ЭМЯ: Гурван оюутан эдгэрч эмнэлгээс гарлаа | News.MN

ЭМЯ: Гурван оюутан эдгэрч эмнэлгээс гарлаа

ЭМЯ: Гурван оюутан эдгэрч эмнэлгээс гарлаа

ЭМЯ: Коронавирусийн халдварын талаарх цаг үеийн мэдээллийг хүргэх гэж байна.

Posted by News.mn on Saturday, June 13, 2020

Эрүүл мэндийн яамнаас Covid-19-ийн халдвартай холбоотой асуудлаар өнөөдөр /2020.6.14/ мэдээлэл хийлээ.

ЭМЯ-НЫ ТАНДАЛТ ШУУРХАЙ УДИРДЛАГЫН ХЭЛТСИЙН ДАРГА Д.НАРАНГЭРЭЛ:

Covid-19-ийн халдвар дэлхийн 216 улс орон бүс нутагт тархаж, нийт долоон сая 853 мянган хүн халдвараар өвчилж, 431 мянган хүн нас бараад байна. Сүүлийн долоо хоногт өдөр бүр 100 гаруй мянган хүн халдвараар өвчилж байгаа. Одоогоор халдвар авсан дөрвөн сая хүн эдгэрч, 3.3 сая гаруй хүн эмчлүүлж байна. Сүүлийн 24 цагт 126 мянган хүн  шинээр өвчилж, 4000 гаруй хүн нас барсан. Өвчлөлийн хувьд АНУ, Ойрх дорнод, Зүүн өмнөд Азийн орнууд ялангуяа Пакистан, БНЭУ-д өвчлөл нэлээд өндөр байна. Энэтхэгт нийт өвчлөл 300 гаруй мянгад хүрч, 9000 гаруй хүн нас барсан нь цар тахлын оргил үе гэж үзэж байгаа. ОХУ-д сүүлийн 24 цагт халдвар 8706 хүнээр нэмэгдэж, нийт 523 мянган хүн өвчлөөд байна. Манай улстай хил залгаа Тувад 101 тохиолдлоор нэмэгдэж эмнэлгийн тусламж үйлчилгээ нэмэгдэх хандлагатай байна.

Манай оронд 2607 хүн ажиглалтад байгааагаас 1-5 насны 87 нь хүүхэд, 30 жирэмсэн эмэгтэй байгаа. Эдгээр хүмүүст 32 их эмч, 55 резидент эмч үйлчилгээ үзүүлж байна. Сонор сэрэмжээ алдалгүй амны хаалтаа тогтмол зүүж, гараа тогтмол угааж, хүн хоорондын зайг барих нь маш чухал. Сүүлийн 24 цагт 119 тоот утсанд 119 дуудлага ирж, Covid-19-ийн халдварын талаар мэдээлэл авсан.

ЭМЯ-НЫ ГАДААД ХАРИЛЦАА ХАМТЫН АЖИЛЛАГААНЫ ХЭЛТСИЙН ДАРГА Б.ЯНЖМАА:

АНУ-д энэ сарын 13-нд 22300 гаруй шинэ тохиолдол, 711 нас баралт бүртгэгдэж нийт халдвар хоёр сая 38 мянгад хүрч, нийт 114600 гаруй мянган хүн нас барлаа. Бразильд өчигдөр 21700 шинэ тохиолдол, 892 нас баралт бүртгэгдэж, нийт халдвар 850500, нас баралт 42720-д хүрсэн. Тус улсад 379 мянган хүн эдгэрч, 428 хүн халдвартай байгаа. БНЭУ-д сүүлийн 24 цагт 11 мянган шинэ тохиолдол бүртгэгдэж, нийт халдвар 309 мянга болсон. БНХАУ-д өчигдөр 57 шинэ тохиолдол бүртгэгдсэний 38 нь дотоодын халдвар байсан.

ХӨСҮТ-ИЙН ТАНДАЛТ СУДАЛГААНЫ АЛБАНЫ ДАРГА А.АМБАСЭЛМАА: 

ХӨСҮТ-ийн хоёр, Дархан-Уул аймгийн нэг лабораторид өчигдөр /2020.6.13/ 294 хүнд шинжилгээ хийлээ. Бүгдэд коронавирус илрээгүй. Энэтхэгээс онгоцоор ирсэн зорчигч, ажилчдаас халдвар илрээгүй. ХӨСҮТ-ийн эмнэлгээс гурван хүн гарч, дараагийн ажиглалтад шилжлээ. Нийт батлагдсан тохиолдол 197 байгаа бөгөөд 98 нь эдгэсэн. Харин 99 хүн эмчлэгдэж байна. Эмчлүүлж буй хүмүүсийн 88 хөнгөн, 11 хүндэвтэр байна.

