриалсныг анзаарсан уу?   | News.MN

Сонгуулийн хувьсгалд уриалсныг анзаарсан уу?  

РЕДАКЦИЙН ЗУРВАС

Сонгуулийн хувьсгалд уриалсныг анзаарсан уу?  

Сонгуулийн хувьсгалд уриалсныг анзаарсан уу?  

Парламентын сонгуулийн сурталчилгаа эцсийн шат руугаа орж байна. Хуульд заагдсан сурталчилгааны хугацаа зургадугаар сарын 2-нд эхэлсэн боловч үнэндээ сонгууль угтсан албан бус сурталчилгаа аль өнгөрсөн жилээс эхэлсэн. Сурталчилгааны гол мессеж нь болохгүй байгаа бүхнийг өөрчлөх хэрэгтэй байна, энэ өөрчлөлтийг би, бид хийж чадна гэх агуулга. Өөрөөр хэлбэл, давж болох байсан хүчин зүйлийг давж чадахгүй байгаа учраас одоо би, бид давуулаад өгье гэж байна.

Сонгуульд өрсөлдөгчдийн сурталчилгааг ажихад ерөнхий хэдэн хандлага байна. Эрх баригч МАН-ы хувьд өнгөрсөн 2016-2020 онд бид болохгүй байсан бүхнийг засаад янзлаад горимонд нь оруулж байна, одоо үүнийгээ улам сайжруулна гэнэ. Үнэмлэхүйгээр засагласан дөрвөн жилдээ ЖДҮ сангаар дамжуулан төсвийн мөнгийг луйвардсанаа, уул уурхайг нийгэмчлэхээр улайрч гадаадын хөрөнгө оруулалтыг улам үргээснээ, эдийн засагт эргэлдэж байгаа хар мөнгөний эх үүсвэрийг хчнаж чадахгүй байсаар Хар жагсаалтад оруулснаа, дипломатчид нь хар тамхины сүлжээнд татагдан орсноо, хэвлэлийн эрх чөлөө, үзэл бодлоо илэрхийлэх эрх чөлөөг улам боомилж байгаагаа ч цаашид улам гүнзгийрүүлэх бололтой.

Сөрөг хүчин АН-ын хувьд өмнө өгүүлсэн МАН-ын сул цэгүүдэд цохилт өгөх санаатай ч өөрсдөд нь АН-ынх нь үндсэн мөн чанар, үзэл санааг тээж чадаж байгаа эсэхэд эргэлзсэн сонгогчдын эргэлзээг тайлах хангалттай үндэслэл гаргаж тавьж чадахгүй, олигархижсан нийгэм бүтээхэд оролцсоноо өнгөлөн далдлах эрмэлзэлтэй байна.

Үхсэн буурын толгой мэт болсон Н.Энхбаяраар сурталчилгааны гол фоноо хийсэн МАХН голлосон “Та бидний эвсэл” МАН-АН хоёроо онилж, дундуур гүйчих тактиктай.

“Зөв ХҮН Электорат” эвслийн хувьд барууны боловсрол эзэмшсэн ХҮН-ын хэдэн залуусаа урдаа барин гурав дахь хүчин болон далд хүсэлтэй байгаа ч Электорат хөдөлгөөний зөв ч юм шиг, буруу ч юм шиг хөгшчүүлдээ 2016 оныхтой адил молигодуулахгүй гэх баталгаа үгүй.

