Сонгуулийг бүсчлэн явуулахыг эсэргүүцэв | News.MN - Мэдээллийн эх сурвалж

Сонгуулийг бүсчлэн явуулахыг эсэргүүцэв

Хуучирсан мэдээ: 2015.12.24-нд нийтлэгдсэн

Сонгуулийг бүсчлэн явуулахыг эсэргүүцэв

УИХ дээр Сонгуулийн тухай хуулийн төслийн хэлэлцүүлэг ид өрнөж байна. Ажлын хэсгийнхний зүгээс Сонгуулийн хуулийн өөрчлөлттэй холбоотой зарим зүйлийг олон нийтэд ил болгоод байгаа юм.

Сонгуулийн хуулийн өөрчлөлттэй холбоотойгоор парламентад суудалгүй улс төрийн  есөн нам өнөөдөр хэвлэлийн бага хурал хийж, “Монгол Улсын Их Хурал чоно борооноор гэгчээр Дэгийн тухай хуулиа илт зөрчин, Сонгуулийн тухай нэгдсэн хуулийн төслийг хуулиар хориглосон хугацаа дуусахаас хоёрхон хоногийн өмнө хам хум хэлэлцсэн дүр эсгэж, сурсан дадсан зуршлаараа гэнэт хуйвалдан батлахаар улайрч эхэлсэн нь төрийн нэр хүндийг унагасан, нийгмийн итгэлийг хөсөрдүүлсэн, ард түмний сэтгэлийг сэвтүүлсэн гэмт үйлдэл” гэдгийг АН, МАН-д сануулав.

Тэд мэдэгдэл гаргасан бөгөөд уг мэдэгдэлдээ “Үндсэн хуулиар олгогдсон иргэдийн сонгох, сонгогдох эрхийг хөндөхдөө улс төрийн намуудын оролцоо, нийгмийн зөвшилцөл, ард түмний дэмжлэгийг хангаж байж хуульчлах ёстой атал үндэснийхээ эрх ашгаас хувийн болон бүлэглэлийн явцуу эрх ашгаа ямагт дээгүүр тавьж ирсэн цөөн нам, эрх мэдэлтнүүд зөвшилцсөн нэрийн дор Сонгуулийн тухай хуулийг өөрчлөхийг бид эрс эсэргүүцнэ.

Монгол ардын нам дангаараа тохиролцсоноосоо ухарч , тэмцлээсээ няцаж буйг бид зэмлэн буруушаахын зэрэгцээ Улсын Дээд шүүхэд бүртгэлтэй улс төрийн 22 нам Сонгуулийн тухай хуульд оруулахаар удтал хэлэлцэн зөвшилцөж, нэгэн санаагаар хүрсэн “нааштай найман өөрчлөлтдөө” тууштай үнэнч байгаагаа үүгээр батлан мэдэгдье” гэсэн байна.  Түүнчлэн сонгуулийг бүсчлэн зохион байгуулахыг эсэргүүцэж энэ  бол Үндсэн хууль зөрчсөн асуудал. Түүнчлэн хоёр том нам өөрсдөдөө ашигтай байлгах үүднээс тойргийг багасгаж, мандаттай болгох гэж байна. Энэ бол сонгуулийг худалдаж авах гэсэн башир арга гэж Эрх чөлөөг хэрэгжүүлэгч нам, Иргэний хөдөлгөөний нам, Хамаг Монголын хөдөлмөрийн нам, Эх орончдын нэгдсэн нам, Монголын ногоон нам, Бүгд найрамдах нам, Монголын консерватив нам, Хөгжлийн хөтөлбөрийн нам, Монголын эмэгтэйчүүдийн намаас мэдээлэл хийлээ.

 Г.ТУУЛ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Зочин 2015-12-24 203.91.115.46

Parlamented suudalgui gedeg chin olon tumnii demjleg avaagui l gesen ug. Tegeheer tiim nam nertei yumsyn ug hend heregtei yum be

ЗОЧИН 2015-12-24 103.26.195.10

5 бүс болгохыг аль нам санаачилсныг мэдээд мэдээл.

ЭЭ ХӨӨРХИЙ 2015-12-24 202.179.11.98

ЗА ХАРАА БИЗ. ЖИЖИГ ГАРУУДАА АН АХ ЧИНЬ ТА ХЭДЭЭР ЗҮГЭЭР Л ГОНДООМ ХИЙСЭН БАЙХГҮЙ ЮУ ДАА. СОЛИОТ БУМЯЛАГЧ БАЙДГААРАА ИТГЭСЭН АМЬТАН САХАЛ НЬ ГОЗОЙГООД ҮГ ХЭЛЭЭД ТОДРООД БАЙСАН ХАР ДАА ЧИ ХАХАХАХА