Энэ мэдээнд өгөх таны сэтгэгдэл?
4
ГайхмаарГайхмаар
1
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

11 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Рама 2020-06-14 85.141.190.72

Мэндээ….урам зориг дуурэнгээр гараад пуузээ аваарай енее бороо угуй шиг…🙏🙏🌝🌞🌞

Avatar

Зочин 2020-06-14 85.141.190.72

Мэндээ🙏🙏

Avatar

Зочин 2020-06-14 185.167.116.18

Одоо болоо штээ! Хангалттай их хүнээ авлаа. Одоо хүндэтгэх шалтгаантай хүмүүс нь аваад дууссан байлгүй дээ. Бусад нь байгаа газраа арга олоод амьдарчихнаа. Олигарх залуучууд байгаа биз. Одоо гадаадад үлдсэн хүмүүс вирус авчихсан байх. Монголд байгаа 3 сая хүнээ хамгаалах хэрэгтэй!

Avatar

Монгол улсын иргэн 2020-06-14 202.9.46.63

Оюутан болон ламхай нар хурдан эдгэрнээ. Одоо болтол эдгээгүй бараг 2 сар гариу болж байгаа хүмүүс вирус тараахгүй гэх баталгаа байна уу. Эхлээд баахан хөгшин хамаатнуудаа аваад ирсэн. Одоо болтол эдгэхгүй байна. Тэр хүмүүс одоо бараг ирсэндээ харамсаж байгаа юм бишүү. Иргэдээ жаахан бодлоготой тат л даа. Оросоор дамжуулж хүнс авахаа нэг хэсэгтээ зогсоогооч. Гадны юм идэхгүй бол үхчих гээд байгаа хэсэг нь гадагшаа явахгүй юу даа.Жирийн иргэд наадхыг чинь иддэг ч үгүй. Одоо наад тэнэглэлээ боль

Avatar

Зочин 2020-06-14 202.9.40.140

Одоо 3 хүн эдгэрчихвэл эдгэрсэн хүн нь эмчлүүлж бгаагаасаа олон болох нь. Урагшаа Монголчуудаа!!!

Avatar

Зочин 2020-06-14 103.57.93.58

Уханы оюутанаас ч илэрээгүй.оросд сурч байсан оюутануудаас их илэрсэн. Оросын оюутанууд жаахан дэг журамгүй байж гэж бодлоо. Түүнээс энэтхэгт хүнд байсан.

Avatar

Зочин 2020-06-14 103.229.121.241

Гэртээ тусгаарлалтад орсон хүмүүсийн гэрийнхэн чөлөөтэй явж болж байна уу? Тусгаарлагдсан хүмүүс супер тээгчид байвал гэрийнхэн нь өөрсдөө ч мэдэхгүйгээр халдвар тараана биз дээ? Тэгэхээр хамт амьдарч байгаа гэрийнхнийг нь бас тусгаарлах ёстой юм биш үү?

Avatar

Зочин 2020-06-14 103.229.123.97

За битгий ургуулан бодоод солиороод бай ккккк

Avatar

Зочин 2020-06-14 139.5.218.252

Одоо хилээ нээж явах хүмүүсээ явуулаач дээ. Хэцүүдэж байна шүү дээ.

Avatar

Зочин 2020-06-14 182.160.0.251

Монгол өвөрмөц хуурай уур амьсгалтай учраас короновирус тархахгүй байгаа гэж эрдэмтэн мэрэгжилтнүүд хэлж байна. Бидний дургүй хуурай уур амьсгал чинь одоо аминд орж байгаа юм байна. Коронввирус айхтар тархаад байгаа газрууд чинь 50 -65% -ийн чийгтэй улс орнууд юм байна. Чийгний гаралтай өвчин гэсэн.

Avatar

Иргэн 2020-06-14 103.26.195.23

Тэнэгтээд бай дотооддоо халдвар оруулаагүй учраас л тархаагүй гэдгийг ойлгодоггүй, юу гэж хэлэх вэ дээ?!

NewsMN Гар утасны хувилбар Татах
NEWS.mn

Мэдээллийн эх сурвалж