Энэ сонгуулийн онцгой нэгэн зүйл нь яах аргагүй бие даагчид. Нийтдээ бие даагч 121 хүнд СЕХ сонгуульд өрсөлдөх эрх өгчээ. Бараг бүх тойрогт бие даагч өрсөлдөхөөс хамгийн их нь 12 бие даагчтай Банязүрх дүүргийн тойрог байна. Бие даагчдын сонгогчдодоо өгч байгаа гол мессеж нь “Монголыг засаглаж ирсэн улс төрийн намууд Монголыг засаглаж чадаагүй, одоо эдгээр улстөрчдөд итгэх хэрэггүй, хангалттай” гэсэн мессэж. Өөрөөр хэлбэл, давж чадах хүчин зүйл байсаар байтал давж чадахгүй байгааг бид давуулна гэсэн амлалт. Сонгогчдын дийлэнх хэсэг өнөөг хүртэл ил байсан улстөрчдөд итгэл алдарсан эдгээр бие даагчдад итгэл найдвар төрүүлж байгаа нь үнэн. Гуравдагч хүчний орон зай Монголын улс төрд бий, тэр орон зайг эзлэхийн төлөө олон нам өнгөрсөн хугацаанд төрж байсан, гэвч тэдгээр нам өнөөг хүртэл биеэ үнэлэгч жижиг нам хэвээр байгаа нь гашуун үнэн. Улс төрийн намд итгэл хүлээлгэж, намаар дамжуулан төрийн эрхийг иргэд засагладаг тогтолцоотой боловч сонгогчдын өгсөн итгэлийг намууд хөсөрдүүлсэн учраас одоогийн энэ сэтгэл ханамжгүй байдал бий болсон. Сонгогчдын саналаар дамжуулан эрх мэдэлд хүрэх хэнбугай нь энэ орон зайг ашиглахыг оролдох нь ойлгомжтой.

29 тойрогт 606 нэр дэвшигч энэ жилийн сонгуульд горилж байгаа нь нэг тойрогт дунджаар 20 нэр дэвшигч ногдож байна. Бүгд шударга, зөв, бүхнийг засч залруулж чадах гайхамшигтай эрдэм чадалтай гэдгээ нотлохыг оролдож байна.

20-30 зөв хүнээс жинхэнэ зөв 2-3-ыг сонгох амаргүй сонголтыг сонгогчид 10 хоногийн дараа хийх болох нь. Сонгогчдын төлөв байдлын талаарх Монголд хийгдэж байсан судалгаануудаас харахад сонгогчдын 30 орчим хувь нь итгэл үнэмшлээрээ улс төрийн сонголтоо хийчихсэн байдаг. 40 гаруй хувь нь сонгуулийн санал хураалтаас өмнөх сар гаруйн хугацаанд буюу сурталчилгааны үеэр сонголтоо хийдэг. Харин 10 гаруй хувь нь санал хураах байранд очоод таамгаар шахам хийдэг гэжээ. Энэ жилийн хувьд намууд залуучуудад илүүтэй найдлага тавьж, залуу сонгогчдод зориулсан сурталчилгааг сошиал сүлжээнд суурилан олон төрлөөр хийхийг чармайж байна. Энэ сурталчилгаа байгаа онох эсэх нь зургадугаар сарын 24-нд харагдана.

Намуудын сонгуулийн сурталчилгааны хар үе өнөөдрөөс эхэлж, сурталчилгаа зогсох зургадугаар сарын 22-нд оргилдоо хүрнэ. Өнгөн дээрээ шударга, ёс зүйтэй өрсөлдөхийг бүгд уриалж байгаа ч эцсийн сум нь дандаа хор шингээсэн байдаг уламжлал энэ удаа ч нэг их зөрөхгүй биз.

Өнгөрсөн долоо хоногт Монголын Ардчилсан холбооны Удирдах зөвлөл сонгогчдод хандан уриалга гаргасан нь хор шингээсэн сумны нэг байлаа. Монгол Улсын Ерөнхийлөгчийн халаасанд байдаг энэ холбоо сонгогсдод хандан хэнийг сонгохгүй байх ёстой сануулжээ. Уг уриалгын үг бүрийг анхааралтай уншиваас төрийн тэргүүний хүслийг тааж болох ажээ. Уг уриалгад “Төгөлдөршөөгүй сонгуулийн тогтолцооны үр дүнд төлөвшөөгүй улс төрийн гол намууд шударга ёс, хөөсрөөгүй хөгжил, үндэсний эрх ашгаа эрхэмлэхээс илүүтэй засаглал, эдийн засгийн стратегийн нөөцүүдийг хуйвалдан атгацгааж нийгмийн бүх салбарыг доройтуулсан нь аюул сүйрэл мөн. Аюул сүйрлийг СОНГУУЛИЙН ХУВЬСГАЛ-аар гэтлэн давахыг Монголын Ардчилсан холбоо өнгөрсөн хоёрдугаар сард анхааруулсан билээ. Бид байр сууриа дахин нотлохын хамт анхны Ерөнхий зохицуулагч С.Зориг агсны “Нэгдүгээрт, үндэсний, хоёрдугаар, нам бүлгийн, гуравдугаарт, хувийн эрх ашиг эрэмбэлэгдэх ёстой” гэсэн сургаамжийг дээдлэн оффшорчид, төрийн сангуудыг цөлмөгчид, угсаа гарал, иргэншил нь ээдрээтэй элэг буруу этгээдүүд, төрийн албыг схемчлэн арилжаалагчид, хуйвалдаан санхүүжүүлдэг банк, корпорацуудын төлөөлөл, гадны эрх ашгийг далдуур хамгаалагчид, үзэл бодол нь үл нутагших хийрхэгчид, ёс зүйгүй, ужгирсан улстөрчид, гэмт үйлдлүүдээ эс огоорон хууль шүүхээс хулжигсдыг нам үл харгалзан сонгохгүй байхыг нийт иргэд, гишүүддээ хандан албан ёсоор уриалж байна. Монголчуудаа! Мөнгө, худал амлалтад дахин хуурталгүй хэрсүүжсэн сонголт хийж, Монгол улсынхаа дэнжигнэсэн хувь заяаг бодитой аваръя” гэжээ.

