Наркотик, никотины хамаарлаас эмчилэх эм тарган хүмүүсийн жинг хасахад тус болж байгааг Америкийн эрдэмтэд тогтоов.  Луизианна мужийн Пеннигтоны биоэмнэлэгийн судалгааны төвийн (Pennington Biomedical Research Center) Фрэнка Гринуэйн (Frank Greenway) удирдсан эрдэмтдийн тайлан  The Lancet сэтгүүлд хэвлэгдсэн байна.
Эрдэмтдийн судалгаанд илүүдэл жинтэй 1742 хүн оролцсон бөгөөд тэднийг гурван хэсэгт хуваан хоолны дэглэм, биеийн тамирын дасгалаар  илүүдэл жинг нь хасах үйлчилгээг явуулсан байна. Мөн тэдэнд хэсгүүдээс хамааран өдөрт 32 миллиграмм налтрексон ба бупропион эмийн  хольцийг өгч байжээ.
Үйлчлүүлэгч нараас жин хасах хөтөлбөрийг 870 хүн бүрэн  дуусгасан бөгөөд мэргэжилтнүүд дүгнэлтээ гаргахдаа 1453 сайн дурынхны мэдээллийг авсан байна. Судалгааны явцад эмийн хольц хэрэглэж байсан хүмүүс дунджаар жингийнхээ 5-6 хувийг хасч чаджээ. Турах хөтөлбөрийг бүрэн дүүргэсэн хүмүүс бараг найман хувиар жингээ хассан байлаа.
Харин илүү чанга хоолны дэглэм, биеийн тамирын эрчимтэй дасгал хийж дээр нь эм ууж байсан хүмүүс биеийн жингийнхээ 10 хувийг хасч чадсаныг Фрэнк Гринуэй тэмдэглэв. Түүний хэлснээр хоолны дур хөдөлгөх тархины цэгүүдэд үйлчлэх эмийг анх удаа судалгааны явцад хослуулан хэрэглэсэн байна.