Залуус сонгуулийн санал хураалтад хөндлөнгийн ажиглалт хийнэ | News.MN

Залуус сонгуулийн санал хураалтад хөндлөнгийн ажиглалт хийнэ

Залуус сонгуулийн санал хураалтад хөндлөнгийн ажиглалт хийнэ

Залуус сонгуулийн санал хураалтад хөндлөнгийн ажиглалт хийнэ

УИХ-ын сонгуулийн санал хураалт энэ сарын 24-нд болно. Энэ удаагийн сонгуульд 14 нам, эвсэл  121 бие даагч гээд нийт 639 нэр дэвшигч өрсөлдөж байна. Сонгуулийн санал хураах үйл явцад иргэний нийгмийн ажиглагчид хөндлөнгийн хяналт тавихаар болсныг Шударга сонгуулийн төлөө иргэний нийгмийн хяналт сүлжээнээс өнөөдөр /2020.06.11/ мэдээлэв.

Энэ удаагийн ээлжит сонгуулиар нийслэлийн хэмжээнд 451 сонгуулийн хэсгийн хороо ажиллах юм. Үүнээс 100 хэсгийн хороонд иргэний нийгмийн 204 ажиглагч залуус санал хураалт эхлэхээс дуусах хүртэл хяналт тавихаар болжээ. Энэ жилийн хувьд орон нутагт анх удаа иргэний нийгмийн ажиглагчид хөндлөнгийн хяналт тавих юм байна.

Тодруулбал, Баянхонгор, Дорноговь, Төв, Хэнтий, Дархан-Уул аймагт 30 ажиглагч ажиллах юм байна. Иргэний нийгмийн байгууллагуудын мэдээлснээр энэ жил нэр дэвшигчид сонгуулийн сурталчилгаа эхлэхээс өмнө фэйсбүүк ашиглан албан бусаар төлбөртэй пост, сурталчилгаа явуулж байгаа нь ажиглагджээ. Тодруулбал, фэйсбүүкт гурван пост тутмын нэг нь нэр дэвшигчийн төлбөртэй мэдээлэл, сурталчилгаа байжээ. Одоогоор энэ нь зөрчилд тооцогдох боломжгүй ч гадагшаа мөнгө алдаж буйг иргэний нийгмийн байгууллагынхан онцолсон юм.

Дашрамд дурдахад, Шударга сонгуулийн төлөө иргэний нийгмийн хяналт сүлжээнээс 2020 оны УИХ-ын сонгуулийн үйл явцад хэвлэл мэдээлэл, сонгуулийн автоматжуулсан системийн мониторинг, нийгмийн сүлжээн дэх сонгуулийн сурталчилгааны мониторинг гэх дөрвөн чиглэлээр судалгаа хийсэн байна.

Б.ЦЭЦЭГ

Энэ мэдээнд өгөх таны сэтгэгдэл?
1
ЗөвЗөв
1
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

3 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-11 202.9.46.145

хар машин дотор орж суухгүйгэс ямар нэмэр бна.Ажиглалт гэдэг худалаа гараар давхар тоолуулахгүй хакердах з/б уу???? хардаж бна!!!!!!!!!!

Avatar

Мен горьдвоо 2020-06-11 43.228.131.114

МАН маань цар тахалын хоригыг 6 сарын суул хуртэл сунгасан учраас Сонгуулын хороо дээр нэмээд ОБА-г дайчилж хамгаалалтаа хатуужуулж ямар ч ажиглагчдыг оруулахгуй. МАН аль уже бугдийг атгасан. 1 угээр хэлбэл хяналтгуй сонгууль болж МАН маань дахиад луйвардаад гарна.

Avatar

ЗОЧИН 2020-06-11 43.242.242.42

Сонгуулийн санал хураах үйл явцад иргэний нийгмийн ажиглагчид хөндлөнгийн хяналт тавихаас гадна гадна гараар тоолох, камерын давхар хяналтыг хийх хэрэгтэй байна. Камерийн хяналтан дээр сонгууьд нэр дэшигчидийн төлөөлийн хяналтыг давхар хийх хэрэгтэй. Ард ирэд шударга сонгууль хийхийг хүсэж байна.

NewsMN Гар утасны хувилбар Татах
NEWS.mn

Мэдээллийн эх сурвалж