Энэ удаагийн сонгуульд Ерөнхийлөгч Х.Баттулгын эргэн тойрноос 10 илүү хүн нэр дэвшиж байгаа нь сонгуулийн хувьсгал хийх хүмүүс ажээ.

Уг нь сонгуулийн биш сонгогчдын хувьсгал Монголд хэрэгтэй. Сонгууль дөхөхөөр л сонгогчдод хайр зарладаг улстөрчид ямар ард түмэн байна тийм улстөрчид гардаг хэмээн өөрсдийгөө зөвтгөдөг улстөрчид иргэдийнхээ тархитай нь биш ходоодтой, халаастай нь ажилласаар ирсэн. Сонгуулийн жил бэлэн мөнгө түгээлт дээд цэгтээ тулдаг нь үүний тод жишээ. Энэ жил коронагаар далимдуулан сонгуулийн бэлэн мөнгөний хахууль цэвэрхэн хийгдлээ.

Энэ мэдээнд өгөх таны сэтгэгдэл?
3
ТэнэглэлТэнэглэл
1
ГайхмаарГайхмаар
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
БурууБуруу
Баярлалаа!

Холбоотой мэдээ

21 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-15 202.126.90.16

ЭЛКТОРАТ БОЛБООС АРД НЬ РИОТИНТО БАЙГАА .

Avatar

Зочин 2020-06-15 73.92.12.67

Хэрэв монгол улс парламентийн засаглалаа хадгалж үлдье гэж байгаа бол Женкогийн эргэн тойрноос нэр дэвшиж байгаа 10 илүү хүнийг нь сонгохгүй байхад болоо юм бишүү. Энэ этгээд 2017 онд ерөнхийлөгч болсноос хойш шувтан УИХ руу дайрж ирсэн,тараах талаар ард түмний санал хураах санал ч гаргаж байсан,хамгийн сүүлд covid 19- ыг ашиглан нэг гарт удирдлагыг төвлөрүүлэх санаа ч цухалзуулж байлаа. Хэрэв энэ лалларын хүмүүс УИХ- д сонгогдвол тангараг өргөөд л маргаашнаас нь УИХ- ын үйл ажиллагааг бужигнуул

Avatar

Зочин 2020-06-15 73.92.12.67

Ер нь энэ сонгууль 2021 оны ерөнхийлөгчийн сонгуулийн оршил гэхэд хилсдэхгүй,МАН – ыхны алаад хаячихсан ҮХ- ийн нэмэлт өөрчлөлтөөр Женко дахин 6 жил ерөнхийлөгч болох эрх нь нээлттэй байгаа. Тэгэхээр сонгууль өгөх жаахаан юм эрэгцүүлдэг улс хоёр нүүдлийн цаадахыг харж сонгууль өгөх хэрэгтэй. Женкод цаашид албаа хаших,улмаар парламентийн засаглалыг устгах боломж олгохгүй байхУИХ нь ХҮН нам олонхтой,нам харгалзахгүй шинэлэг залуу боловсролтой гишүүдээс бүрдсэн байх шаардлагатай.

