Эдийн засгийн ил тод байдлыг дэмжих тухай хуульд өөрчлөлт оруулах тухай хуулийн төслийг өргөн барилаа | News.MN - Мэдээллийн эх сурвалж

Эдийн засгийн ил тод байдлыг дэмжих тухай хуульд өөрчлөлт оруулах тухай хуулийн төслийг өргөн барилаа

Хуучирсан мэдээ: 2015.12.22-нд нийтлэгдсэн

Эдийн засгийн ил тод байдлыг дэмжих тухай хуульд өөрчлөлт оруулах тухай хуулийн төслийг өргөн барилаа

Монгол Улсын Их Хурлын дарга Зандаахүүгийн Энхболдод Засгийн газрын гишүүн, Хууль зүйн сайд Д.Дорлигжав Эдийн засгийн ил тод байдлыг дэмжих тухай хуульд өөрчлөлт оруулах тухай хуулийн төслийг өнөөдөр /2015.12.22/ өргөн барилаа. Улсын Их Хурлаас 2015 оны 8 дугаар сарын 7-ны өдөр Эдийн засгийн ил тод байдлыг дэмжих тухай хуулийг баталж, уг хуулиар албан татвар, нийгмийн даатгалын шимтгэл төлөөгүй, үл хөдлөх хөрөнгийн болон хуулийн этгээдийн улсын бүртгэлд бүртгүүлээгүй, хөрөнгө орлогын мэдүүлэгт тусгаагүй, эсхүл хэмжээг нь бууруулсан, нуусан, далд байгаа аж ахуйн нэгж, хөрөнгө, орлого болон орлогоос бусад албан татвар ногдох бараа, ажил, үйл ажиллагааг хуульд заасан хугацаанд сайн дурын үндсэн дээр мэдүүлсэн, тайлагнасан, бүртгүүлсэн нөхцөлд нэг удаа албан татвар, хүү, торгууль нөхөн ногдуулахгүй, холбогдох хариуцлагаас чөлөөлөхөөр зааж, хуулийн 3 дугаар зүйлд хуулийн үйлчлэх хугацааг “…. энэ хууль хүчин төгөлдөр болсон өдрөөс эхлэн 2015 оны 12 дугаар сарын 31-ний өдөр дуусна” гэж тусгасан байна.

Эдийн засгийн ил тод байдлыг дэмжих тухай хуулийг батлан хэрэгжүүлснээр буюу 2015 оны 12 дугаар сарын 16-ны өдрийн байдлаар 6.1 их наяд төгрөгийн орлого ил болж, 1.2 их наяд төгрөгийн татвар болон 352.1 тэрбум төгрөгийн торгууль, алдангиас  тус тус чөлөөлөөд байна. Энэхүү орлогыг ил болгохтой холбоотойгоор иргэд, аж ахуйн нэгжүүд 1640 санхүүгийн тайлан, 10276 татварын тайлан, 366 нийгмийн даатгалын тайлан, 1451 гаалийн нөхөн мэдүүлгийг холбогдох байгууллагад хүргүүлж, 168 төрлийн эд хөрөнгийн болон хуулийн этгээдийн бүртгэлд 150 удаагийн нэмэлт, өөрчлөлт оруулаад байна. Эдийн засгийн ил тод байдлыг дэмжих тухай хуулийн хүрээнд нийгмийн даатгалын шимтгэл болон улсын тэмдэгтийн хураамжийг чөлөөлөөгүй тул ил болж буй цалингийн сантай холбоотой 378.6 сая төгрөгийн нийгмийн даатгалын шимтгэл төсөвт төвлөрлөсөн. Түүнчлэн эд хөрөнгийн болон хуулийн этгээдийн улсын бүртгэлтэй холбоотой 5.7 сая төгрөгийн улсын тэмдэгтийн хураамж төсөвт төвлөрөөд байгаа аж.Цаашид улсын төсөвт төвлөрүүлэх шимтгэл, хураамж болон ил болгож байгаа хөрөнгө, орлогын хэмжээг нэмэгдүүлэх, улмаар хуулийн үйлчлэлд тодорхой шалтгааны улмаас хамрагдаж чадаагүй иргэн, хуулийн этгээдийг хамруулах зорилгоор хуулийн үйлчлэх хугацааг сунгах шаардлагатай гэж үзэн хуулийн төслийг боловсруулсан байна.

