ЭМЯ: Хоёр оюутан эдгэрч, дараагийн хяналт руу шилжлээ | News.MN

ЭМЯ: Хоёр оюутан эдгэрч, дараагийн хяналт руу шилжлээ

COVID-19

ЭМЯ: Хоёр оюутан эдгэрч, дараагийн хяналт руу шилжлээ

ЭМЯ: Хоёр оюутан эдгэрч, дараагийн хяналт руу шилжлээ

Эрүүл мэндийн яамнаас коронавируст халдварын нөхцөл байдлын талаар цаг үеийн ээлжит /2020.06.11/ мэдээлэл өглөө. Тус яамны мэдээлснээр ажиглалтад 263 хүн шинээр орж 1638 хүн тусгаарлалтад байна.

Нурсултан-Улаанбаатар чиглэлийн нисэх онгоцоор 170 зорчигчдоос гурван хүнийг ХӨСҮТ-д тусгаарласан. ЗӨСҮТ-ийн баг 3065 ачаа тээш, найман автобус, онгоцыг ариутгаж халдваргүйжүүлсэн. Орон нутгийн 14 чиглэлийн галт тэргэнд 4442 иргэнд тандалт хийхэд сэжигтэй тохиолдол илрээгүй байна.

ЭМЯ-ны 24 цагийн  119 шуурхай утсанд иргэдээс 129  дуудлага иржээ. Индонез, Швед улсаас Монголын гурван  иргэн холбогдож коронавируст халдварын талаар эмнэлзүйн зөвлөгөө авсан байна.

ХӨСҮТ-д өчигдөр нийт 374 хүнд коронавирусийн шинжилгээ хийхэд коронавирус илрээгүй. Энэхүү шинжилгээнд ачаа тээврийн жолооч, тусгаарлалтад байгаа хүмүүсийн давтан шинжилгээ, тандалтын шинжилгээнүүд хамаарч байна. Өнөөдөр ХӨСҮТ-ээс хоёр оюутан эдгэрч, дараагийн хяналт руу шилжсэн байна.

               СЭЖИГТЭЙ ГУРВАН ХҮНЭЭС КОРОНАВИРУС ИЛРЭЭГҮЙ

ХӨСҮТ-ийн Тандалт судалгааны албаны дарга А.АМБАСЭЛМАА:

-Өнөөдөр ХӨСҮТ-өөс хоёр хүн эдгэрч сувилал руу шилжиж байна. Эдгэсэн хоёр хүний тухайд ОХУ-аас ирсэн сонсогчид. Монгол Улсад гаднаас зөөвөрлөгдөж батлагдсан 194 тохиолдлоос 89 нь эдгээд байна. Тэдний 56 нь сувилалд, 16 нь гэрийн ажиглалтад байгаа юм. Одоогоор ХӨСҮТ-д 105 хүн эмчлүүлж байна. Өчигдөр /2020.06.11/ Нурсултан-УБ чиглэлийн нисэх онгоцоор 173 зорчигч ирснээс сэжигтэй гэж үзэн гурван хүнийг тусгаарласан. Сэжигтэй гурван тохиолдлын шинжилгээний хариу сөрөг гарлаа. Бусад тусгаарлагдсан хүмүүсийн шинжилгээний хариу маргааш гарна гэлээ.

Өчигдөр /2020.06.10/ тусгай үүргийн нислэгээр ирсэн зорчигчдын зарим нь  Буянт-Ухаа олон улсын нисэх буудалд газардсан даруйдаа эмнэлгийн ажилчдын шаардлагыг эсэргүүцсэн гэх мэдээлэл байгаа юм. Энэ асуудлаар сэтгүүлчид Эрүүл мэндийн яамнаас тодруулахад “Нурсултан-Улаанбаатар чиглэлийн нисэх онгоцоор ирсэн гурван хүн тусгаарлагдахгүй гэж эсэргүүцэл зарласан гэх мэдээллийг бид сонссон. Ийм үйл явдал болсон гэх мэдээлэл байгаа. Ер нь тусгаарлах зурваст орж буй бүх хүн халдвар хамгааллыг дэглэмийг сахиж байгаа” гэж ЭМЯ-ны Тандалт шуурхай удирдлагын хэлтсийн дарга Д.Нарангэрэл хэлсэн юм.

Тусгай үүргийн нисэх онгоц Буянт-Ухаа олон улсын нисэх буудалд газардах үед 5-10 цагдаагийн ажилтан хамгаалалтад гарч, хэв журмыг сахиулдаг байна.

ЭМЯ: Коронавирусийн халдварын талаарх цаг үеийн мэдээллийг хүргэж байна.

Posted by News.mn on Wednesday, June 10, 2020

Энэ мэдээнд өгөх таны сэтгэгдэл?
7
ЗөвЗөв
3
ХөөрхөнХөөрхөн
1
ГайхмаарГайхмаар
0
ХахаХаха
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

4 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-11 66.181.177.64

За одоо ч илрэлт нь багасаад, эдгэрэлт нь ихсээд сонгууль хүртэл явах бизээ. Битгий л сонгуулийн дараа хяналтаас алдлаа гээрэй дээ.

Avatar

Зочин 2020-06-11 46.65.158.229

ter 3aa amrkiin tuslamjiin baraatai yavuulchih ,tend heniig ch tusgaarlahgui baigaa yum shig baina lee .gudamjaar ni duuren hun …

Avatar

zochin 2020-06-11 49.167.16.22

00Орост эдгэрэлт маш өндөр хувьтай байх юм. Зуу гаруй мянган хүн эдгэсэн байхад манайх Зуун гаруй хүнтэй л зууралдаад байх юм. Асуудал хаанаа байна гэж гайхах юм ???????

Avatar

Зочин 2020-06-11 124.158.109.232

эх орондоо ирэх хүсэлгүй байхад нь авчирсан юм бишүү

NewsMN Гар утасны хувилбар Татах
NEWS.mn

Мэдээллийн эх сурвалж