ХЭҮК-ын гишүүнийг сонгох сонсгол хийж байна | News.MN

ХЭҮК-ын гишүүнийг сонгох сонсгол хийж байна

ХЭҮК-ын гишүүнийг сонгох сонсгол хийж байна

ХЭҮК-ын гишүүнийг сонгох сонсгол хийж байна

Хүний эрхийн Үндэсний Комиссын болон Эрүү шүүлтээс урьдчилан сэргийлэх асуудал эрхэлсэн гишүүнийг сонгон шалгаруулах ажлын хэсэг Монгол Улсын Хүний эрхийн Үндэсний Комиссын тухай хууль, Хүний эрхийн Үндэсний Комиссын болон Эрүү шүүлтээс урьдчилан сэргийлэх асуудал эрхэлсэн гишүүнийг сонгон шалгаруулах журмын 1.9, 9.2-т заасны дагуу томилгооны сонсголыг өнөөдөр /2020.06.10/зохион байгуулж байна.

Ажлын хэсгийн ахлагчаар Хууль зүйн байнгын хорооны ажлын албаны ахлах зөвлөх М.Үнэнбат, гишүүдэд Төрийн албаны зөвлөлийн гишүүн Д.Зүмбэрэллхам, Шүүхийн ерөнхий зөвлөлийн Гүйцэтгэх нарийн бичгийн дарга О.Амгаланбаатар, Хууль зүй, дотоод хэргийн яамны Төрийн нарийн бичгийн дарга Г.Билгүүн, УИХ дахь МАН-ын бүлгийн Ажлын албаны хуулийн зөвлөх Б.Санжмятав, УИХ дахь цөөнхийн төлөөлөл, УИХ-ын гишүүний зөвлөх С.Амарсайхан, Монголын өмгөөлөгчдийн холбооны ерөнхийлөгч Б.Ганбаатар, “Нээлттэй нийгэм форум” ТББ-ын хуулийн хөтөлбөрийн менежер Б.Хишигсайхан, Хэвлэл мэдээллийн зөвлөлийн төлөөлөл, МУИС-ийн Хууль зүйн сургуулийн багш О.Мөнхсайхан нар ажиллаж байгаа юм. Томилгооны сонсгол хоёр өдрийн турш үргэлжилнэ. ХЭҮК-ын болон Эрүү шүүлтээс урьдчилан сэргийлэх асуудал эрхэлсэн гишүүний сонгон шалгаруулалтад 19 хүн оролцохоос өнөөдрийн сонсголоор 10 нэр дэвшигч оролцож байна. Нэр дэвшигч бүр эхний 15 минутад өөрсдийгөө танилцуулж, үлдсэн 35 минутад ажлын хэсгийн гишүүдийн асуултад хариулах юм.

Эхний оролцогч болох ХЭҮК-ын гишүүний сонгон шалгаруулалтад нэр дэвшигч Х.Мөнхзул:

Улсын төсөв жилээс жилд нэмэгдэж байгаа ч эдийн засаг, нийгэм соёлын асуудалд ахиц дэвшил гарахгүй байгаа. Эрүүл аюулгүй орчинд амьдрах, эрүүл мэндийн үйлчилгээг сайжруулах чиглэлд би анхаарал хандуулж ажиллана. Мөн иргэдийг чадавжуулах, ХЭҮК-ын үйл ажиллагаа төрийн албан хаагчдын хүний эрхийн боловсрлыг дээшлүүлэхэд илүү чиглэж байсан. Үүнийг ч мөн үргэлжүүлж ажиллахад анхаарна. Мөн эрх нь зөрчигдсөн хүмүүс ХЭҮК-д гомдол гаргахыг хараад суухгүй, хаана хүний эрх зөрчигдөж байна тэнд нь хүрч ажиллана. Ялангуяа эмзэг бүлгийн иргэдэд илүүтэй анхаарал хандуулж ажиллана. Эмэгтэйчүүдийн эсрэг ялгаварлан гадуурхалтын хэлбэрийг устгах тухай конвеци гэж байдаг. Энэ конвенцын хүрээнд ажиллана. Эрх нь зөрчигдөж буй эмэгтэйчүүд энэ асуудлаар гомдол гаргах боломжтой. Гэтэл ХЭҮК-д эл асуудлаар гомдол гаргасан тохиолдол байхгүй.

