Д.Дэмбэрэлнямбыг 100 саяар шагнана | News.MN - Мэдээллийн эх сурвалж

Д.Дэмбэрэлнямбыг 100 саяар шагнана

Хуучирсан мэдээ: 2015.12.24-нд нийтлэгдсэн

Д.Дэмбэрэлнямбыг 100 саяар шагнана

Засгийн газрын энэ долоо хоногийн хуралдаанаар химийн ухааны доктор, профессор Д.Дэмбэрэлнямбын “Адууны яснаас гаргаж авсан кальцийн бэлдмэл” бүтээлд Шинжлэх ухааны салбарын 2015 оны “Технологийн дэвшлийн шагнал”-ыг олгохоор шийдвэрлэж, шагналд шаардагдах 100 сая төгрөгөөр шагнахаар болсон. Шагналыг Шинжлэх ухаан, технологийн сангаас гаргах юм байна.

Химийн ухааны доктор, профессор Д.Дэмбэрэлнямба нь олон жилийн судалгааны ажлын үр дүнд орчин үеийн биотехнологи, биохимийн аргыг ашиглан монгол адууны ясны биологийн үнэт чанарыг хэвээр хадгалсан “Адууны яснаас гаргаж авсан кальцийн бэлдмэл”-ийг гарган авчээ. Уг бүтээл нь хоёрдогч түүхий эд болох монгол адууны яс ашигласан экологийн цэвэр, импортыг орлох, экспортод чиглэсэн, анагаах чадвар сайтай, манай орны бренд бүтээгдэхүүн болсон юм. Бусад кальцийн бэлдмэлүүдээс биологийн идэвхийн хувьд 3 дахин өндөр, ясны сийрэгжилтээс сэргийлэх болон нөхөн төлжүүлэх үйлчилгээтэй бөгөөд хүний биед зайлшгүй шаардлагатай олон төрлийн микроэлемент, эрдэс бодисоор давхар баяжуулсан зохистой найрлагатай болох нь лабораторийн судалгаагаар нотлогдсон байна.

БСШУЯ эрдэмтэд судлаачдын бүтээлийг багагүй дэмжих болсон. 2013 онд Н.Нацагням 100 саяар шагнуулж байсан юм. БСШУ-ны сайд Л.Гантөмөр өнгөрсөн хугацаанд хөсөр хаягдсан шинжлэх ухаанаа хөгжүүлэх, оюуны хөгжлийг дэмжих, тархиа экспортлох талаар анхаарал багагүй хандуулж байгаа. Эрдэмтдийн бүтээлийг урамшуулснаар шин технологи, шинэ бүтээл, шинэ ноу хау төрөн гарахад томоохон дэмжлэг болж байгаа юм.

 Г.ТУУЛ

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

Бахархууштай 2015-12-24 202.70.37.222

хэрэглэж байсны хувьд үр дүнтэй бүтээгдэхүүн гэж мэднэ. Энэ бүтээл шалгарсанд баяртай байна. Өөр дахиад 2 бүтээгдхүүнийг үйлдвэрлэх боломжийг энэ шагнал орж байгаан байна ш дээ. Амжилт хүсье.

Зочин 2015-12-24 202.70.37.222

олгож

Gompil 2015-12-24 219.103.190.222

Saihan medee taalagdlaa. Bichsen ni daanch bolhi yum. ..Shgnalyg olgohoor shiidverlej sganald shaardagdah 100 saya tugrogor shagnahaar bolson...gehchilen

иргэн 2015-12-24 1.25.117.209

энэ тэгээд гадуур ямар үнэтэй зарагдаж байгаа юм бол?

хш 2015-12-24 103.57.92.199

үүнийг нь сонгуулд нэр дэвшигчид нь аваад тараа л даа дэмий балай зураг ,хятад аяга таваг тарааж байхаар,

Зочин 2015-12-24 202.126.91.95

Манай монголын төр засгийхайн их сонин юм. Монголын бараа чанартай л гэнэ үнэ нь дийлдэшгүй. 1 кг сармис гэхэд 25000 төгрөг хятадых 3000 төгрөг. Монгол кальц нь замбараагүй өндөр үнэтэй зарагдвал хүн авах уу. Уул нь 100 сая төгрөгөө кальцийн үнэ хямдруулахад зориулсан бол энэ эрдэмтэнд талархах сан даанч рекламанд үрэгдэх байхдаа энэ хөрөнгө.

зочин 2015-12-24 202.179.8.3

Төр жинхэнээсээ соёрхлоо хүртээх ёстой эрдэмтэн

Жинхэнэ оюуны баялаг бүтээгчид 2015-12-24 203.194.114.184

Ашгүй дээ...Дэмбэрэлнямынхан гэр бүлээрээ Монгол орондоо өндөр технологи, инновацийг жинхэнэ амьдрал дээр хэгжүүлэх гэж мөн ч олон жил зүтэгсэн дээ...

Tttttt 2015-12-24 27.123.214.119

Manai Bolovsrol shinjleh uhaanii yamniihanii medleg mergejliig oilgoj , yalgan salgaj unelj baigaa tsarai n ene dee.