ХБНГУ Монголд нэг сая еврогийн буцалтгүй тусламж олгоно | News.MN

ХБНГУ Монголд нэг сая еврогийн буцалтгүй тусламж олгоно

ХБНГУ Монголд нэг сая еврогийн буцалтгүй тусламж олгоно

ХБНГУ Монголд нэг сая еврогийн буцалтгүй тусламж олгоно

ХБНГУ-ын Холбооны Батлан хамгаалах яам “Түнш орнуудын аюулгүй байдал, батлан хамгаалах, тогтвортой байдлыг хангах, сайжруулах хөтөлбөр”-ийнхөө хүрээнд Монгол Улсын БХЯ-ны харьяа Цэргийн төв эмнэлэгт тоног төхөөрөмж, хамгаалах хэрэгсэл, эм тариа худалдан авахад зориулан 1 сая еврогийн буцалтгүй олгохоор болжээ.

Буцалтгүй тусламж олгох тохиролцоонд Батлан хамгаалахын сайд Н.Энхболд, ХБНГУ-аас Монгол Улсад суугаа Онц бөгөөд Бүрэн эрхт Элчин сайд Ёорн Розенберг нар өчигдөр буюу зургадугаар сарын 12-нд гарын үсэг зурсан байна.

Цэргийн төв эмнэлэг нь Covid-19 цар тахалын үед өвчтөнийг тусгаарлах эмчлэх гол эмнэлгийн нэг гэдгийг Батлан хамгаалахын сайд Н.Энхболд “Чухал хариуцлагатай үед эмнэлгийн тоног төхөөрөмжийг сайжруулж, хамгаалах хэрэгсэл болон эм тариа худалдан авах санхүүгийн тусламж олгож байгаа нь эмч, сувилагч, эмнэлгийн ажилчид эрсдэлгүй ажиллах, цаашлаад цэргийн алба хаагчид болон иргэдэд хүргэх үйлчилгээг сайжруулахад том түлхэц болж байна” гэжээ.

ХБНГУ-ын Элчин сайд  Ёорн Розенберг “Дэлхий нийтийг түгшээж буй цар тахлыг бид хамтын хүчээр давах ёстой. Энэхүү тусламж нь Монгол Улсын цар тахлын эсрэг авч буй арга хэмжээнд дэмжлэг болно гэдэгт итгэлтэй байна” хэмээн хэлсэн байна.

Түүнчлэн ХБНГУ-ын Зэвсэгт хүчний нөөцөөс Монгол Улсын Зэвсэгт хүчин, энхийг сахиулагчдын эрүүл мэндийн үйлчилгээ болон яаралтай осол, гамшгийн үед хэрэглэх зориулалттай 20 ширхэг зөөврийн амьсгалын аппаратыг буцалтгүй тусламжаар олгохоор болжээ.

Б.ЖАРГАЛ

Энэ мэдээнд өгөх таны сэтгэгдэл?
6
ЗөвЗөв
1
ХөөрхөнХөөрхөн
0
ХахаХаха
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

7 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Иргэн 2020-06-13 202.179.24.36

Энэ чинь одоо юу вэ энд тэндээс л тусламжийн гараа сунгаад байх чинь. Манайхан чинь тийм их дэлхийд нэрд гараа юу. Эсвэл тэгтлээ доройтчихоо юу. Туслана гэдэг сайхан ч хариу барина гэдэг хэцүү дээ. За тэгээд мань шиг хүний юм зүгээр авч чаддаггүй хүн аваагүй нь бараг дээр санагддагийн. Улс оронд бол аваад байх нь сайн уу муу юу бүү мэдээ.

Avatar

Зочин 2020-06-13 103.10.22.16

Манайх цах тахлын эсрэг амжилттай тэмцэж байгаа иймээс манай хичээл зүтгэлийг үнэлж дэлхийн улсууд тусламж үзүүлэх болоод байгаа юм.

Avatar

zochin 2020-06-13 203.91.115.250

Баярлалаа их баярлалаа

Avatar

Сонгуулын дараа ег 2020-06-13 59.153.85.67

Одоо битгий ег, сонгуулын дараа еер засгын газар байгуулагдхаар ег. Тэгэхгуй бол напдаал чинь буухаасаа емне сайн идэж авья гээд бугдийг нь цуслана шуу.

Avatar

Зочин 2020-06-13 103.26.194.167

Nuguu heden avilagchidiin mungu shdee deguuree saikhan suuj baigaad huvaagad avna bz . ene munguur mongoliin turd ymar ch hereggui yumnuud uuj idej tansaglaj nuuts amraguudtgaa zugaalj uh huuhdee gadaadad surgaj uursdiinhuu l sain asikhanii tuluu uren tarna hiih bhdaa

Avatar

Зочин 2020-06-13 66.181.160.66

Америк болон Барууны орнууд их өгөөмөр юм аа. Дандаа л манайд буцалтгүй тусламж өгч байх юм

Avatar

Зочин 2020-06-13 202.9.46.162

Монголын Авилгалчдад сая евро хандивлав гээч

NewsMN Гар утасны хувилбар Татах
NEWS.mn

Мэдээллийн эх сурвалж