Ажлын хэсгийн гишүүн Төрийн албаны зөвлөлийн гишүүн Д.Зүмбэрэллхам: Х.Мөнхзул нэр дэвшигч ХЭҮК-ын гишүүнээр томилогдвол бодлогын хүрээнд анхаарч ажиллана гээд гурван асуудлыг төлөвлөсөн байна. ХЭҮК бол хамтын шийдвэр гаргадаг байгууллага.  Тэгэхээр хувь гишүүн төлөвлөсөн бодлогоо хэрэгжүүлэхэд бусад гишүүдтэй хамтарч ажиллаж шийдвэрлэнэ. Бүх гишүүд нь шинэчлэгдэх гэж байна. Энэ тохиолдолд төлөвлөсөн бодлогоо яаж хэрэгжүүлнэ гэж бодож байна вэ.

ХЭҮК-ын гишүүний сонгон шалгаруулалтад нэр дэвшигч Х.Мөнхзул:

ХЭҮК-ын гишүүдийн ажиллах зарчим, эрх, үүргийг хуульд нь тодорхой заасан байдаг. Энэ зарчмын хүрээнд ажиллана.

МУИС-ийн Хууль зүйн сургуулийн багш О.Мөнхсайхан: Гурван байгууллагад ажиллаж байсан туршлгатай юм байна. Энэ хугацаанд дарга, удирдлагатайгаа санал зөрөлдөж байсан бол тэр жишээг хэлж өгнө үү. Санал зөрөлдөж байсан бол ямар хариу арга хэмжээ авсан бэ. Хоёрдугаарт хэдэн жилийн өмнө нэг  иргэн номыг зохиогчоос нь зөвшөөрөл авахгүйгээр бүтээлийг нь  вэб сайтад  нийтэлсэн байдаг. Тухайн номын зохиогч гомдол гаргасны дагуу  Харилцаа холбооны зохицуулах хороо/ХХЗХ/-ноос зохиогчийн эрх зөрчилтэй гээд тухайн вэб сайт руу Монголоос хандах хандалтыг нь хаасан. Энэ нь Иргэний болон улс төрийн тухай олон улсын факт тусгасан үзэл бодлоо илэрхийлэх эрх чөлөөг зөрчсөн үү. Фактын үзэл баримтлалыг ХХЗХ хангаж ажилласан уу. Мөн Монгол Улсын Үндсэн хуулиар олгосон эрхийг зөрчсөн үү. Хэрэв та ХЭҮК-ын гишүүн байсан бол уг асуудалд ямар арга хэмжээ авах байсан бэ, эсвэл авахгүй байх байсан уу.

ХЭҮК-ын гишүүний сонгон шалгаруулалтад нэр дэвшигч Х.Мөнхзул:Үзэл бодлоо илэрхийлэх эрхийг тодорхой хуулийн үндэслэлээр хязгаарлах ёстой. Хязгаарлалт хэмжээ, хязгаартай байх ёстой. Саяны таны асуусан кейс хүний эрхийг зөрчсөн байна.

Томилгооны сонсгол үргэлжилж байна. Комиссын гишүүнд нэр дэвшигч нь хууль зүйн өндөр мэргэшилтэй, хүний эрхийг хамгаалах чиглэлээр ажилласан туршлагатай, 35 нас хүрсэн Монгол Улсын иргэн байх бөгөөд Комиссын даргыг гишүүдийн дотроос Улсын Их Хурлын даргын санал болгосноор зургаан жилийн хугацаагаар УИХ нэг удаа томилно гэж заасан юм.