ЭХ СУРВАЛЖ: УЛСЫН ИХ ХУРЛЫН ТАМГЫН ГАЗРЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС

 

"Болор дуран"-аар шалгав.

0 сэтгэгдэл

News.mn сайтад сэтгэгдэл оруулахад анхаарах зүйлс

dabaa 2015-12-22 202.21.117.42

ene bol zob zuil, orgon barisan bna, nam ebsluud uund saad bololgui snuurhai batlah heregtei dee, toriin alban haagcnidaa ene huulid hamruulahgui gesen huazgaarlaltaa abah heregtei, tiim snaardlagatai bol zobhon toriin ondor uls toriin alban tusnaaltnuudaa l uund hamruulah heregtei snuu, jiriin heg surguuliin zahiral, jiriin neg toriin alban haagcnid uunii gadna uldeh esguig ih hurliin eruul saruul uhaantnuud erh bisn anhaarmaarsan

Нягтлан бодогч 2015-12-22 202.131.238.35

Маш зөв байна, хуулийн энэ төслийг өргөн барьж байгаад баярлалаа. Гол нь улсын их хурал үүнийг дэмжээд батлаад өгөөрэй. Төрийн байгууллагууд, нягтлан бодогч нар Үнэхээр хэцүү байна. Системийн болон механик бодит Ачаал***** нь яагаад ч дийлэхгүй байгааг зөв ойлгоорой. Хугацаа сунгах Хууль батлагдвал бүтэн нойртой хонож, шинэ оныг нуруу тэнэгэр угтахсан.

Батбаатар 2015-12-22 122.201.21.58

Маш зөв санал санаачлага байна шүү Дорлигжав сайдаа. Энэ хуулийн утаг учирыг ойлгож амжаагүй асар их олон дунд, жижиг ААН-үүд байгаад байна. Үнэндээ 8-р сарын 31-нд батлагдсан хуулийн 3-хан сарын хугацаанд урд нь мэдээлэл аваад бэлдчихсэн хэдхэн томоохон ААН-үүд л хамрагдана шүү дээ. Тэгээд бас энэ хууль батлагдах үгүй нь тодорхой бус эргэлзээтэй байсан бөгөөд үнэхээр хэрэгжих нь тодорхой болсоныг хүмүүс мэдэрч ойлгож эхэлсэн хугацаа буюу тайлангаа үнэн зөв тайлагнах ажлаа эхэлсэн хугацаа нь бараг оройтож 10-11 сараас эхэлсэн гэхэд болно. Энэ бага хугацаанд яагаад ч ихэнхи дунд, жижиг ААН-үүд нуун дарагдуулсан, үнэн бодит, ил тод тайлангаа хуулийн хугацаанд өгч амжихгүй нь ойлгомжтой юм. Жишээ нь наад захын 8 нэрийн хүнсний мухлаг, жижиг цайны газар өдөртөө 330,000-500,000 төгрөгийн орлоготой сардаа 10,0 саяаас дээш борлуулалт хийдэгийг захын бага насны хүүхэд ч мэднэ дээ. Өдөрт 1,0-3,0 сая төгрөгийн орлоготой бар, ресторан, супермаркет одоо хаасайгүй л байна даа. Зүгээр машинаар халтуур хийгээд төрд ажиллаж байгаа эмч, цагдаа, багш нараас илүү амьдраад байгаа хүмүүс бидний нүдэнд илхэн байдаг даа. За за та болон танай баг маш зөв хуулийн төсөл өргөн барьсанд олон олон хүмүүс талархаж байгаа гэдэгт бүрэн итгэлтэй байна шүү. Бид ингэж зөв шийдвэр гаргаж чадсанаар олон олон нуугдмал зүйлийг ил болгож, цаашдаа үнэн шудрага бодитойгоор ажиллаж амьдрах бололцоо нөхцөл жинхэнэ утгаараа бүрдэж байна гэж үзэж байна. Манай хууль бүх ард олонд ижил жигд хүртээмжтэй үйлчлэх зарчимыг хатуу баримталдагийн нэг тод илрэл мөн болно.

ард 2015-12-22 202.179.28.193

Өртөй аж ахуй нэгжүүдээ өршөөгөөчээ.дахин татвар төлөхөө больё. Нуугаад байвал өршөөгдөнө шүү.үнэн ч байгаад хожих юм алга

Зочин 2015-12-22 103.229.120.121

ene asuudliig shiidex tusul urgun barisand talarxaj zuitei shuu