Avatar

Зочин 2020-06-15 73.92.12.67

Ингэж сонголт хийж чадахгүй,Женкогийн хүмүүсийг,МАНАН тай нь,дээрээс нь баахан эрээвэр хураавар амьтад УИХ- д суувал монгол улс 2021 оныг дуусгахгүй ҮХ- даа өөрчлөлт хийж парламентийн засаглалаа ерөнхийлөгчийн засаглалаар сольно гээд ард нийтийн санал асуулга явуулна гээд үймэж байна шүү,баталгаатай. Ер нь 30- аад жил ээлжлэн төр барьсан коммунист угшилтай МАНАН – ийн хууччуулаас шинэ юм гарахгүй нь тодорхой,,тэд олигархуудын дарангуйллаас өөр шинэ загвар олж чадахгүй нь илт болсон энэ үед ХҮН л

Avatar

Зочин 2020-06-15 73.92.12.67

ХҮН намын олон улсын хууль,эдийн засгийн мэрэгжил эзэмшсэн,комммунист системээс зах зээлийн системд шилжсэн пост коммунист орнуудын ололт алдаан дээр дүн шинжилгээ хийчихсэн,олон зуун жилийн ардчиллын уламжлалтай хөгжингүй орнуудын удирдлагын институцийн ашигтай талыг судалчихсан шинэ соргог улс л монголыг шавраас нь сугалж шинэ хөрсөн дээр гаргана. Харин хоёр хөршийн бууны нохой,урвагч гэдгээ үйлдлээрээ баталцан лалларууд. монголыг сөнөөнө

Avatar

Сонгогч 2020-06-15 103.26.194.214

Электорат бол цэвэр Баабарынх , яагаад гэвэл УИХ-ын гишүүн болох магдлалтай хүмүүсийн ихэнх нь СОЦДЕК-үүд байх чинь билээ

Avatar

Зочин 2020-06-15 66.181.176.182

Электрат хөдөлгөөн сонгуулийн маргааш өдөр сайн дураараа тарна гэж амалсан тэгэхлээр Зөв Хүн Электрат эвслийн хувь заяа бүрхэг болж байгаа юм тал хүч нь байхгүй болно гэсэн үг.ХҮНын гол алдаа бол сонгуульд оролцоогүй албан бус хөдөлгөөнтэй нийлж эвсэл болсон явдал өөрсдөө л шалбааг уруу үсэрч орцгоолоо

Avatar

ЧААВААС 2020-06-15 66.181.166.134

Бие даахгчид бие даагчийнхаа саналыг хуваагаад дуусна даа

Avatar

Зочин 2020-06-15 202.126.92.82

ЗӨВ ХҮН ЭЛЕТОРАТ ЭВСЭЛД ИТГЭХЭЭС ӨӨР ГАРЦ СОНГОЛТ ХАРАГДАХГҮЙ БНА. БАРУУНД БОЛОВСРОЛ ЭЗЭМШСЭН ЗАЛУУС ГЕРМАНЫ ЭРХ ЗҮЙТ ТОГТОЛЦООГ НУТАГШУУЛАХ ЗОРИЛТ ТАВЬСАН БНА. 30 ЖИЛИЙН МАН АН МАХН Ы УЛС ТӨРЧДИЙН ХУЛГАЙ ХИЙХ ТОГТОЛЦООГ /МОНГОЛД ХЭВЛЭЛ МЭДЭЭЛЛИЙН , ШҮҮХ ЗАСАГЛАЛЫГ УЛС ТӨРЧДИЙН НАМ ЫН ШҮҮЛТҮҮРЭЭР УДИРДАГДАЖ БГААГААС УЛС НЬ ЯДУУРДАГ ИРГЭД НЬ ЯДУУРДАГ УЛС ТӨРЧИД БАЯЖДАГ ТОГТОЛЦОО ҮЙЛЧИЛЖ БНА. / ХАЛЖ УЛС НЬ ИРГЭД НЬ БАЯЖДАГ ТОГТОЛЦООРУУ ОРУУЛАХ МӨРИЙН ХӨТӨЛБӨРТЭЙ БАЙГАА ТУЛ ХУЛГАЙЧ НАР БНА ХАРЛУУЛ

