Их, дээд сургуулиудын хичээл амарч, доноруудын идэвх суларсан ч дотоодын цусан бүтээгдэхүүний хэрэгцээгээ бүрэн хангаж байгааг Цус сэлбэлт, судлалын үндэсний төвөөс мэдээлсэн. Гэвч сүүлийн дөрвөн жилийн хугацаанд улсын хэмжээнд цусны нөөц 11 хувиар буурчээ. Үүнд доноруудаас гадна өөр бусад олон хүчин зүйл нөлөөлдөг аж.

Зөвхөн манай улсад төдийгүй дэлхийн бусад орны цусны нөөц 40-50 хувиар буурсан үзүүлэлттэй байгаа нь улс орнууд цар тахлын улмаас хөл хорио тогтоосонтой холбоотой юм.

Манай улсын хувьд их, дээд сургуулиуд хичээллээгүй нь цусны нөөц буурах шалтгааны нэг болжээ. Дашрамд дурдахад, манай улс 2500 гаруй цусны донортой бөгөөд тэдний 1500 орчим нь Улаанбаатар хотод амьдардаг. Мөн 996 хүндэт донор бий юм.

Б.ЦЭЦЭГ