Ирвэсүүдийн хожлын цуврал зогслоо | News.MN - Мэдээллийн эх сурвалж

Ирвэсүүдийн хожлын цуврал зогслоо

Хуучирсан мэдээ: 2015.12.24-нд нийтлэгдсэн

Ирвэсүүдийн хожлын цуврал зогслоо

Сагсан бөмбөгийн Үндэсний супер лигийн тоглолтууд Спортын төв ордны "А" зааланд даваа, лхагва баасан гаригуудад болж байна. Өчигдөр 1-р тойргийн 23, 24 дэх тоглолт боллоо. Тоглолтын мэдээллээс хүргэж байна.


ИРВЭСҮҮДИЙН ХОЖЛЫН ЦУВРАЛ ЗОГСЛОО

Төв-Ургац 102-96 Ирвэс

Улирлын эхний тоглолтондоо хожигдсоноос хойш дөрвөн тоглолт дараалан хожоод байсан "Сентоза Ирвэсүүд"-ын хожлын цуварлыг "Төв аймгийн Төв-Ургац" зогсоолоо. Тэд тоглолтын эхлэлийг тун сайн эхлүүлсэнээр санаачлагыг гартаа авсан юм. Тэдний тоглолт өчигдөр бүх талаараа болж байсан гэхэд болно. Багаараа хамгаалалтанд сайн ажиллаж байсан ба довтолгоонд ч тун жигд тоглолтыг үзүүлж зургаан тоглогч 10+ оноо авсан нь хожиход хангалттай байлаа. Chris Jones багаа тэргүүлэн 26 оноо, 9 самбараас бөмбөг авалт, 8 оновчтой дамжуулалт гүйцэтгэсэн бол, Д.Дэлгэрням 16 оноо, 8 самбараас бөмбөг авалт, Reggis Onwukamuche 19 оноо, 15 самбараас бөмбөг авалт, Д.Мөнхтөр 14 оноо, З.Доржсүрэн 11 оноо, Ц.Ганболд 11 оноо тус тус гүйцэтгэснээр Ирвэсүүдийг буулган авч улирлын гурав дахь хожлоо авлаа.

Харин Ирвэсүүдээс Т.Санчир 31 оноо авч багаа тэргүүлсэн бол сэлгээнээс гарч тоглосон Э.Цэвэлдорж 22 оноо, 9 самбараас бөмбөг авалт гүйцэтгэхдээ алсын зайнаас 6 шидэж 5-г нь амжилттай болголоо. Мөн Э.Дорж-Арилд 12 оноо, С.Эрдэндалай 10 оноо, 14 самбараас бөмбөг авалт гүйцэтгэж сайн тоглолтуудаа гаргасан ч тэд хожиход хангалтгүй байлаа. Гараанд гаргаж тоглуулсан Dylan Brewer тоглолтын эхлэлийг тун тааруу хийж оноог алдахад хүргэсэн юм. Ингэснээр тэдний дөрөв дараалсан хожлын цуврал зогслоо.

 

АВАРГУУДЫН ДУЭЛЬД ХАРЦАГУУД ИЛҮҮРХЛЭЭ

Харцага 96-80 Хүлэгүүд

Сүүлийн хоёр улирлын аваргууд энэ орой хүч үзлээ. Аль аль багуудын хөгжөөн дэмжигчид багаа дэмжихээр Спортын төв ордонд цугласан байлаа. Тоглолт ч үзэгчидийг уйдаахааргүй болсон юм. Улирлын хоёр дахь тоглолтондоо оролцож байгаа Steve Pledger, багийн ахлагч Г.Баттөр нар ирсэнээр Харцагууд аль хэдийн учраа олоод эхэлжээ. Тэд тоглолтын эхнээс онооны давамгайллыг авч хамгаалалтаа ч сайн хийж байлаа. Эхний тоглолтондоо 42 оноо авсан ч баг нь хожигдсон S.Pledger мөн сайн тоглолтоо үзүүлж хэрэгтэй үед хэрэгтэй оноог авч байсан юм. Тэрээр 28 оноо, 9 самбараас бөмбөг авалт, 5 оновчтой дамжуулалт гүйцэтгэж багаа тэргүүлсэн бол, П.Болортулга 22 оноо, 12 самбараас бөмбөг авалт, 8 оновчтой дамжуулалт, Teeng Akol 20 оноо, 14 самбараас бөмбөг авалт, 6 хаалт гүйцэтгэн тусалсанаар баг нь хожиход хангаллттай байлаа. Мөн тоглолтын турш багаараа 50 хувьтай довтолсон гэсэн гайхалтай үзүүлэлт байгаа юм.

Харин Хүлгүүдийн хувьд ердөө 32 хувьтай довтолж хамгаалалтанд ч төдийлөн сайн байсангүй. Мөн тэдний хожигдлын гол шалтгаануудын нэг Б.Билгүүний муу тоглолт байсан гэж болно. Тэрээр энэ улиралд 28,2 дунджилж байгаа ч өчигдөр 16 оноо авахдаа 21 довтолж ердөө тавыг нь байндаа тусгасан юм. А.Бямбадорж сайн тоглож 22 оноо авсан бол А.Энхтүвшин 10 оноо, 12 самбараас бөмбөг авалт, Б.Батжавхлан 12 оноо авсан ч бусад залуус тийм ч хангалттай байсангүй. Мөн тэд багаараа ердөө 13 оновчтой дамжуулалт гүйцэтгэсэн нь хожигдох гол шалтгаан байлаа. Улмаар аваргуудын дуэльд Хүлэгүүд хожигдлоо.

 

 
 

Альянс Тех Харцага – СБЛ Хасын Хүлэгүүд – 96:80Аваргууд улирлын 2 дах хожлоо авлаа

Posted by Mongolian National Basketball Association on Wednesday, December 23, 2015

 

 

Төв аймаг Төв Ургац – Баянгол Сентоза Ирвэс – 102:96Ирвэсүүдийн 4 дараалсан ялалтыг Төв Ургац баг зогсоож, улирлын 3 дахь хожлоо авлаа

Posted by Mongolian National Basketball Association on Wednesday, December 23, 2015

МҮСБХ

"Болор дуран"-аар шалгав.
Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!