Avatar

Зочин 2020-06-15 202.126.92.82

АРГАА ОЛЖ ЯДАЖ БНА. ЭЛБЭГДОРЖТОЙ ХҮРЭЛСҮХТЭЙ БАЯРТАЙ БААБАРТАЙ ХҮРТЭЛ ХОЛБОЖ ГҮЖИР ГҮТЭГЛЭГ ХИЙЖ БГАА ТУЛ ГҮТЭГЛЭГИЙГ ТООХ ХЭРЭГГҮЙ БИД 30 ЖИЛ НОЁЛСОН УЛС ТӨРЧДИЙН ДАВАРСАН ЗАСАГЛАЛЫГ ӨӨРЛӨХ ЦАГ ИРЛЭЭ ЗӨВ ХҮН ЭЛЕКТОРАТ ЭВСЛИЙГ БАГААР НЬ ДЭМЖИХ ХЭРЭГТЭЙ

Avatar

ЗОЧИН 2020-06-15 202.126.92.82

ЗӨВ ХҮН ЭЛЕТОРАТ ЭВСЭЛД ИТГЭХЭЭС ӨӨР ГАРЧ СОНГОЛТ ХАРАГДАХГҮЙ БНА. БАРУУНД БОЛОВСРОЛ ЭЗЭМШСЭН ЗАЛУУС ГЕРМАНЫ ЭРХ ЗҮЙТ ТОГТОЛЦООГ НУТАГШУУЛАХ ЗОРИЛТ ТАВЬСАН БНА. 30 ЖИЛИЙН МАН АН МАХН Ы УЛС ТӨРЧДИЙН ХУЛГАЙ ХИЙХ ТОГТОЛЦООГ /МОНГОЛД ХЭВЛЭЛ МЭДЭЭЛЛИЙН , ШҮҮХ ЗАСАГЛАЛЫГ УЛС ТӨРЧДИЙН НАМ ЫН ШҮҮЛТҮҮРЭЭР УДИРДАГДАЖ БГААГААС УЛС НЬ ЯДУУРДАГ ИРГЭД НЬ ЯДУУРДАГ УЛС ТӨРЧИД БАЯЖДАГ ТОГТОЛЦОО ҮЙЛЧИЛЖ БНА. / ХАЛЖ УЛС НЬ ИРГЭД НЬ БАЯЖДАГ ТОГТОЛЦООРУУ ОРУУЛАХ МӨРИЙН ХӨТӨЛБӨРТЭЙ БАЙГАА ТУЛ ХУЛГАЙЧ НАР БНА ХАРЛУУЛ

Avatar

Зочин 2020-06-15 66.181.176.182

Эхлээд 20н мянга 50 100 энэ жил хэд болох юм бол саналаа худалдахад .Хүмүүсээ бодоорой за энэ жил саналаа зарна бас 2024 2028 онд ч зарах байх харин 2032 оноос зарах байгалийн баялаг газар шороо эх орон чинь байхгүй болж харийн боолууд болно шүү тэр үед цусаар уйлаад ч тэмцэл бослого гаргаад ч дийлэхгүй шүү МАНАН бүлэглэлийг Ухаар Бод Маргаашаа Хар Сэрцгээ Монголчуудаа

Avatar

СОНГОГЧ 2020-06-15 202.9.46.59

ЭНЭ УДААГИЙН СОНГУУЛЬ БОЛ СЭТГЭЛИЙН ХӨДЛӨЛӨӨР ӨГЧ БОЛОХГҮЙ ХАРИУЦЛАГАТАЙ СОНГУУЛЬ. УЧИР НЬ ЭХ ОРНОО ХАРИЙНХАНД ХУДАЛДАГСАД, ЭХ ОРНООСОО ХУЛГАЙЛАГСАД, ЭХ ОРНОО ТОНОН ДЭЭРЭМДДЭГ" МОНГОЛЫН "21-Р ЗУУНЫ ЛУЙВАР"-ЫН 3-ХАН ГЭР БҮЛИЙН БҮЛЭГЛЭЛ МОНГОЛЫГ БҮХЭЛД НЬ ЗАЛГИХЫГ САНААРХАЖ, ТОЛГОЙГОО ӨНДИЙЛГӨЖ БНА. ТА АЛЬ НАМЫН ХЭН БАЙХ НЬ ХАМААГҮЙ. ХАМГИЙН ГОЛ НЬ МОНГОЛЫНХОО, ҮР ХҮҮХДИЙНХЭЭ ИРЭЭДҮЙГ САЙТАР БОДОЖ СОНГОЛТОО УХААЛАГААР ХИЙХ НЬ ЧУХАЛ.

