Мандалговьд нөөлөг салхи салхилж, цаг орчим харанхуйлжээ | News.MN

Мандалговьд нөөлөг салхи салхилж, цаг орчим харанхуйлжээ

Мандалговьд нөөлөг салхи салхилж, цаг орчим харанхуйлжээ

Мандалговьд нөөлөг салхи салхилж, цаг орчим харанхуйлжээ

Дундговь аймагт өнөөдөр /2020.06.09/ хүчтэй нөөлөг салхи ажиглагдлаа. Тус аймгийн Эрдэнэдалай суманд цаг уурчдын нэрлэдгээр "Нөөлөг" хэмээх, 35 м/с хурдтай хүчтэй салхи салхилжээ. Энэ үзэгдэл Дэрэн, Гурвансайхан суманд үзэгдсэн бол Мандалговь хотод үргэлжилж байна. Хэдийгээр аянга цахилгаатай борооны өмнө богино хугацаанд ажиглагддаг үзэгдэл боловч салхины хурдаас шалтгаалж хор хохирол үзүүлж болно гэж Цаг уур орчны шинжилгээний газраас мэдээлэв.

Тус газрын Урьдчилан мэдээлэх хэлтсийн дарга Л.Оюунжаргал “Орон нутагт аянга цахилгаантай, хүчтэй аадар бороо орох төлөв ажиглагдаж байна. Борооны өмнөх нөөлөг салхи говийн аймгуудаар илүүтэй үзэгддэг. Богино хугацаанд буюу цаг орчим үргэлжилдэг тул салхины хурдаас шалтгаалж хор хохирол учруулж болно. Гэхдээ энэ нь гамшигт үзэгдэл бол хараахан биш юм. Иргэд нөөлөг салхийг "Угалз салхи" ч гэж нэрийддэг. Өнөөдөр Дорноговь аймгийн төвийн сумдаар нөөлөг салхитай байна. Энэхүү байгалийн үзэгдэл өмнө нь ч болж байсан” гэлээ.

Иймээс малчид иргэддээ аль болох гэрээсээ гарахгүй байж, салхинаас хамгаалж гэрээ сайтар бэхлэх, орон нутгийн замд зорчиж буй жолооч нар хурдаа тохируулж, болгоомжтой байхыг анхаарууллаа.

Орон нутгийн эх сурвалжийн мэдээлж буйгаар, өнөөдөр 14:00 цагийн орчимд Дундговь аймгийн Мандалговь хотыг бүхэлдээ харанхуй нөмөрчээ. Байгалийн энэ үзэгдэл 12:36 цаг орчимд Сайхан-Овоо сумын нутагт болж, улмаар Эрдэнэдалай, Дэлгэрхангай, Сайнцагаан, Дэлгэрцогт сумын нутгаар дайран өнгөрч, одоо Дэрэн, Гурвансайхан, Говь-Угтаал суманд ажиглагдаж байгаа аж.

Салхины хүч Эрдэнэдалай суманд 35 м/с, бусад сумын нутагт 20-26 м/с хурдтай байсан бөгөөд үргэлжлэх хугацааны хувьд Мандалговь хотод нэг цаг 11 минут, бусад газарт 30 орчим минут үргэлжилжээ.

Дундговь аймгийн нийт нутгаар хур тунадасгүй, хуурайшилт ихтэй байгаагийн улмаас хөрс суларч, салхины нөлөөгөөр агаарт дэгдэн ийм үзэгдэл болж байгаа аж. Энэ хавар тус аймгийн хэмжээнд хэд хэдэн удаа ийм нөөлөг салхи болсон бөгөөд Мандалговь хотод хамгийн олон буюу долоон удаа ажиглагдсан байна.

Далайн давалгаа мэт орж ирэх ийм салхи өмнө нь 2017 оны дөрөвдүгээр сарын 18-нд олон аймгийн нутгийг хамран болж байсан бөгөөд Дундговь аймагт хамгийн хүчтэй салхилж байжээ.

Б.ЦЭЦЭГ

Энэ мэдээнд өгөх таны сэтгэгдэл?
6
ГайхмаарГайхмаар
1
БурууБуруу
0
ЗөвЗөв
0
ХахаХаха
0
ХөөрхөнХөөрхөн
0
ХарамсалтайХарамсалтай
0
ТэнэглэлТэнэглэл
Баярлалаа!

Холбоотой мэдээ

12 сэтгэгдэл

News.mn сайтад сэтгэгдэл оруулахад анхаарах зүйлс

Avatar

Зочин 2020-06-09 72.196.192.250

Ugalz,nuulug gej mongol helend baidag l vas. Nutag nutagt uyanz yanzaar nerlene.
Honhoroosoo garaagvi ni zaaval uuriinhee meddegeer zvtgeed baih ni buruu l daa.

Avatar

Засрана аа л гэжийгаа 2020-06-09 66.181.180.29

Оронгаран гишүүн нь гэнэтийн бэлэг явуулжээ дуулаал сууж байдаг Дундговь нутгийнханд. Өөрчлөхгүй бол ирэх 4 жил дандаа ийм байлгана гэж амалсан гэсээн гаранорон гишүүн нь

Avatar

Зочин 2020-06-09 51.75.144.43

)))))) Халуун охид та нарыг хүлээж байна — https://is.gd/rH0jWz

Avatar

Зочин 2020-06-09 150.129.141.144

Нөөлөг гэдэг үг байдаг юм байх даа уул нь угалз л гэж нэрлэдэг санах юм. Нэг тэнэг даргын гаргасан үг байх даа хайран монгол хэл

Avatar

Зочин 2020-06-09 192.82.72.231

НЭГ ДУУЧИН ХҮҮХЭН ЯМААНЫ НООЛУУР БИТГИЙ АВ ГЭСЭН ГЭЭД БАРЬЖ ИДЭХЭЭ ШАХСАН . ОДОО ТЭГЭЭД УЛААН ШОРОО Л ҮЛДЛЭЭДЭЭ .

Avatar

123456 2020-06-09 49.0.212.127

Ямаа, адуу хоёр хэт олширсны гайгаар цөлжилт эрчээ авч байгаа нь энэ

Avatar

Зочин 2020-06-09 202.179.25.115

Цөлжилтийн гай

Avatar

Зочин 2020-06-09 202.21.108.153

oh god

Avatar

Зочин 2020-06-09 103.229.121.243

Нөөлөг салхи биш.

Avatar

зочин 2020-06-09 122.201.31.111

Мандалговь гэж сум байдаггүй, Сайнцагаан л гэдэг шиг санагдах юм, хэзээ тэгээд өөрчилчихөв дөө

Avatar

Зочин 2020-06-09 202.131.229.50

ter tiim ym bolsiimaa buur deer uyd

Avatar

Зочин 2020-06-09 172.58.139.76

Aimgiin toviin chini ner mudakaa

NewsMN Гар утасны хувилбар Татах
NEWS.mn

Мэдээллийн эх сурвалж