Энэ мэдээнд өгөх таны сэтгэгдэл?
0
ЗөвЗөв
0
ХахаХаха
0
ХөөрхөнХөөрхөн
0
ГайхмаарГайхмаар
0
ХарамсалтайХарамсалтай
0
ТэнэглэлТэнэглэл
0
БурууБуруу
Баярлалаа!

Холбоотой мэдээ

9 сэтгэгдэл

News.mn сайтад сэтгэгдэл оруулахад анхаарах зүйлс

Avatar

ЗОЧИН 2020-06-10 202.21.126.30

ӨНДӨР МЭДЛЭГ БОЛОВСРОЛТОЙ, ӨӨРӨӨ ХҮНИЙ ЭРХИЙН ТАЛААР СУДАЛСАН АЖИЛЛАСАН МЭДРЭМЖТЭЙ, ИРГЭНИЙ ЭР ЗОРИГТОЙ ХҮНИЙ ХЭҮК-ИЙН ГИШҮҮНЭЭР СОНГОООРОЙ. АСУУЛТАД ХАРИУЛСАН БАЙДАЛ ЕРӨНХИЙ, ТОДОРХОЙ МЭДЛЭГ ТААРУУ СУЛ ХАРАГДАЖ БАЙНА.

Avatar

рама 2020-06-10 79.98.213.82

Мэндээ….. өнөө бүр халуун30 хэм хүрнэ гэнэ шүү…. хаалт хамгаалалт…

Avatar

Зочин 2020-06-10 202.179.25.5

цагдаагаас гадна прокурорт шинэчлэл маш их хэрэгтэй байнаа!!! шоронжилт гаарлаа. Хуулийнхны дарангуйлал юунд хүргэдгийг АНУ харуулж байгаа биз дээ?

Avatar

zochin 2020-06-10 203.91.115.244

Бусад нь?

Avatar

Зочин 2020-06-10 192.82.64.214

Амжилт хүсье.

Avatar

Ц.Равдандаш: Би өөрийгөө Гаваагийн Батхүүгийн хүү гэдгээ нуугаад хэрэггүй гэж бодож байна 2020-06-10 103.212.116.223

Гаваагын Батхүүд хүү НЭГЭЭР нэмэгджээ. Сайхан л хэрэг байна. Үр хүүхдүүд нь ТОМ Ахтай болжээ.
Хүнд хүн л хэрэгтэй. Хүлээн зөвшөөрөх нь зөв. Заргалдаж, маргалдах хэрэг байхгүй Хүмүүсээ.

Avatar

Зочин 2020-06-10 203.91.119.42

Харин ч хүний эрхийн чиглэлээр олон жил ажилласан мэргэшсэн туршлагатай ажилтан байна. Хүний эрхийн талаар мэдрэмжтэй ажлаа мэддэг ийм хүмүүсийг дэмжих хэрэгтэй. Амжилт хүсье.

Avatar

Зочин 2020-06-10 150.129.140.238

УЛС ТӨРИЙН ЦОО ШИНЭ ХҮЧИН ХҮН НАМЫН ЗАЛУУСЫН ЭРЧ ХҮЧИЙГ УЛСЫНХАА БҮХ САЛБАРТ АШИГЛАЯ

Avatar

СҮХБААТАР 2020-06-10 150.129.140.238

ӨӨРИЙН БОДОЛГҮЙ БУСДЫГ АЯЛДАН ДАГАЛДАГЧ МЭДЛЭГ СУЛ МӨНХЗУЛ МЭТИЙН ХҮМҮҮС ЭНЭ НЭР ХҮНДТЭЙ АЖЛЫГ ХИЙЖ ЧАДАХГҮЙ ЭЭ

NewsMN Гар утасны хувилбар Татах
NEWS.mn

Мэдээллийн эх сурвалж