Avatar

Баатар 2020-06-15 202.126.90.56

Ээ Базарваань Хүрэлсүх тэргүүтэй МАН- ын хулгайчдаас салмаар байна

Avatar

Зочин 2020-06-15 66.181.170.73

ждү концесс жаран тэрбум хүчээ нэгтгээд нэгтгээд хар машинаар луйвар хийдэггүй юм бол монголын ард түмний дэмжлэгийг авч чадахгүй байхаа.

Avatar

Жирийн иргэн 2020-06-15 103.68.107.106

МАН-ыг л бүү сонго ард түмэн минь. 4 жил зовлоо шүү энэ 60 тэрбум, ЖДҮ, хүн амины хэрэг, хулгай, луйвар, хүчингийн хэрэг, хүүхдийн хүчирхийлэл, хар тамхины хэрэг, долларын ханш тэнгэрт хадлаа, бензиний үнэ тэнгэрт хадсан, өргөн хэрэглээний барааны үнэ тэнгэрт хадлаа, махны үнэ тэнгэрт хадлаа. Ард түмний амьдрал маш хэцүү байна, эрх баригчид л баяжлаа. За та бүхэн минь мартав даа. МАН-ыг л бүү сонгоорой. Бусад ямар ч нам байсан яахав энэ хэдэн луйварчдыг л зайлуулцгаая !!!!!!!!!!!!!!

Avatar

Зочин 2020-06-15 202.9.40.142

Тараадаг мөнгө нь зайлуул үсрээд л 20 мянга уу? Өгч байгаа хүнд бол их мөнгө нь мэдээж олон хүнд өгөх учраас. Авсан хүнд 10 өдрийн талх. Заримд нь шил архины үнэ үү.

Avatar

Равдан 2020-06-15 64.119.27.240

Одоо жинхэнэ сонгуулийн хувьсгал ЖДҮчин Хулхи, Хөөрүү Хүрэлсүхийн маскийг хуулж багаар унагаж Арлчилал,эрх чөлөөт зах зээлийн нийгмийг цогцлоох зам руу тууштай АЛХАЦГААЯ

Avatar

Зочин 2020-06-15 66.181.191.173

76 болон улс тарийн нөлөөнд автагсад, хорчин, зальчин хүмүүс яаж амьдарч, амлаж болдог тод жишээг яаруу сайханаар харуулж чадаж б.а даа иймд монгол улсад улс төрийн эрх мэдэлийн дайн болж байна !!

Avatar

Зочин 2020-06-15 66.181.191.173

Их хурал улс төрд гарах ямар их ашигтай , боломжтойг харуулууд, суртчилаад байхаар хүмүүс тэнд уул уурхай шиг их амархан баяжих хулгай хийх , тусгай эрх ямба эдлэх эрх цаашилбал хууль үйлчилэхгүй баяжих боломжтой гэж итгэж улайран ичих нүүргүй бух шиг зүтгэж байна. 30 жил улс төрчид үүний тод жишээг харуулж чадлаа тухайлбал: учир битүүлэг замаар баяжагсад , нөгөө тэр бумтангуудын хөрөнгө орлого харуулж байна. 90 онд бүгд нэг гараанаас , давстай лангуунаас эхэлсэн гэтэл зарим нь хязгаагүй баян ,

Avatar

Иргэн 2020-06-15 202.9.46.234

Ямарч байсан эхний ээлжинд 4 жил төрөөр тоглосон ,УЛААН, ман ын хулгайчдыг л бүү сонгоорой иргэд минь. Хүрэлсүх мөнгөөр туйлж монгол орны өнцөг булан бүрт МАН ыхаа хулгайчдыг сонгохыг уриалан дуудаж, магтан сурталчлаж байна. Ичихгүй л юмдаа. Хууртаж болохгүй шүү!!

NewsMN Гар утасны хувилбар Татах
NEWS.mn

Мэдээллийн эх сурвалж